تخرجت قبل أربع سنوات من البترول والأن عندي نية إن شاء الله اني ادرس ماجستير في جامعة الملك عبدالعزيز في جدة لأنها مقر عملي
الإشكالية هي إني بعيد عن المنطقة الشرقية ولا أعرف الطريقة المناسبة للحصول على التزكية لأن جامعة الملك عبدالعزيز ما زال عندها النظام غير الكتروني للتوصيات ولازم توفر التوصية في ورقة
من بعد التخرج ما كان لي أي توصل مع دكاترة الجامعة وما اعرف هل لازم احضر شخصيا ولا اتواصل معهم بالاتصال والايميل
ما ادري صراحة كيف اتصرف
إللي له خبرة بالموضوع يفيدني
وعليكم السلام ورحمة الله وبركاته ،
ارسل ايميل للدكاترة الي ناوي تاخذ منهم التوصية واشرح لهم الموضوع
وأسئلهم متى مناسب حتى تتواصل معهم بشكل مباشر أو عن طريق التلفون .
ويفضل تذكر ايش هي المواد الي خذتها معاهم .
ولما تتصل فيهم بيكون شرح الموضوع أسهل عليك ، وأغلب الدكاترة متعاونين خاصة إذا الدكتور يعرفك شخصيا .
فيه واحد من الشباب تقربا سوى نفس الشي وخلى شخص يستلم التوصيات ، طبعا بعد ما تأخذ موافة الدكتور
لأن بعضهم لما تخلي شخص ثاني يستلم التوصية منه ، ممكن يعتبرها عدم احترام .
فأنت حاول توضح ظروفك و إن صعب عليك تجي للشرقية حتى الطرف الثاني يتفهم الموقف وما يصير فيه سوء تفاهم .
انا متخرج من 8 سنوات وهذا اللي سويته ومشيت الامور:
دورت عن دكتور اخذت معاه مادتين في التخصص وجبت فيهم A )مع انه معدلي غير مرتفع( و كان من اللي قدمت لهم مشروع التخرج
جهزت فولدر على دروب بوكس.
حطيت فيه صورة الid حق الجامعة )يعني صورة قديمة لي من هذيك الايام(.
حطيت كل بروجت او برزنتيشن او هوموورك او ورقة اختبار عندي واطلع عليها الدكتور ايام الدراسة.
حطيت وثيقة التخرج والترانسكربت.
دورت عن الدكتور وضفته في لنكدن ورسلتله رسالة على اللنكدن وكتبت فيها التالي:
عرفت بنفسي، اسماء المواد اللي اخذتها عنده ورقم السمستر، الجهة اللي دايما اجلس فيها في الكلاسات، بعض المواقف اللي صارتلي معاه، اسم الجامعة والتخصص اللي بقدم عليهم، ولنك للفولدر عشان يطلع عليه ويحاول يتذكرني، وطلبت منه توصية
والدكتور يجزاه ربي خير ما قصر وكتبها
اضيف لكلام الاخوان انه من الجيد اخذ ركمنديشن من جهة العمل.
وكثير جامعات تفضل خطابين، واحد اكاديمي وواحد مهني.
انا جبت لهم الاكاديمي + واحد من مديري المباشر + واحد من مدير القسم الاقرب للتخصص الي بادرس ويعرفني كويس