سلام عليكم ومبارك للجميع العيد .
بخصوص التوظيف في ارامكو للفريش هل هو صعب وكم مدته تقريبا وهل الافضلية لأبناء الموظفين كما نسمع .
طبعا البرنامج هو pdp للفريش .
ماوضع شركة ارامكو حاليا مع المهندسين الجدد هل ارامكو تقبل عدد كبير من الطلاب وهل ارامكو افضل شركة للمهندس… الخ افيدونا يا اهل التخرج .
واسأل الله ان يوفق و يرزق الجميع .
و عليكم السلام،،
عدد موظفين أرامكوا يجاوز ٣٠ ألف موظف و هذا العدد يعتبر جبار و صعب على الشركة توظف حديثي التخرج بالسهولة. يعني مهندسين الفرش في سنة ٢٠١٢-٢٠١٣ كان أكثر من الآن و الشركة تبحث عن طلاب النخبة اللي معدلاتهم عالية + سيرة ذاتية قوية ( دورات + أبحاث + مؤتمرات… إلخ) و هذه عليها نقاط عالية في التقييم.
برنامج ال PDP مدته تصل الى ٣ سنوات، تعمل Rotation على جميع الدوائر التابعة لقسمك اللي راح تتعين فيه و طبعاً راح تكسب خبرة قوية.
الشركة لا تقبل عدد كبير من الخريجين، طلاب النخبة لهم الاولوية في الترشيح.
حالياً أرامكوا ليست الأفضل، في شركات تعطي رواتب عالية و دورات على أعلى مستوى و تطوير مستمر للموظف، الحوافز في أرامكوا ليس كالسابق.
نعم عدد موظفين ارامكو مايقارب 65 ألف موظف وواضح فيها شبه اكتفاء .
بعدين ايش الشركة اللي افضل من ارامكو .
للعلم ارامكو تعطي 12000 ألف ريال للفرش pdp راتب ممتاز ما اتوقع اي شركة اخرى تعطيك هذا الراتب او فوق 10 بعد غير ارامكو .
سمعت ان الحكومة تجبر ارامكو على توظيف عدد معين كل سنة وهذا شيء كويس .
وانا سألت السوبرفايزر حقي قلي فيه احتياج مهندسين خصوصا المشاريع الجديدة مثل واسط ومنيفة والمناطق النائية بشكل خاص لان غالبا الموظف يهرب من الريموت اريا او يكون اسايمنت فقط .
شكرا على مشاركتك اخي .
للتصحيح راتب المهندس فرش على قريد ١١ راتبه ١١٥٠٠ ريال و يزيد على حسب المعدل. و شركات التكرير و البتروكيماويات اللي في الجبيل تعطي أكثر وعندهم برنامج PDP + تكون مثبت يعني تدخل في السلم الوظيفي للشركة مباشرة عكس أرامكوا ال PDP لهم تقيم خاص و مايدخل في السلم الوظيفي الا بعد أنتهاء البرنامج.
و بالنسبة ان الحكومة تجبر أرامكوا عشان توظف هذا ليس صحيح الشركة أصلا تحاول انها ماتوظف و تبحث عن شركات الكونتراكت أوفر لها، هذا كلام أبو زميلي قريد ١٧ و شغال في منظمة NAOO و كذلك صاحب اخوي موظف في ال HR له ٨ سنيين معاهم و يقول ان نسبة التوظيف قلت بكثير في الشركة.
على العموم الشركة ليست الوحيدة في السعودية يوجد شركات تفوقها في الوقت الراهن مثل سبكيم، صدارة، ساسرف، ساتروب، بترو رابغ حتى لو كانت أرامكوا لها نصيب من هذه الشركات الا انها تفوقها في بعض الأشياء، و علماً بأن موظفين تلك الشركات هم موظفين سابقين للارامكو و أغلبهم قد تجاوز ١٣ سنة مع أرامكوا.
فيه شركات تعطي مثل هذا الرقم.
ثاني شي حاب اضيفه، ما حد ينكر ان ارامكوا من افضل الشركات في السعودية من حيث الرواتب لكن فيه شركات تتفوق على ارامكوا.
الي راح ياخذ رزقه من وظيفة، عليه يفكر في المميزات ايضا مثل مكافأة الخدمة ووووو.
الشركات الي تعطي اكثر من ارامكوا على حد علمي
شيفرون، صدارة، شلمبر، الحفر العربية.
وفيه شركات تكون متكتمة على المميزات والرواتب.
وفيه اشياء اشياء ثانية لازم تحطها في عين الاعتبار مثل التطوير الوظيفي وووو.
بس مثل ما قلت في البداية، ارامكوا من افضل الشركات لكن فيه شركات افضل.
نعم اخوي كلامك صح والاعلى بعد شركات ينبع مثل ساسرف ياسرف او شلمبرجير سمعت ان الفريش ١٨ الف بيسك
بس دايم اسمع يقولوا ارامكو امان وظيفي اكثر لانها شركة وطنية وتعتبر قطاع حكومي مدري عن كلامهم صح او لا ومميزاتها حلوة مثل طيران مجاني ومجمع سكني جميل جدا وغير ذلك يميزها عن غيرها .
بترو رابغ تقريبا هي نفسها ارامكو ونفس انظمتها .
اتوقع التوظيف في كل الشركات سيء مو بس ارامكو بسبب الازمة الحالية واغلبها حاليا تطلب خبرة بترو رابغ حلمي بس تبغا خبرة شوف الموقع تبع الشركة اقل شيء خبرة ١٠ سنوات او ١٥ سنة حتى صدارة ٥ سنوات خبرة مافي اي شيء حاليا للفريش متى موعد التقديم للفريش ؟
الله يرزقني ويرزق الجميع .
لاتقلي شركات كثير افضل ومدري ايش ترا الامان الوظيفي في ارامكو قوي جدا ويفرق معك بالمقارنة… والتوظيف شغال تقريبا كل اسبوعين يوظفوا مجموعة في الشركة وفي الشهرين الماضية عينوا عدد كويس من المهندسين عندنا
ايه نعم الامان الوظيفي يفرق معك … شلمبر والشركات الاخرى توقع تنفصل في اي لحظة على كلام واحد الشباب يقول في شلمبر توقع اي يوم تداوم وماتلاقي اكسس على جهازك (يعني فصلوك)… قدم على ارامكو وحدث ملفك كل اسبوع وان شاء الله تلاقي اللي يسرك استغل الفرصة التوظيف الان شغال لان فيه expansion لبعض المعامل ومعامل جديدة تفتح … بالتوفيق
لا الفصل يكون بالضغط عليك مثلا عشان تستقيل لكن لايحق لهم فصله مباشرة ذي مخالفة لوزارة العمل وهي فصل السعودي من عمله بدون سبب.
فيه شيء حلو انك تروح شلمبرجير وتكسب خبرة وتروح بعدها ارامكو ما اتوقع يرفضوك.
نعم انا قلت الحكومة تجبر ارامكو للتوظيف وارامكو قبلت عدد خرافي من طلاب السمر والكواب مين يقول انها ماتبغا توظف او تخسر ذي شركة وطنية تهتم فيك وتقريبا اغلبها سعوديين ومطلعين الاجانب عكس بقية الشركات للعلم سابك ماتقبل سمر الا طلابها عكس ارامكو بابها مفتوح .
انا سمر وشفت بيئة ارامكو .
صح رواتبها مو زي بعض الشركات او الحوافز بس مميزات حلوة .
يعطوك سيارة وبنزين على حساب الشركة - سكن - مجمع ترفيهي خاص بالشركة - طيران مجاني - امان وظيفي - راحة جسدية في العمل - اكل وغسيل مجاني( ريموت اريا) …الخ.
المميزات تفرق.
ولد عمي شغال في مصفاة ستراتوب حديث تخرج هندسة كميائية من خريج جامعة البترول مع مرتبة الشرف الأولى راتبه ١٤٠٠ بيسك + سيارة + سكن + البدلات و العلاوات السنوية و يدخل في نظام الترقيات السنوية و هو PDP للمعلومة !
و اخوه شغال في أرامكوا ٥ سنوات توه مأخذ قريد ١٢ و راتبه ١٢٥٠٠ ريال بيسك على كلامه و يشتغل في رأس تنورة حتى سيارة ماعطوه و زي ماتعرف بدل النقل غير مجزي.
الله يوفقك ان شاء الله و يرزقك باللي تتمناه 
اذا فيها امان وظيفي شيء حلو ماشاء الله .
بس صراحة كلها رواتب ووظيفة حلوة سواء ارامكو او غيرها دامها ١٢ الف وفوق .
امين وياك الله يوفق ويرزق الجميع …
أكيد فيها أمان وظيفي + أرامكوا لها حوالي ٦٥٪ من حصة الشركة.
الشركات اللي عقودهم سنوية هي اللي تخاف منها أما هذه الشركات لا التجديد آلي زي أرامكوا.
معليش ١٤ ألف مو ١,٤٠٠. 
ياعمي انت من الناس اللي لسه مخدوعين بارامكو وانها الافضل
ارامكو على المدى الطويل روابتها الاسواء
يعطونك ك بي دي بي راتب ممتاز ولكن الزيادات فاشله مقارنه مع غيرها والترقيات
ولكن اذا تفكيرك حكومي فانصحك بارامكو
بعد ١٠ سنوات ستجد حقين سابك والجبيل اعلى منك ب ٣٥ الي ٤٠ بالميه بالراحه
بالعربي ارامكو مايهمها قدرات الشخص وانما الشخص اللي يرضى بالعرض الاقل، لما تقدر عرض تقبل الشخص اللي يرضى باقل عرض ويكون مشي حالك مو شرط ممتاز.
بالنسبة للفريش بالفعل ارامكو ماتقبب الا الصفوه لانها تستغل السمعه وان الناس شايفين ارامكو الافضل خصوصا الخريجين الجدد يجيك شايف ارامكو احسن من ناسا
ومع الوقت تتكشف الامور. اما اللي تفكيره حكومي وداوم واضرب الباب مابتفرق معاه الشغله
نعم ماتقبل الا الصفوة بس غالبا تقبل وتفضل ابناء الموظفين .
ارامكو كقيمة سوقية وربح وأسهم اتكلم عن الشركة نفسها هي الاعلى من كل الشركات الاخرى بلا نقاش .
اما بالنسبة للموظف نعم الزيادات و الحوافز قليلة حسب ماسمعت ماتدري ايش السبب ممكن بسبب عدد الموظفين او ان الشركة بخيلة وهي كذلك 
. اقصد الشركة ميزانيتها ضخمة ليش ماتعطي حوافز لموظفيها ؟؟
مدري ليه احس ارامكو بخيلة جدا حتى التدريب الصيفي 2500 فقط اقل بكثير من الشركات الاخرى .
شكرا على مشاركتك اخي .
كلامك. غير صحيح الزيادات حلوة وفي السنة تجيك ١٩ راتب وفي المناطق النائية ماتصرف ولا ريال ولك طيران مجاني لجدة وبقية المدن الرئيسية الشركة مش بخيلة اذا توظفت فيها تعرف قيمتها
والشركة توفر باصات مريحة جدا وطائرات ويوفرو كل شي حتى السكن والمرافق جودة عالية وامان وظيفي عالي وش تبي اكثر الشركات الثانية ماتعطيك زي ماتعطيك ارامكو + في المناطق النائية حتى وقت الباص ووقت رحلة الطائرة الى مدينتك يعطوك فلوس عليها
لاتقارن ريموت ايريا بالجبيل وينبع مثلا
اكيد ريموت ايريا بيكون فيه دخل اضافي وممكن يصير احسن من غيره ولكن بالاخير هذا شي لابد منه والا من يرضى يرضى يستقر بقلعة وادرين
ا
اتفق معاك اخوي الكريم تحديدا مصفاة جازان التي تعتبر من اهم مشاريع ارامكو وطالبين كثير مهندسين والله يكتب لنا ولكم الخير.