السلام عليكم ورحمة الله وبركاته
أريد تقديم استقالتي من شركة ارمكو السعودية ولكني اريد ان اعرف كيف اقدم استقالتي ( اي مبني اروح واي قسم لكي اقدم استقالتي) وكم تاخذ اجراءات الاستقالة من ارامكو ؟
وبالنسبة لحقوق الموظف متى يصرفوها لي ؟
تبدأ بكتابة خطاب استقاله لرئيسك المباشر وتذكر فيه سببها. بعدها على حسب سرعه الديبارتمنت والاشخاص اللي تمر عليهم اجرائتك وهم بيمشي كل شي من عندهم. واذا فيه اي شي تحتاج توقعه او اجراء منك بيوصلك ايميل.
بالنسبه للمبنى فيعتمد على مكان العمل. يعني لو انت بالمنطقه الشماليه فإجرائتك بتكون بمنى راس تنوره بس هم بيتواصلون معك اذا يحتاج انك تحضر او لا.
الإجرائات بالغالب ما تاخذ شهرين كحد اقصى.
وحقوقك تستلمها بآخر يوم دوام واللي بيكون نفسه تاريخ انتهاء البطاقه المؤقته اللي بتاخذها.
تسوي خطاب وتوقعه وترسله بالايميل لرئيسك وهذا يعتبر بداية مدة الاستقاله وبعدها تروح لل hr يرفعها بالسيستم
الاجراءات مو مشكله ولاتطول وبالغالب يخلوها لاخر الايام الا اذا عندك قرض وبيت يجب تتابع شوي
الحقوق تاخذها بشيك باخر يوم دوام عشان يمسكوك
وتقدر تكلم ادارتك تخلي المده شهر يسوون لك ويفر