السلام عليكم يااخون ان شاء الله تكونون بأتم صحة وعافية.
خويكم خريج بكالوريس من امريكا لي سنتين وجتني فرصة اكمل ماجستير بنفس التخصص هندسة ميكانيكية. الحين جالس اعمل بشركة هنددسية عقودها مع ارمكو وسابك بس راتبها جدااا بسيط ( الحمد لله) وان شاء الله اذا جاني قرار الابتعاث باكون مخلص 8 شهور معهم. لو انت الي تقرا كلامي مكاني, هل بتروح تكمل الماجستير ولا لا. لان البعض يقول خذ خبرة سنة ونص الى سنتين واطلع و البعض الاخر يقول مدامك للحين باجواء الدراسة وبكرا عرس بانشغل واتكيسل. والفرصة هذي ماتتكرر. رايكم الله يسعدكم.
وعليكم السلام ،
في البداية لازم تحدد هدفك من الماجستير ؟ خاصة إذا كان الابتعاث غير منتهي بتوظيف .
إذا اكيد منتهي بالتوظيف : فتوكل على الله لو كنت مهتم بالماجستير وعارف طبيعة الدراسة ،
لكن تأكد من موضوع التوظيف واحرص إن هالشي يكون منصوص عليه في العقد و الشروط .
إذا كان غير منتهي بالتوظيف :
إذا كان هدفك وظيفة في الشركات ( اقصد بنفس طبيعة العمل لحملة البكالوريوس ) : فللأسف حصولك على الماجستير مايعني دائما زيادة فرصتك في الحصول على وظيفة في الشركات وهذا الي صار لبعض الشباب الي طلعوا من وظايفهم ولما رجعوا بالماجستير اكتفوا بالتقديم على الشركات . عدد كبير منهم ماحصل وظائف في الشركات او اضطر انه يتوظف بشهادة البكالوريوس . وبعضهم اضطر انه يقدم على الوظائف الأكاديمية وتوظف فيها .
إذا كان هدفك الوظائف الأكاديمية و الأبحاث فيعتبر خيار جيد لكن بعد التخرج ماراح يكون الموضوع سهل خاصة إن إعلانات الوظائف الأكاديمية قليلة و المنافسة فيها شديدة فتعتبر مغامرة .
شيئ جيد إن التخصص الي بتدرسه نفس تخصص البكالوريوس لأن للأسف أغلب الجامعات بتحصل في إعلاناتها للوظائف الأكاديمية : يشترط " امتداد تخصص الماجستير لتخصص البكالوريوس "