سلام عليكم ورحمة الله وبركاته
كيف حالكم يا مهندسين وكذلك الغير مهندسين
انا اخوكم تخصصي هندسة ميكانيكية
يا اخوان انا مخير في هذه الايام بين شيئين …
الأول :
انهيت تقديمي وفحوصاتي وكل شي في وزارة الدفاع وتم قبولي فيها والان انتظر فقط رسالة منهم تخبرني بموعد بداية الدورة العسكرية والقطاع الذي سيتم تعييني فيه والتي غالباً حسب التوقعات والتخمينات استنادا على السنوات الماضية سوف تصل في تاريخ 17 محرم
وللعلم فقط اعطيتهم شهادتي الاساس الاصل والسجل الاكاديمي كذلك وكلها موجودة عندهم …
الثاني:
تقدمت على وزارة البيئة والمياه والزراعة عن طريق الانترنت بعد عيد الفطر في وظائف بنظام التعاقد مرتبة سابعة وكانت طريقة التقديم مثل طريقة جدارة
حيث تكون هناك نسب موزعة على 1-المعدل الجامعي 2-اختبار القدرة المعرفية 3-اقدمية التخرج
والحمدلله كانت درجتي بالقدرة المعرفية حلوة وظهرت النتائج البارحة واسمي معهم ودعوني لمقابلة شخصية لمطابقة الاوراق وكتبوا ضمن شروطهم ان الدعوة للمقابلة لا تعني الترشيح النهائي للوظيفة وطلبو مني احضار الشهادة الاصلية ونسخة منها في تاريخ 9 محرم…
وانا لا املك الشهادة الاصلية لانها موجودة في وزارة الدفاع الذين قبلوني نهائياً وفقط انتظر الان منهم رسالة توجيه لقطاعي.
واصبحت الان مخير بين شيئين:
الاول: اخذ شهادتي من وزارة الدفاع و اوقع اخلاء طرف وخلاص انساها لاني مقدر اخذ شهادتي الاصلية الا باخلاء طرف… واروح للزراعة اطابق شهادتي عندهم وما اضمن بنسبة 100% انهم راح يوظفوني
الثاني: اترك الزراعة وخلاص اتوكل على الله واروح الدفاع
وبيني وبينكم انا اصلا محتار بينهم الاثنين وش الافضل … مرة اقول وظيفة مدنية حتى لو راتبها قليل هي افضل من العسكرية
ومرة اقول اوك هي وظيفة مدنية لكن راتبها اقل وكمان تعاقد يعني ممكن في اي لحظة يفنشوني من عندهم
والوظيفة في جازان يا اخواني وانا من اهل مكة
و وزارة الدفاع ما ادري عندهم فين بيحطوني واصلا لحد الان ما ادري وش قطاعي
لو على الاقل كانت مقابلة الزراعة بعد ما يظهر توجيهي في الدفاع كان افضل
لان بعض القطاعات في الدفاع ما تتعوض
وبعض القطاعات في الدفاع الزراعة افضل منها بكثير
فايش رايكم انا محتااار ولازم اقرر خلال هذه الايام القصيرة رايي
اتمنى اذا احد عنده معلومات بخصوص وزارة الزراعة ودوام التعاقد فيها يفيدني يا اخوان
وانا الان ناوي اروح للزراعة بشهادتي طبق الاصل فايش رايكم تتوقعون انها تمشي ولا لازم اجيب الاصل؟؟
عليكم السلام و رحمة الله و بركاته
من الاخير اتوكل على الله يا سعادة الضابط
انت الان بوضع ما يسمح لك بالتراجع لا نفسيا بتتقبله و لا اللي حولك بيقبلونه . لو هالكلام وقت القبول المبدئي قبل الفحوصات ووووو كان ممكن يكون كلام ثاني لكن أسأل ربك التوفيق و السداد و من نجاح لنجاح بإذن الله
والله صادق معك حق
ترا انا راغب في الدفاع الصراحة
لكن اهلي كانو رافضين من ايام القبول المبدئي اني اروح اقدم على الدفاع يقولون حرب ومعمعة مانبيك تتورط فيها
وبالقوة اقنعتهم اني اكمل اجراءاتي بالدفاع قلت لهم انا ما حصلت اي شي غيرها
اذا حصلت شي ذيك الساعة قولو لي لا تروح
ويقولون لي الحين جتك وظيفة مدنية مريحة وراتبها مو بطال تروح تتشقى بالعسكرية ليش
وانا والله احترت لان الوالدة هي اللي تقول الكلام هذا لي ومرة ما تبيني اروح
وبصراحة فكرت شوي بكلامها عندها وجهة نظر نوعا ما
لان الدفاع راح اخذ دورة 7 شهور وبعدها اخذ سنة تاسيسية ماينزلي فيها غير راتب ضابط اساسي 8الاف
وبعدين يصير راتبي 16 الف
لكن ماتدري وين مكانك ممكن تكون بمكان تكره نفسك وتندم فيه انك دخلت عسكرية خاصة ان وظيفة مدنية جتني وتركتها
لو حطوني بالحد ولا بمنطقة نائية وتخصصي ماعاد ادري عنه كذا راح اندم
وفي المقابل خلال السنتين ذي اكيد انه بتجيني علاوة مرتين في وظيفتي بالزراعة ويزيد راتبي من 8 الاف ونص ممكن يوصل 9 ونص
وفيه فرصة اني انقل من جازان لجدة او مكة عندنا في الغربية
عشان كذا احس ان عندهم وجهة نظر بكلامهم
ومن ناحية ثانية معد ادري احترت والله
كويس انهم حجزو شهادتك وما يعطونك ايها الا باخلاء طرف خصوصا انها وظيفة حكومية وشئ طيب ان الزراعة طلبت الاصل عشان ما تجي و تاخذ فرصة غيرك وانت ضامن وظيفة اخرى بصراحة هذي من الايجابيات في الوظائف الحكومية حجز الشهادة الاصلية و طلبها عند المقابلة
بعض الناس وده يكوش على الوظائف كلها و ياخذ فرصة غيره
الزراعة ماهي حكومية انما تعاقد هذا اولاً
ثانياً
محد كوش على احد كل واحد يجتهد في انه يبحث عن افضل وظيفة بالنسبة له ماهو عيب ولا خطأ
ولا اخذت فرصة احد وانا اخوك كل واحد بياخذ رزقه في هذه الدنيا
وسلامتك
وعليكم السلام
اولا الوظيفة المدنية لو تقدر تنقل لأهلك انصحك فيها لانك راح توفر وراح تكون عند اهلك مستقر
بالنسبة للوثائق الاصلية يمديك تطلع بدل فاقد بس لا تقول لهم ان وثائقك محجوزة عند وزارة الدفاع قل ضاعت
نصيحتي خلك في وزارة الدفاع الرواتب ترا مافي مقارنة فرق الضعف تقريبا . ووزارة الدفاع فيها البحرية وفيها الجوية والدفاع الجوي
عالعموم كل اخوياي اللي توظفو صارو بالمشاريع تبع الشؤون الهندسية انت عرفت الوظائف المدنية اللي تبع وزارة الدفاع الي يطلبون مهندسين وفنيين حطو اخوياي مسؤلين عليهم
احرص ع المدنية وانت مرتاح.
اعرف ضباط والله فصلوا ع نقيب ورائد مهندسين وقانونيين وراحوا مدنيين بضعف رواتبهم.
ووظيفة المياه بالتعاقد تراها رسمية لكن ع التشغيل والصيانة وراتبك راح يصك 12 الف ريال مبدئي هذا اذا مو اكثر بعد ويكفيك مدني وزياداته وانتداباتك طيبة.
تسع الاف هذا الي ع ديوان الخدمة “التقاعد”
اما انت بتكون ع التأمينات ويكون دوامكم واحد كل شي نفس الشي مع المهندس الي ع ديوان الخدمة لكن كذا حظك راتبك اعلى بسبب انك تشغيل وصيانة .لذلك انصحك بالمياه ومافي شغل ترا. وقوة انتدابات وتقدر تنقل لاهلك لمكة مثل الحلاوة بعد.
اعقلها وتوكل.
يمكن لو قلت مانقبلت بأي شي مدني قلت لك رح عسكرية.
لكن صدقتي بتشوف الفرق وقت التقاعد وبعد عشر سنوات بس من زملائك الي بالشركات والهيئات الحكومية
هههههههههههههههه صدقت والله كنت متشائم
لكن لا تلومني لاني والله ما لقيت اي شركة لحد يومك هذا
كل هذي وظايف حكومية سواء العسكرية او الزراعة وما جات الا بعد 8 شهور والحمدلله انها جات
والله يسعدك يا حبيب قلبي ويوفقك ويجزاك خير
ويرزقك اكثر مما تتمنى
وابشركم يا اخوان رحت لوزارة الزراعة يوم الأحد
واعطيتهم اوراقي ومن ضمنها شهادتي طبق الأصل وما سألوني عن الشهادة الأصلية أبداً
وكانت مقابلتهم سهلة مافيها اي شي
واستفسرت منهم بخصوص الوظيفة ونظام التعاقد
وقالولي الكلام التالي
نفس الكلام اللي ينطبق على المرتبة السابعة من راتب اساسي وبدلات وعلاوات وحتى ساعات الدوام وكل شي هو نفسه نفسه الفرق الوحيد انه عقد لمدة 3 سنوات وبعدها فيه احتمال كبير غالباً انك تترسم
الراتب هو مرتبة سابعة درجة ثالثة يعني الاساسي 7740 ريال + بدل غلاء معيشة 1000 + بدل نقل 700 - خصم معاش التقاعد 696 = 8744 ريال
والوظيفة في جازان والظاهر ان النقل صعب جداً لانه حتى بالمقابلة سالني قلي عندك مشكلة تترك مكة وتشتغل في جازان ولالا
وسالتهم كيف نظام النقل اقدر انقل ولالا وقالو هذا شي ما ندري عنه
وهذه المقابلة ليست ترشيح نهائي باقي لسع مرة ثانية راح تظهر النتائج النهائية
سالته متى تردون قلي تابع الموقع
وبصراحة انا انتظر توجيه الدفاع لو جاني قطاع حلو باذن الله ما اتردد و اروح
والحمدلله على كل حال والله يكتب الخير ولا تنسونا من دعواتكم يا اخوان
اخوي احمد العنزي انا اعرفك من مواضيع سابقة رأيك جداً متشدد في العسكرية وتكرهها ومالومك والله لانها شينة وما يحدك على المر الا اللي امر منه
بس ترا الوظيفة مرتبة سابعة ماهي بند تشغيل وصيانة وانا بصراحة اشوفها مقتل بالنسبة لي لانها مافيها حتى خبرة الشركات نظرتها للوظايف الحكومية جدا سيئة ولا يعتبرونها حتى خبرة وراتبها قليل يعني جندي بعد الثانوية في الحرس الملكي اخذ دورة عسكرية 4 شهور بس ياخذ 8500 ريال وانت مهندس بعد خمس سنوات دراسة وعلم واجتهاد تاخذ راتب قليل مثل كذا والعلاوات السنوية كل يوم بريال يعني 365 ريال للسنة والترقيات نادرة جدا صديقي يعمل في جامعة ام القرى مهندس كهربائي مساعد يقلي اعرف ناس زملائي بالعمل لهم 7 سنين ما ترقو ولساعهم مرتبة سابعة
يعني موت محتم حقيقة وظلم بالنسبة للمهندس
و وضعنا الحالي الشركات وظايفها قليلة واغلبها تروح لخريجي الجامعات القوية مثل البترول وامريكا
وانا بديت الاحظ الشي هذا
يعني افضل حل بالنسبة لي اروح وزارة الدفاع ضابط واستلم 16 الف تستحق تعبي خمس سنين كمهندس في الجامعه
والدفاع بصراحة فيها قطاعات حلوة ومجال انك تطور نفسك بشكل كبير مثل القوات الجوية او ادارة الاشغال العسكرية الخ اذا جتني باذن الله ما اتردد
لكن خوفك من بعض القطاعات اللي حتى لو راتبك فيها كثير الواحد ما يتمناها
والتقاعد هذا شي اضعف الايمان ما بيتم الا بعد 20 سنة اذا الله احيانا واشوف ان الواحد لا يفكر فيه بصراحة وحتى لو بتفكر فيه ترا ماهو قليل …
صدقت … انا مرة قدمت على ادارة التشغيل والصيانة بالقوات البرية واللي سوا معي المقابلة الشخصية ضباط مهندسين
بس ترا مو كل المهندسين يجون بالمكان هذا بعضهم ينطش باماكن اخرى تخليه يلعن العيشة هههههههه
