بالنسبة لإجراء انهاء العقد خلال فترة التجربة الـ٩٠ يوم.
اذا نص العقد على جواز انهائه من قبل اي من الطرفين خلال فترة التجربة، وجاء فرصة اخرى للموظف وحب ينهيه ويروح للشركة الثانية. ماهي المترتبات؟ هل الموظف مطالب بأن يقدم الاسباب؟؟ ام لا؟
ياليت الي له تجربة يفيدنا. شكراً
عادي ماراح يصير لك شي تقدر تستقيل و يوم ثاني تداوم مع الشركة الثانية ، إوحتى موضوع التأمينات سهل في نفس اليوم يقدرون إنهم يشيلون اسمك منها فلا تشيل هم .
إلا لو كنت مخلي مثلا شرط جزائي وهذا الشرط كان منصوص في العقد إنه يتطبق سواء خلال فترة التجربة أو بعدها .
ولو حصل أي تأخير منهم تقدر تشتكي عليهم + خذ نسخة من ورقة الاستقالة بحيث يكون واضح فيها تاريخ الاستقالة وإنه خلال قترة التجربة .
وبخصوص ذكر الأسباب ، سواء كنت في فترة أو لا ، راح يسألونك فحاول تكون دبلوماسي و ماتنتقد الشركة لو كان سبب الاستقالة هو سوء الشركة لأن ماتدري ممكن الشخص المسؤول عنك في هذي الشركة ينتقل لشركة ثانية وتكون هي شركتك الجديدة وبسبب كلامك يأخذ موقف منك في المستقبل ، فانتبه لهذي النقطة .
الله يوفقك ويرزقك الوظيفة الي تتمناها
الله يعطيك العافية، لكن في حال كان السبب هو فرصة افضل في شركة اخرى هل تنصح بذكره؟ او لا؟
اي عادي ، لكن قصدي لما تطلع يعني ماتذم في الشركة أو تنتقدهم بشكل مباشر .
يعني عادي تذكر انك حصلت فرصة أفضل لكن في نفس الوقت اشكرهم على تعاونهم والفترة الي كنت معاهم وانك استفدت لكن تبحث عن فرصة أفضل .
وترا الكل يبحث عن فرصة أفضل حتى الي موجودين في شركات كبيرة فما هو خطأ الواحد يقول إنه حصل فرصة أفضل لكن المهم يذكر هالشي بطريقة مناسبة للطرف المقابل ، والفائدة من هالشي إنك بتخلي لك خط رجعة ، ماتدري لاسمح الله ممكن ماتعجبك الشركة الجديدة أو لظروف معينة تطلع منها وترجع تقدم على شركتك القديمة ، أو مثل ماقلت لك من قبل ممكن المسؤول عليك يتوظف في شركتك الجديدة بعد فترة.
لاتشيل هم موضوع الاستقالة في فترة التجربة.
كلام جمييييل، نقطة اخيرة او سؤال اخير.
لو كانت الشركة الأولى متعاقدة مع ارامكو ووظيفتك معهم يصدرون لك بطاقة ارامكو كونتراكت لكن ليست من ضمن شركات الـ joinvetnture . هل ممكن يتعثر طلبك مع ارامكو اذا بيين في السستم انك متعاقد معهم؟ اذكر احد ذكرلي انك اذا كنت jointventure ارامكو تسحب عرضها!!!
عارف ان السؤال جداً دقيق لكني جداً محتار… شاكر لوقتك
ماعندي فكرة ، سمعت من فترة طويلة إن فيه اتفاقيات ( لمنع التسرب الوظيفي ) بين ارامكو وبعض الشركات خاصة الي لها نسبة فيها مثلا ساسرف ، ساتورب وغيرها
لكن مادري اذا هالشي صحيح أو لا ،
استفسر من الشباب في هذا الموضوع ، صحيح إنه لل smp لكن اتوقع يفيدونك خاصة إن أغلبهم عنده إطلاع على إجرائات التوظيف في ارامكو والشركات المتعاقدة معها.
وظائف و مقابلات شركات SMP - أرامكو ، تحديث 21/9 مع ملف PDF , WORD
الف شكر على وقتك… رح استفسر من الشباب والله يكتب الي فيه الخير.
إذا كنت في فترة التجربة مع أحد شركات joint venture، أرامكوا ما تسحب عليك و تقدم لك العرض ( كلام مؤكد ١٠٠٪).
أما إذا أنت موظف صار لك معاهم أكثر من فترة التجربة ما عندي علم فيها.