كثير الاحظ من المهندسين لما يقدمون على شركات الحفر تجيهم مقابلات على( Field Specialist )
علمًا بأن المفروض المهندس يبدأ كـ Field Engineer. فلا يجيك واحد ويقول لك انا ما اقدر اوظف خريج ماعنده خبره عشان يكون Field Engineer لازم تكسب خبره وتتدرج !
ماراح اخوض بالبزوشين هذا ، ولكن المضحك ان لما كمهندس تقدم ولما تروح تسوي مقابله يقول لك انت راح تبدأ Electrican طيب وشهادتي ؟ ودراستي ؟ يقول لك لا بعد ٤ سنوات بس تثبت نفسك تصير مهندس ان شاء الله. انا ما اعيب الكهربائيين ابدًا هذا جهدهم وهذا الي وصلو له ، ولكن معليش انا درست ٥ سنوات عشان اكون مهندس مش عشان اكون Technician. عل الاقل التكنيشن درس معهد واخذ دبلوم وتوظف على شهادته، بينما ماتجيني انا الي درست هندسة وتقول لي لا والله كبدايه لازم ترضى وتبدأ من الصفر عشان تكون مهندس ! كثير ناس ترضى بحكم ان الوضع بالوظايف صار جدًا صعب واحب اقول للناس هذي الي تقبل بالوظايف الي ادنى من مؤهلاتهم الله يوفقكم بس بالنسبه لي ، انا مادرست عشان اقبل بأقل من مؤهلي، ف ماطلبت لا زياده ولا طلبت اقل المهندس يبغا ياخذ حقه فقط. اكيد كثير مننا مر بالتجربه هذي. عطونا اراءكم اذا توافقوني على كلامي. وشكرًا.
بعض الأقسام يكون عندهم عدد معين للمهندسيين قد يكون واحد فقط و هو اللي يكون القائد على ال Specialists.
انا أول ما توظفت حطوني Specialist بس براتب و مميزات المهندس و وعدوني بالترقية، الان المقابلة كانت على ال Engineer بس كان عندهم نقص في ال Specialists ، خلال ٤ أشهر تدريب مكثف بعدين رقوني ل Engineer علماً بأن مقعد واحد فقط في القسم اللي انا فيه فصرت Leader في أقل من سنة.
من وجهة نظري الشغل ماهو عيب و مافي فرق بين قريد المهندس و الاخصائي.
و أغلب اللي أعرفهم بدأ زي كذا، حتى أرامكوا في فترة ال pdp تتوقع أنهم بيسمونك مهندس على طول في الريموت أريا ممكن تمسك مكان ال Shift Forman أو ال Planer أو أي مسمى أخر.
و إذا تفكيرك أني ماراح أتوظف الين مايجيني اللي براسي، أقولك ماراح يجيك بالسهل بالذات في الفترة الحالية، يمكن تقعد سنة او السنتين كاملة عاطل و بكذا محد راح يأخذك.
كلام جميل يامهندس محمد ، خل انك تكون سبيشيلست وبعدها تكون مهندس انت وجهدك واكيد الي بيجتهد راح يحصل بإذن الله ، وارامكو شي والشركات الثانيه شيء مختلف ، انا اتكلم من انك تبدأ فني كهربائي ونت مهندس كهربائي ! يعني تجلس تضيع مسيرتك المهنية مدة ٥ سنوات او ٤ على امل انهم يخلونك مهندس ! مايدخل العقل بصراحه انا مش مستعد اجلس ٤ سنوات عشان اصير مهندس ، ونا فعليًا مهندس ! ولا سمح الله ماكملت ال ٤ سنوات ، خبرتي هذي وش راح تفيدني كـ فني ؟ مين راح يقبلني كمهندس ؟ راح اكون انا والفريش واحد ، فهمت علي.
الخلاصه ان فيه حالات برأيي تستوجب الرفض ! الشركات جالسه تلعب وتوهمنا بأن لا لازم تتدرج عشان تكون مهندس هي مش رتب عسكريه ياصاحبي هذا مؤهلي انا مهندس مش فني ، بس السبشيليت للأمانه ماعندي الفكره الكامله بس الي اعرف وقريت من الشباب انه مايعتبر engineer. الله يوفق الجميع.
هو حسب الشركة الشركات المحترمة مثل ارامكو وسابك بتعطيك اسم مهندس ومخصصة ستيكر اخضر للمهندسين 11+ وبعض الشركات الاخرى تعطيك فني لاسباب خاصة بها ممكن ان الشركة لايوجد فيها مهندسين !! وتنفع كوظيفة مؤقتة الهدف منها كسب خبرة والتعود على بيئة العمل .
ايضا بالمثل نروح للعسكرية الدفاع فتحت قبول طلب البكالوريوس برتبة وكيل رقيب طبعا هذا ظلم لان المفترض البكالوريوس يتخرج ملازم والدبلوم رقيب والثانوي يكون جندي .
فالموضوع هو حسب الجهة وانت حاول تدور الافضل والشركات اللي تقدرك وتقدر تعبك وتعطيك حقك روح لها باختصار .
قابلت مهندسين كبار و أجمعو أن تكون ملم في شغلة التكنشن شيء جداً مهم.
هذا مو معناته إنك تاخذ راتب و مسمى التكنشن و ترضى فيه، بل تكون مهندس لكن في بدايتك تشتغل معهم وتكون ملم تماماً في المشاكل و إصلاحها و فترة الإصلاح و هذي بتفيدك كثير لما تصير مدير إنتاج أو مدير بشكل عام.
كذاك سمعت هذا الكلام من أكثر من دكتور فالكلية.
عشان أعرف الرأي الصحيح، لان هذا مو كلامي، هذا كلام الشباب اللي أعرفهم و لازالوا على رأس العمل. واحد منهم خلال فترة ال PDP أخذ منصب ال Shift Forman لفترة ٤ أشهر.
نعم أنا معك في أنك تشتغل ك Technician أو Operator هذا بحد ذاته ظلم.
أنا كان تعليقي بس على مسمى ال Specialist طال عمرك، لأني حبيت اذا أحد شاف هذا الموضوع و عنده عرض بمسمى Specialist لا يتردد في القبول و إن شاء الله الخير جاي له.
الله يرزقك باللي تتمناه عليك بالدعاء و الصدقة و الله يفرج همك و هم كل الشباب اللي ماحصلوا على وظائف تناسب طموح هم.
هذي النقطة الي اتكلم فيها مهندس محمد انك تعطيني حقي وظفني مهندس وخلني مع الفنيين اذا تبغاني على قولتك اتعلم واخذ خبره وماعندي مشكله مستعد ابدع واتعلم والي يبونه تم ، بس تعطيني راتب الفني + مسمى الفني لا ما اقبل فيه وخصوصًا مؤهلي bachelor ولو اجلس عاطل لين ربي يفرجها، اشوف انها ابسط حقوقي. ماهي سالفة اني اتشرط ، لا ابدًا انا بس عطني حقي كمهندس وابشر بالي يبدع في عمله. ومن ناحية السبيشلست الوضع مختلف زي ماقلت. الله يسعدك
للاسف بحكم ان وظائف الهندسة في القطاع الخاص لا تتوقع ان كل الشركات تعطي عروض كويسه (فيه مهندسين برواتب ٦ او ٧ الاف ) ،، من وجهة نظري في الفتره الحاليه الي مايدخل الشركات الكبيره زي ارامكو وسابك وطقتها غالبا بيتعب كثير في مسيرته العمليه
هذا الموضوع المفروض يثبت في اعلى قائمة قسم الخريجين ويكون مرجع لكل خريج انه يفتح عينه على بعض الامور
انا من تخرجت قبل كم شهر وتخصصي هندسة ميكانيكية جاني عرض من شركة في مدينتي ب 4000 ورفضت بحكم ان العمل ماراح يكون هندسي
العرض الثاني جاني بعدها بشهر وشوي برضه في نفس المدينة ولكن اسم (مهندس) وشغل تكنيشان وب 5 الاف
ايضا رفضته بحكم انه ماراح يضيف لي شي. العجيب في الموضوع ان اللي سوالي المقابلة مهندس ويقولي انا اشتغلت بدايتي تكنشن وقعدت كم سنة وترقيت وصرت في قسم كذا وكذا وانه لازم الواحد يبدا من الصفر ويتدرج.
انا اتفق تماما مع كلامه لكن اقعد كم سنه عشان اوصل راتبي يدوب 10 والا 11 هذا ظلم. لو اعطوني راتب مجزي كبداية والله مستعد احرث لهم البلانت حرث في عز القايله وما عندي مشكلة لكن المهم يكون فيه شي واضح قدامي !
مو عيب اني اشتغل اقل من شهادتي لكن المشكلة في قبول الرواتب اللي كذا !!
انا ماجاني عرض ولكن راح يجي قريب بإذن الله قال لي فني كهربائي والاساسي ٥ الاف ريال ورق بحري offshore و ١٢ ساعه دوام ولازم تثبت نفسك ٥ سنوات عشان تصير مهندس ! كيف عشان اصير مهندس ! هههههههه مو انا ياحبيبي مادرست ٥ سنوات الا عشان اصير مهندس وتبغاني اشتغل ٥ سنوات عشان اصير مهندس ! انا مؤهلي مهندس وليس فني ، زي مثلاً واحد خريج محاسبة هل راح يقبل يشتغل كاشير ؟ احيان صح الظروف تحدك ولكن (منطقيًا) ماتدخل العقل، بالنسبه لي المسمى جدًا مهم لأني بناءً على المسمى راح اتدرج عليه، على سبيل المثال اشتغلت فني ٤ سنوات والله ما اراد انهم يعطوني مسمى مهندس وطلعت من الوظيفه ، مين راح يوظفني على خبرتي ؟ اذا بيوظفونك راح يوظفك كـ فني وليس مهندس، انا النقطة الي ابغا اوضحها يامهندسين ، ان المسمى جدًا جدًا جدًا مهم لأنك بناءً عليه راح تتدرج وتترقى ، ف غير منطقي ابدًا اني اشتغل فني وابغا اتدرج كمهندس ماتدخل العقل ! كل شخص له مؤهله وبناءً عليه يتم وضعه على المؤهل.
الشغل ابدًا مو عيب ولكن الواحد يحتاج الإنصاف بس ، كل الي يحتاجه المهندس هو الإنصاف ، كلنا طبعًا مادرسنا وتغربنا عن اهلنا وسهرنا الليل الا عشان نوصل للشي الي حنا تعبنا عشانه ، اما اني اتعب واجتهد واخرتها تحطني بأقل من مؤهلي بمراحل ! يعني بكالوريوس وتحطني دبلوم ، هذا غير مقبول وينافي العقل !
