السلام عليكم
اتمنى الموضوع يكون بمكانه المناسب .
ودي اعرف من سبق وسجل ب احدا دورتي فحص جودة البناء او فحص المباني الجاهزه اللي يقدمها المعهد العقاري.
من ناحية الاستفاده مابعد الدورة . هل فيه طلبات للخدمة كثير من المستفيدين ؟ بحكم ان سعر الدورة حدود 7 الالف بدون الخصم
فودي اعرف هل بالامكان اعاده قيمة الدوره بفتره قصيره او يمكن الواحد يدفعها واخر شي محد يطلب الخدمه : )
قريت عنهم ب لنكدن وودي اقدم عليها بس عل قولتك غاليه والله يبيلي اشوف تفاصيل عنها اكثر وتاكد من موقع طاقات او تمهير شي زي كذا فيه دورات تكون مدفوعه لك عن طريقهم + اذا لقيت اي معلومه او شي لا تبخل علينا هنا
هلا بالأخوان
أنا أخذت الدورة في بداية سبتمبر وإلى الأن ما أعطونا الشهادات ولا قدرت أسجل بالمنصة عشان أقدر أستلم طلبات وأبدا بالفحص.
حسب كلام المشرف إلى الأن ما فيه طلبات واجد لكن توجه وزارت الإسكان إنها تلزم المطورين العقاريين أنهم يفحصون قبل البيع وقتها بنشوف تحرك كبير لأن المطورين عادةً يكون عنهم مجموعة فلل أو عماير .
فحص الفلة 700 ريال لأقل مساحة
و فحص الشقة 400 ريال
لو تبي نصيحتي أصبر لين تتأكد أنه فيه طلبات واجد وقتها سجل وأنطلق في السوق يا كبير .
ملاحظة: أحد الأخوان أخبرني أنه يعرف شخص يدخل من الفحوصات الشهرية فوق 20 الف و الله أعلم عن مدى مصداقيته .
3 Likes
ماشالله وشاكر لك ردك يالغالي، طيب وكيف تدخل بهذا المجال هل لازم تكون ضمن شركه بمجال معين ولا تقدر تشتغل بالفحص بشكل فردي بعد الدوره ؟
1 Like
هلا أبو غريب
هذي طال عمرك إذا اخذتها تكون بعدها فاحص مستقل يعني تكون في أي وظيفة في أي قطاع لكن تطلع عالطلبات بعد دوامك ولا خلال الويكند.
يعني تقدر تقول دخل إضافي.
وفقكم الله يا أخوان
السلام عليكم . يا شباب أنا قدمت على دورة ( فحص جودة البناء ) عن طريق الموقع للمعهد العقاري .و يطلع في أيقونه ما قبل الدفع ( الموافقه على المرفقات = تحت المراجعه ) ويستمر الوضع على نفس الحاله بدون أي تغيير , علما ان دورة فحص جودة البناء تتطلب المؤهل الهندسي , وأما باقي الدورات يطلع لي خيار السداد بدون مشاكل . تواصلت مع خدمة العملاء وقالوا أن الموقع نسخه تجريبيه و فعلا اللي صاير خلل فني وجرّب تحذف الطلب وتقدم مرة ثانيه , وبرضو ما ضبط الحلّ .
يا ليت اللي قدر يلقى حلّ لهالمشكلة يفيدنا . وشكراً
يخوان دورة جودة البناء مخصصة لجميع المهندسين ولا بس المهندس المدني؟
أخوي أنا سجلت عن طريق مقرهم نفسه وأتوقع لو تمرهم بتحصل مساعدة وتجاوب من الشباب بحول الله.
لجميع التخصصات الهندسية بما فيهم الميكانيكا والكهرباء والمعماري حتى.
بالتوفيق
الله يعطيك الف عافيه عالرد المفيد . الحمدلله قدرت اسجل بالدورة عشان استفيد من الخصم الخرافي وتمت الامور على خير
ماشاء الله تبارك الله . 20 الف مبلغ جامد لو كان يستقبل الطلبات عن طريق المنصه ما يعمل بحسابه الشخصي .
وهذا اللي متوقعه ان الموضوع ببدايته لكن اغراني الخصم وقررت اسجل وتم التسجيل
طسيب بالنسبه للدورة هل بعدها اختبار وكيف مستوى الصعوبه بالدورة والاختبار
الان عليها خصم 90% بالميه و تطلع بحدود 800 ريال اذ قدرت سجل فيها والله يوفقك
هذي مشكلة بالموقع انا رحت لهم لاني سجلت مرات بدورات مختلفه ويجلس التدقيق اسبوع وطلع المشكله ان اسمي مايطلع بالطلبات ف تقفل الدوره وانا ماشافو طلبي
ف رحت لهم و كلمتهم و سجلت من جديد ب دورة جديده ومشت الامور وسددت
كلم خدمة العملاء وقل ان مشكلتك ان مرفقاتك ماتطلع لهم وراح يحلون المشكلة لك او مرهم اذ قريب منهم
تركي، كيف حصلت على الخصم لأن لحد الان السعر نفسه اللي هو تقريبا 7500 ريال ؟
لما تسجل بالدورة وترفق المرفقات ويوافقون عليها يجيك وقتها الخصم . لكن اذ شفتها قبل الموافقه عالمرفقات بتكون بسعرها الاساسي
ممكن رابط التسجيل …عاجل جدا وشكرا
هذا الرابط للتسجيل
https://srei.sa/SiteHome/AllCourses
الشروط تغيرت … كانت أي تخصص هندسي بدون خبرة
و صارت يا مدني يا معماري + خبرة ٣ سنوات
تسلم
ياله مالنا نصيب ان شاء الله خيره
الدورة الثانيه فحص المباني الجاهزه ماتطلب تخصص المدني والمعماري
سؤال بما ان الشروط بالموقع تغيرت مثل ما ذكرتو
هل يتطلب لوظيفة فاحص الشهادتين معا ولا شهادة فحص المباني الجاهزة تكفي لمهندسي الكهرباء
السلام عليكم … اقدر استفسر من حضرتك علي هي متاحه للمهندسين المقيمين ام لا