السلام عليكم شباب شلونكم؟
الحمدلله اعتمدوا عضويتي قبل كذا يوم واتشرف اكون من ضمن اعضاء المنتدى الرائع لما فيه من معلومات قيمة
ندخل بالموضوع سريع
جاني عرضين وظيفيين واحد من شركة مقاولات والثاني من شركه استشارات ودراسات هندسية
الفرق بالراتب ١٢٠٠ تقريبا لصالح المقاولات… وش رايكم يالربع وين الافضل كخبرة وطلب مستقبليا للعلم تخصصي هندسة معمارية… ننتظر أرائكم
1 Like
اذا تبي خبرة وتسفيد رح للاستشارات
اذا تبي ترتاح وماتستفيد رح للمقاولات
2 Likes
وعليكم السلام وحيّاك الله نواف
أولًا مبروك عليك الفرصتين ، والمجالين طبعًا بيفيدوك ولكن تعتمد عليك تماما وعلى رغبتك (وش حاب تتعلم؟ وأي مسار فيهم بيخدم رغبتك مستقبلًا؟).
ف مثلًا الخبرة بالإستشارات ممكن تهيئك لفرص الإنضمام بالشركات السعودية اللي مساكه المشاريع الضخمة (نيوم ، القدية ، البحر الأحمر… إلخ).
أفضّل إنك تتواصل مع موظفين الشركتين وتاخذ انطباع ومعلومات أكثر عن الفرصتين وبعدها تقرر.
فالك التوفيق
2 Likes
يعطيك العافية يالغالي لسى افكر وميولي اشوي تميل للاستشارات ماقصرت على ردك
1 Like
كلام سليم مثل ماذكرولي بعض من اصحابي تشكرت يالغالي
1 Like
عفوا
اكيد المقاولات بدون تفكير , كيف تدخل شركة استشارية وانت خريج بدون خبرة و, رح اكرف وحك وجهك بالسايت , ثمن بعدين تعال شركة استشارية , + فيه اوفرتايم وفيه دراهم وشسمه احسن
انا عملت استشاري بشركة عالمية وتحتي مقاولين, اول مره اعرف ان المقاول هو المرتاح
الاستشاري شغل اشراف اما المقاول تنفيذ
ومن ناحية الفلوس تعتمد على الشركة سوا مقاولات او استشارية اذا يملكها تاجر محلي عز الله بتتوهق ممكن مايستلم مخصصاته من صاحب المشروع او الحكومة ويسحب على رواتبكم
اما الاستشاري واذا خاصة كان اجنبي اوربي او امريكي فيه احترام له نوعا ما ومع هذا ماسيلم وتجي الطقه في راس الموظفين
الخبرة طبعا للتنفيذي او المقاول لان هو الي يعمل كل شي حتى توفير الطاولات لمكاتب موظفي الاستشاري
يعني علاقة الاستشاري بالمقاول مثل علاقة ارامكو بشلمبرجير
صح شلمبر فيها فلوس لكن المقاول حسب الشركة واكبر شركات المقاولات عندنا فيها مشاكل بسبب سلسلة مقاولين الباطن سعودي اوجير انهارت وبن لادن على وشك
المهم شف عوامل اخرى مثل اسم الشركة وقوتها
ونصيحة اخرى اغلب شركات المقاولات الواجهة تاجر سعودي والي يديرون الشركة اخواننا العرب ما اقولها من باب العنصرية لكن من باب الواقع يشكلون لوبيات وخاصة المصريين نظامهم نظام باشاوات اعرف مهندس مصري يشكي من تسلط مدير المشروع عامل باشه عليهم ويقول إذا تضبط علاقتك بالمدير مايتسلط عليك
3 Likes
تعمق في التفاصيل و الفروق للوظيفتين لأن كل اللي نعطيك إياه هذا بشكل عام.
هل في احتمال اوفر تايم في الوظيفة؟ ساعات و أيام العمل؟ وظيفة الاستشاري هل بتكون في الموقع مع المقاول أو في مكتب الاستشاري؟ هل هي فقط للسعودة؟
1 Like
كلام جميل جدا