أنا مهندس كهربائي فريش عاطل لي سنة و5 شهور
وصلني عرض وظيفي من شركة سويت معاها مقابلة قبل حدود شهرين
إسم الشركة : شركة الوطنية للفحص والاختبار الفني المحدودةNational Inspection & Technical Testing Co. Ltd. (FAHSS/TUV NORD Saudi Arabia) بالجبيل الصناعية
وهي تابعة لشركة تصنيع الوطنية
المقابلة كانت على أساس مسمى Electrical Test Engineer
لكن العرض وصلني بمسمى وظيفي مختلف Inspector VII, Testing and Commissioning وعندما استفسرت من المهندسين الشغالين بالشركة عن طريق لينكدين قالوا أن هذا القريد خاص بالمهندسين وليس الفنيين لكن المسميات طريقتها كذا بالشركة وحتى لما اطلعت على الوصف الوظيفي كانت المهام هندسية لحد ما الحمدلله
الراتب أساسي: 7000 ريال
بدل السكن: 1750 ريال
النقل: 500 ريال
بدل غلاء معيشة : 1000 ريال
المجموع بعد خصم التأمينات : 9392 شهريًا تقريباً
الدوام 48 ساعة بالأسبوع مع السبت، ميداني ومكتبي:
ميداني للإشراف على الفنيين وعمل الفحص ومكتبي لكتابة الريبورت
السبت غالباً دوام غير رسمي ولا فيه دوام مكتبي بحيث إذا فيه job inspection راح أطلع السايت فقط
هناك بدلات يومية حسب عدد الكيلومترات المقطوعة للسايت وتقدر ب80 وأوفر تايم على كلام المهندسين لا يقل عن 1000-1500 كل شهر
سيتم تسليمي سيارة بعد مرور 3 أشهر
طبعاً هذا أول عرض وظيفي أحصل عليه وراح أوافق بإذن الله ، لكن ودي أشوف رايكم فيه وهل هو جيد من كل النواحي، وهل الفرصة في مجال الفحص فرصة ممتازة وتخدمني في المستقبل ؟
الراتب المفروض يكون أفضل ، لكن مع ذلك يعتبر مقبول لو كان البدل اليومي والأوفرتايم عال + يعطونك سيارة.
بخصوص المسمى ممكن يأثر في المستقبل خاصة لو طولت فيه مثلا ظليت في نفس المجال أكثر من 3 سنوات لأن لما تطول في مجال معين بيكون صعب عليك تنتقل لمجال ثاني ،
لكن مادامك فريش اقبل فيه ، بس قبل لاتوقع العرض استفسر من مسؤول التوظيف عن موضوع المسمى واذكر له إن المقابلة كانت بمسمى Electrical Engineer
يمكن يتغير أو يستفسر من المسؤول عنه ويسمح بتعديله .
بتسفيد من الشغل الميداني حتى لو كان بس إشراف أكثر من المكتبي فحاول ما يمر يوم إلا وأنت متعلم شي جديد وتستفسر من الي حولك سواء من شركتك أو بقية الكونتراكترز . هالخبرة بتساعدك في المستقبل لو اشتغلت مع شركات التصميم الهندسي و حتى المقاولات لأن يعتبر عندك خبرة في الفيلد وبتفهم مع بعض الأمور الهندسية و الأشياء أكثر من المهندس الي ماسبق له واشتغل في ال field .
في نفس الوقت حاول تستمر في التقديم على الشركات الثانية ، ممكن بعد كم شهر تجيك فرصة أفضل وخبرتك مع هذي الشركة تساعدك في المقابلات واختبارات القبول.
ماشاء الله ربي يكتب لك ولنا كل مافيه خير والله يرزقك ويرزقنا من واسع فضله وبالرزق الحلال. بصراحة أنا أشوف أن العرض مقبول وممتاز نوعا ما. في الوقت الحالي صار الواحد يقبل بأي راتب ولو كان 6000 الاف. أنا خريج هندسة كهربائية من كلية الجبيل بدرجة البكالوريوس من شهرين تقريبا وعندي خبرة بسيطة على شهادة الدبلوم وسويت تدريب تعاوني في ارامكو و شلمبرجير وقبل اسبوع جاني عرض وظيفي في شركة سندان في الجبيل والفل باكج بعد خصم الـتأمينات 6300 الراتب قليل جدا لكن قبلت العرض بسبب ان هذا العرض هو السلاح الوحيد الي
أملكه حاليا مع أن راتبي على الدبلوم في شركتي السابقة كان 8500 بعد خصم التأمينات لكن الحمدلله على كل حال وان شاء الله نحصل الأفضل ويكون لنا شأن وبصمة جميلة في هذا البلد