السلام عليكم ورحمة الله وبركاته
انا مهندس ميكانيكي واعمل في شركة مقاولات منذ 5 شهور ولكن لاحظت اني متوظف سعوده (بدون مهام وظيفية ) اصلا انا معتبرها محطة عبور لوظائف افضل ولكن مشكلتي بالمقابلات كيف اشرح وظيفتي اقصد وش اقول لهم ؟
لذلك انا حاب اعرف منكم وش المهام والمسؤوليات التي يكلف بها المهندس حديث التخرج في مجال المقاولات ؟
وشكرا لكم
وعليكم السلام ورحمة الله وبركاته
لو توضح شتقصد بالضبط بشركة مقاولات و مشاريع الشركة ، لأن هذا المسمى عام نوعا ما . هل هي للتصميم الهندسي و الإنشائات بالتحديد مجالها epc = engineering . procurement , construction
أو شركة مقاولات صغيرة لبناء المجمعات السكنية و الخ …
انك تعرف مسؤولياتك شي مهم لكن نصيحتي حاول تدخل معهم في الشغل وتحاول معهم حتى لو حسيت ما ودهم انك تتعلم ، لأنالوضع الحالي حتى لو استمر أكثر من سنة هذي الخبرة بتكون خبرة وهمية للأسف و بتواجه صعوبة في المقابلات خاصة الوظائف الي تطلب خبرة .
وللأسف في أي مقابلة ماراح يتفهمون هذا الشي وغالبا بيعتبرون إنه تقصير منك مب من شركتك السابقة ، فحاول تكتسب خبرة عملية وماتعتبر الخبرة عبارة عن سنوات .
+ لما ماتكون لك مسؤوليات أو تعتمد عليك الشركة ، مع أي مشكلة للشركة مثلا المالية ،للأسف راح يستغنون عن الموظفين إلي مايحتاجونهم أو مسؤولياتهم تعتبر هامشية .
فحاول معاهم كل يوم و انك تاخذ بعض الشغلات من الموظفين معك لعل وعسى يتغير الوضع ويعتمدون عليك .
إلا لو كان الشركة مافيها شغل ، في هذا الحالة الله يعينك ما في يدك إلا انك تستمر في التقديم على بقية الشركات .
إذا تعرف شركات في نفس المجال أو موظفين في نفس الشركة حاول تبحث في ملفاتهم على linkedin بتحصل بعضهم كاتب مسؤولياته في ملفه
هذي التغريدة يمكن تفيدك
شدعوة on Twitter
وملاحظة أخيرة ، ترا للأسف حتى في الشركات الكبيرة نادرا ماتحصل أحد يجي ويعطيك شغل حقيقي أو يشاركك خبرته ، فلا تفكر الوظيفة إنها سعودة لو ماحصلت تعاون من الي حولك أو عطوك شغلات هامشية ، في البداية مثلا أول شهر الواحد يقبل بعض المسؤوليات والشغلات البسيطة عشان يكسب ثقة الموظفين معاه لكن بالتدريج حاول تطلب منهم شغل وتساعدهم في شغلهم ، اكيد راح تمر فترة يكون فيه ضغط في الشغل ولما تقترح عليه إنك تساعده راح يوافق ، أهم شي حاول معهم يوميا ونفس الوقت استمر في البحث عن وظيفة ثانية .
صحيح مثل ماتقول إنها محطة عبور لكن على الأقل اعرف وش مجال الشركة ، وش مشاريعها ، القسم الي انت فيهم وش مسؤولياتهم و ايش هي الأقسام الي يتعامل معها سواء في الشركة أو برا .
الله يوفقك
2 Likes
شكرا على تفاعلك الشركة شغالين على بناء مبنى تعليمي
الشركة تصنيف اول
المشكلة انا توظفت عن طريق التسجيل في برنامج تدريب اذا طلبت منهم شغل يقولون انت مهندس تحت التدريب والمشكلة تدريب وهمي
عليكم السلام و رحمة الله و بركاته
تقصد برنامج تمهير ؟؟
انا اكلت مقلب و سمعوني كلام و حتستفيد وووو واخر شي جلسوني على مكتب و لا فيه اي عمل
طالما انه تدريب و لا هو عمل رسمي اتركهم و ابحث و ادخل على شركات و موظفين و لكل مجتهد نصيب