نعاني جميعاً من شح المعروض من الوظائف و يبقى الباحث عن عمل على أمل أن يأتي ذلك الأتصال باعثاً للتفاؤل (( فلان آل فلان؟ نعم , ودنا لو تحضر مقابلة شخصية لوظيفتك ذات المسمى الجذاب و في تلك الشركة المرموقة التي طال انتظارك للالتحاق بها)).
بعد الأتصال تشحذ الهمم و تستعد للمقابلة على أكمل وجه. يأتي يوم المقابلة وينتهي و تبقى أصعب لحظات و أيام الأنتظار…ليأتي بعدها الرد الصادم ((نأسف))…نأسف؟؟!!! لماذا و في ما أخطأت و ماذا ينقصني؟ لتكتشف بعدها أن الوظيفة ذهبت لطالب العمل الآخر فقط لأنه قادم من طرف فلان مدير الموراد البشرية أو علان الذي يعمل تحت مدير القسم الفلاني.
أغلبيتنا مر بتجربة مماثلة أو قريبة للسيناريو أعلاه أو بالمختصر كان في فرصة وظيفية أضاعتها عليه الواسطة. سؤالي الذي أرغب أن أطرحه للنقاش , هل هناك اشياء تستطيع عملها لكي لا ياخذ فرصتك الوظيفية أبو الواسطة؟!!
والله شوف دامك مقيم في امريكا خليك هناك
وضع التوظيف ما يطمن حتى الشركات الكبيرة الي زي ارامكو و سابك صاروا يوظفون السعوديين على نظام SMP يعني بالعربي السعوديين صارو زي الشغالات يجيبونهم من مكاتب الاستقدام
أنا حاليا شغال في شركة سب كونتراكت مع مشاريع ارامكوا و بالعربي الفصيح ما وظفوني الا سعودة
الــ main contract كله اجانب حتى في وظائف عادية زي الاستقبال و السيفتي اجانب المصيبة ان مدير السيفتي بريطاني و شغلته يقدر اي سعودي يسويها و من الفسقة البريطاني مسكن اهله في دبي و كل ويك اند ينزل دبي على حساب الشركة
الطامة الكبرى دخلت مكاتب ارامكوا تقريبا 60% من موظفين ارامكوا اجانب و من جميع ما تتخيل من الجنسيات اوروبي على امريكي على فلبيني على نيجيري! نعم نيجيري متوظف في ارامكو !!!!!!!!!
اذا ارامكو وهي صاحبة المشروع و المفروض تكون قدوة في سعودة الوظائف ما بقت جنسية في الكرة الارضية الا وظفتها فحرام تلوم الشركات الثانية
والله صارت لي كثير كلامك صحيح، وذكرتني آخر شيء حصل لي موقف وقح جدًا من الخطوط السعودية (أعظم بمراحل من الكلام اللي انت ذكرته)
كلموني وقالو لي أجي مقابلة مع تقنية المعلومات في الدور الرابع في المبنى الرئيسي (في جدة) وأنا من الشرقية
حجزت تذكرة وجيتهم ولمن وصلت اكتشفت ان الدور الرابع كان قسم المبيعات (هذي أول صدمة)
قالو لي ان الوظيفة في التجارة الإلكترونية وهي تعتبر وظيفة مبيعات وتقنية ملعومات بنفس الوقت (ما توقعت هذا الشيء)
مو هذي المشكلة، المشكلة ان المقابلة كلها ما تنسقت بشكل صحيح، ولا حتى ارسلو لي رسالة تأكيد، وقالو لي ان اللي بيقابلك في اجتماع برا بس يخلص الاجتماع ويجيك، وطبعا ما جا وقابلني موظف آخر ما عنده معلومات عن الوظيفة واسأله ايش مهامات الوظيفة ويقولي ما اعرف!!! قلت له بوجهه اجراءات التوظيف عندكم فوضى وكارثة ومهزلة (وهذي خامس مرة اسافر عشانهم على فكرة)
وكل ما اقدم شكوى على اللي حصل كل واحد يرمي المشكلة على الثاني، حسبي الله ونعم الوكيل
وأنا سافرت جدة ورجعت الشرقية بنفس اليوم وكنت استخدم طيرانهم فوق كل هذا!!! ضيعو يومي وفلوسي وتعب السفر كله على الفاضي والله ما يستحون
عموما يا أخوي، أنت قدم وان شاء الله ربي بيفتحها لك
انا حاليا متدرب في برنامج تمهير واستلم 3000 ريال شهريا، وجالس اكتسب خبرة ممتازة، وقالو لي في فرصة كبيرة للتوظيف بعد انهاء التدريب… شوف افتح موقع طاقات ودور ترا مرة ممتاز برنامج تمهير للخريجين
تخيل أن نسقوا معي شركة و أنا في أمريكا و قالوا لي استعجل اذا بغيت الوظيفة ، تخيل اني شريت تذاكر للسعودية من جيبي في اسرع وقت عشان احظر المقابلة و اللي كانت المفروض مع المدير المباشر و لكن أحضر في يوم المقابلة لافاجئ بمدير الموارد البشرية يرفض أن يدعني اقابل المدير المباشر و يصر يطريقة عجيبة ان هذه ليست الشركة المناسبة لي و أن علي أن ابحث عن شركة أفضل مع أني اعرف وضع الشركة مقبول جداً و خصوصاً أن الوظيفة بمسمى Manager و لكن هدفه كان واضح بعد التقصي ممن يعملون تحته بأنه ارادها لغيري و حسبي الله و نعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
الله يفرجها عليكم وعلينا ياشباب والله المهندس والشاب السعودي محارب في كافة القطاعات الخاصة
افتكر لما كنت في شركة تيرنر(أايام زبالة) كان في شباب لهم معارف ب ارامكو … كانوا ارامكو يضغطوا على شركتنا عشان يوظفوهم عندنا … الحاصل الشباب اشتغلوا معانا واتعرفنا عليهم للحظة نسينا انهم متعينين واسطات وصاروا في نظرنا كفو وابطال واخلاق وذوق … بعدين تذكرت انهم جايين واسطات لكن الواقع فرض علينا انهم جايين ابطال ومجتهدين وكنا نتكلم معاهم انو يا الله الواسطات ماكلة الدنيا وانو وانو وانو … واقع مضحك واحد متوظف واسطة يتكلم معاك عن الواسطات انها ماكلة الدنيا هههههههههههههههههه
من يثق ويتوقع الكثير من شركات ومؤسسات دول العالم الغير اول المتقدم… فهو واهم واهم!!
الكثير الكثير الكثير في الوظائف الي عليها الكلام متعينين ب حرف و
ولولا احراج البعض ذكرت الكثير وفي بعض الاماكن حتى غير شركات!
لكن السين الاوضح وبدون تقيه من المستفيد من شركات الكونتركت مع رامكو وسابك؟!
الشركتين وكم شركة شبه حكومية وبعض البرامج الخاصة في الوزارات هذي معيار او مؤشر لوضع السوق والتوظيف…بمعنى اذا وضعهم ممتاز فرايح يعكس على الشركات
اما اذا كان وضعهم الله بالخير فمصير شركات المتوسطه وغيرهم الدجه والواسطة!
بدون تقيه ونفاق انا موظف ب و
ولولا الله ثم حرف و كان في اوبر ولا بطيخ ولا حافز واخواتها
لي صديق عمره اقل من 37 سنه من دوله عاصمتها بيروت راتبه 25 الف بس الشهادة لله مايأذي السعوديين واخذ بونص سبع رواتب
تأخير رحلات وجبات اللهم لك الحمد كراسي حلوه وبعض الطائرات كراسي كنك في مقعد باص!
شف عينات العاملين… اعتقد البلاوي الي فوق مؤشر غير جيد وغير مريح ومن الدروشة اذا احسنت الظن في طريقة التعيين
أنا ما عندي مشكلة حتى لو ما يبون يعطونا وظيفة قلعتهم، الدنيا ما هي واقفة على أحد، بس يكلمونا ويقولون لنا نجي ليش!؟ حسبي الله ونعم الوكيل
وعلى فكرة انت سفرة وحدة…أنا سافرت جدة 5 مرات (مجموع 10 رحلات لو تحسب الذهاب والعودة) هذا غير حجز الفنادق، يعني الخسائر المادية متقاربة… بس من جد الله لا يسامحهم يعني حتى اذا حصل خطأ أقل حاجة يجي اعتذار وتعويض بس من جد بعض الشركات ما يستحون
افتكرت انو لوحدي بهالطريق
وافتكرت انو انا المنحوسه او الي مالي حظ
ههههه بس طلعنا كلنا بالهوا سوا
انا مثلكم ويمكن اخس والعن منكم روحه وجيه وقطة وجه واكلم الاتش ار بلنكد وماظل موقع الا واتابعه وابحث
ورحت بنفسي واكلم تلفون اتابع
احس ماظل شي ماسويته
بس مع الاسف الشديد مثلكم اروح واخسر قيمة مشاوير ع الفاضي
مره اتذكر مقابله ومقابله اخر شي اروح
تسألني سؤالني وقومي
وهالسؤالين مايبغالهم اي شي واجاوبهم
بالنهايه رفض
مره صادفني طبعا اجنبي يقولي انتي ماتنفعي الى هالوظيفه طيب اجل ليش جايبني ومسوي وياي مقابله عشان بس بالنهايه تكسر خاطري وتقولي ما انفع
وقلت له طيب دربني وحطني تحت التدريب لمدة 3 شهور وبدون راتب بعد ولين مانفعت يصير خيرو اصر ع كلامه طبعا
ومن ضمن بعد الرفض والواسطات انه ياسبحان الله وماراح اخجل او استحي من ذكر الشركه
كلموني من دبي جي اي بيكر هيوز وسوو معاي مقابله اوليه وعديتها
وع وظيفه جدا عاديه تعتبر بالكستومر كير وجلست ادور ع بروفايل احد ع نفس الوظيفه ممكن يعني اعرف كيف طريقتهم واسألتهم والخ
وع الاسف الي شفته بالروفايل مجرد جامعه وخبره سنتين بمقابل خبرتي بعدة مجالات ولخمس سنوات
ع العموم المقابله الثانيه كانت مع المنجر هنديه واتذكر اني سويت كويس جدا وحتى ردودي كنت محضرتها عدل وصح واحس اني جاوبت كل شي اوك وخلاص يعني اعتقد ع التقديم صارت عندي خبره بهالمقابلات ع العموم بالنهايه قالتها لي بوجهي اخترت واحد هندي ؟!!!!!!!!
وغيرها وغيرها طبعا من المواقف الي تشيب الراس
والي اشوفهم بقدام عيوني يجون اخر الناس ويدخلو اول الناس ويقبلوهم وانا يخلوني اخر الناس ويقولون لي قفلنا
ماقول غير حسبي الله ونعمه الوكيل والله يرزقنا ع قدد تعبنا
اما عن سؤالك ماذا نفعل عند عدم وجود واسطه
احب انا افتتحها واقول خل نفتح لنا موضوع للي يقدر يساعدنا بواسطه
وانا اولهم
وفعلا الي يقدر انا ماعندي مشكله خل يجو يكلموني المهم الجديه والمصداقيه
وحتى لو باتعاب راح ادفع
لانه من جد تعبنا
واخذ بونص سبع رواتب 