السلام عليكم
مثل ما هو واضح بالعنوان اللي له تجارب مع برنامج تمهير خصوصاً مع الشركات الاستشارية الكبيرة هل تنصحون الواحد ينضم إليه وهل صحيح الوعود بضمك إلى سلم الوظائف بعد فترة التدريب ، نسمع أرائكم ويا ليت اللي له تجربة فقط معهم
عليكم السلام
انا حصلت فرصه لشركة استشارات بيئيه و رحت لهم و لا اخذت اي خبره ما كملت شهرين و طلعت حسب ما سمعت انهم مستفيدين سعوده
وعليكم السلام ، في شركات واضح قصدها سعودة و مالها نية في توظيف المتدربين .
من تجربة واحد من الشباب ، تم قبولهم في شركة معروفة في التصميم الهندسي على برنامج تمهير وكان الراتب 3000 لمدة 6 أِخر وكان فيه وعد بالتوظيف ، وتم التوظيف لكن للأسف مب كل المتدربين وكان محظوظ إن الشركة وقتها عندها مشاريع جديدة + الشباب الي وظفوهم ، كانوا مكروفين وعطوهم بعض المسؤوليات في التدريب فيعني كانوا معتمدين عليهم في شغلات كثيرة .
و الحمدلله تم توظفيهم براتب جيد تقريبا 3 أضعاف مكافأة تمهير .
وفيه شباب في شركات ثانية للأسف حاولوا يستفيدون لكن ماطلعوا من التدريب بفائدة .
لكن حبيت أنبه على مشكلة ، وهي مب مقتصرة على تمهير ، في شركات وحتى الكبيرة منها ماراح تحصل أحد يعطيك شغل صح ويحاول يفيدك فبيجيك إحساس إنهم موظفينك سعودة لكن في الواقع هذا نظامهم في التدريب ، يعني لو تبحث عن الاستفادة بيكون الموضوع جهد شخصي ، مافي أي توجيه . هذا و الشركة متكفلة بالراتب 100 % فما بالك بتدريب 6 شهور يدفع فيه صندوق هدف الراتب , فلا تفكر الموضوع دايما سعودة ، بعض الشركات فاهمة فكرة التدريب خطأ .
فالخلاصة خل هدفك الحصول على وظيفة مب تدريب ، و تدريب تمهير صحيح المقابل فيه ضعيف و أقل من الطموح لكن اعتبره خيار مؤقت خاصة لو كان مكان العمل في مدينتك ، وحاول قد ماتقدر إنك تستفيد من التدريب و تدخل معاهم في الشغل وتنشب لهم ، مثل الوضع في التدريب التعاوني و الصيفي و حاول تسحب المسؤوليات و الشغل منهم بالتدريج ، لأن ماراح تحصل أحد للأسف يجي ويعلمك ويساعدك هالمشكلة موجودة في أغلب الشركات سواء الكبيرة أو الصغيرة حتى في برامج التوظيف الخاصة فيها الي تكون فيه الرواتب أضعاف مكافأة برنامج تمهير .
1 Like