الفرق بين الجامعة والجامعات الاخرى

البرامج والفعاليات الجامعية
1

السلام عليكم شباب. الموضوع سؤال للي طلع اكستشينج.

السؤال الأول ايش الفروق الي لاحظتموها عن الجامعتين. خاصة من الناحية الاكاديمية, هل نحن فعلا الجامعة الخرافية لأني ما استشعر قوة في المناهج او التعليم بعد ما خلصت الاوريا. وطبيعي طلاب الجامعة افضل طلاب في السوق لأنه من البداية تم اختيار افضل 2% من المملكة وتم تصفيتهم في الاوريا الى افضل 1%
عشان اعيده بصورة اوضح. هل منهجنا قوي كسمعة الجامعة او فقط الطلاب هم المتميزون وسبب السمعة؟

السؤال الثاني: هل حسيتم بفوائد لبرنامج التبادل الطلابي وماهي؟ لأن بكل صراحة اشوفه برنامج جدا ممتع ولكن خالي من الفوائد. اشوفه عبارة عن تغيير جو. فاتمنا احدد يصحح هذي الفكرة ان كانت خطأ

1 Like
2

بعيدا عن الناحية الأكاديمة بعض الفوائد إنك تتعرف على ثقافات أخرى و تطور ال soft skills

3

ناس طلعوا exchange ودرسوا بجامعات معروفة ويقولون ان البترول دراستها اصعب من الي ب exchange

4

بالنسبة لي انا كانت لي تجربة في 191 في معهد جورجيا التقني و اقدر اجزم لك ان طلابنا عملة نادرة بحد ذاتهم و السبب يعود لطريقة انتقائهم زي ما دكرت وانا متأكد انهم بيبدعون وين ما راحوا.

اما بالنسبة للفروقات الأكاديمية فصعب اني اعمم والسبب ان فيه كثير من الطلاب في جامعات ثانية ممكن تكون تجاربهم مختلفة عن تجربتي في حورجيا تك، لكن عموما الفرق الاكبر بين جامعتنا و جامعاتهم ان معظم المجهود في العملية التدريسية يقع على الطالب بحيث انك ملزم تسوي نوتاتك الخاصة وتكون طريقتك الخاصة في متابعة المنهج والتدريب عليه، بكل اختصار اللي يسويه الدكتور انه يجي ويكتب بعض الملاحظات على الصبورة وانت تسجلها وتبني عليها وكذا تنتهي مهمة الدكتور وانا اشوف هذه الطريقة في ايجابية و سلبية.
الايجابية انك بتعود نفسك على الاعتماد على النفس وبتنمي مهارات مثل التفكير والناقد ومع الوقت بتقدر تميز بين المهم وغير المهم وبتقدر تبني لك طريق وخطة واضحة في اي مجال تدخله واعتقد هذه هي الحكمة اللي يشوفونها بإعتماد هذه الطريقة.
اما السلبية فهي ان هذه الطريقة بتستهلك عليك الكثير من الوقت والمجهود اللي ممكن تستغله في انك تتدرب وتطبق على تمارين تزيد من اتقانك لهذه المهارة كما هو حاصل عندنا بأغلب الجامعات السعودية.

بالنسبة لي افضل الطريقة المطبقة في البترول وهي انك الدكتور يوفر لك السلايدات أو النوتات والخطة الدراسية بالتفصيل مما يعطيك فرصة تتدرب اكثر على اسئلة الكتاب والاولد اقزام وبكذا تكون اتقنت المهارة واي فكرة معقدة بتكون جاهز لها. عموما هذا رأي وغالبا السبب الرئيس لتفضيلي هذه الطريقة هو اني تعودت عليها وممكن لو تجيب طالب امريكي السعودية بيضل يفضل طريقتهم في التعليم الامريكي.

اما سؤالك الثاني فأشوف ان فوائد برنامج التبادل الطلاب لا تحصى ورأيي اي طالب عنده القدره يطلع حرام ما يطلع حتى لو اضطر انه يتأخر شوي؛ لا يخفى ان كثير من طلاب البترول يعيشون في فقاعة بين الغرفة والقاعة الدراسية وهذا يدمر المهارات الاجتماعية عندك وخاصة مهارة التواصل واللي تحتاحها بشدة في الوظيفة وهذه التجربة فرصة انك تنمي هذه المهارات ناهيك عن التعرف على ثقافات جديدة والتعلم للنظر للامور بأكثر من زاوية مثل انك تعيش ظروف المغتبربين وهذا الشي يخليك تقدر المغتربين عندنا في السعودية وغيرها الكثير من الفوائد اللي تخليك تقدر هذا الفرصة. في النهاية اكثر شي لفت نظري في الاكستشينج هو البيئة التعليمية الجاذبة والمشجعة وهذا اكثر شي احزني لم اقارنه بالوضع في البترول و لو نقارن الحرم الجامعي فقط بتشوف كوارث. ما ودي اطول في الموضوع لكن اتمنى الوضع هذا يتغير خاصة وان جامعتنا تتعبر واجهة الجامعات في السعودية.

1 Like
5

“هل منهجنا قوي كسمعة الجامعة او فقط الطلاب هم المتميزون وسبب السمعة؟”

قوة المنهج ماهو معيار قوة وتميز الجامعة

اتذكر دخلت قبل سنين في نقاش مع احد خريجين ام القرى عن جودة وتميز الجامعات… النقاش توقف لما قال لي “جامعتنا تدرس نفس كتب جامعتكم وصارت الدراسة بالانقليزي”

وقتها عرفت انه فهمه لجودة التعليم محدود لانه هذي ماهي المعيارين الي تميز جامعة البترول اصلا!

حاتكلم باختصار عن نقاط التميز للبترول وعن النقاط اللي تحتاج البترول تجتهد في تحسينها.

بس قبل ما ابدا خليني اذكر بعض النقاط عن نفسي لعلها توضحلك منظوري الشخصي اكثر:

- انا خريج بكلريوس من البترول

- Bachelor of science in mechanical engineering

- تخرجت في سنة ٢٠١٢، قضيت ٥ سنين في الجامعة واحتجت ترمين صيفية عشان اتخرج

- معدلي متوسط،، في الرينج حق اغلب خريجين البترول مستحيل يطلعوني اكستشينج ولا كنت ادري اصلا عن البرنامج لانهم ما يكلمو عنه الا الدوافير. اغلب سنيني الاولي كانت درجاتي C وآخر سنيني A. سجل درجاتي فيه كل قريد من A+ الى F، مرورا بالDN (رسبت في مادتين). مبدع في تخصصي، ادائي بائس في المواد الاخرى بسبب قلة الاهتمام.

- اخي طالب هندسة في جامعة الملك عبدالعزيز، حاستعمل تجربته في المقارنة.

- اشتغلت ٧ سنين. خبرتي ما كانت في مجال الشركات البترولية ولا في الكيماويات.

- حصلت على ماجستير من جامعة MIT (Massachusetts institute of technology) .
للي ما يعرفها، هذي الجامعة رقم واحد في العالم في اغلب تخصصات الهندسة والعلوم ومن افضل ٥ في مجالات الادارة. هذي الجامعة اللي البترول تطمح انها تكون النسخة الشرق-اوسطية منها.

- Master of Applied Science in Supply Chain Management
تخصص فرعي في الSystems Engineering
تدرسه كلية الهندسة (مو كلية الادارة)

يتبع،،،،

1 Like
6

ميزات البترول (عن باقي جامعات المملكة بالاخص):

1- الانتقائية

مثل ما تفضلو الاخوان، بيئة البترول فيها افضل واذكى طلاب المملكة بسبب الانتقائية الشديدة في القبول.
هذا الشي يخلق بيئة جامعية متميزة عن بيئة باقي الجامعات.

على ايامي كان الابتعاث سهل (برنامج خادم الحرمين الشريفين الملك عبدالله) لدرجة انه القبول في البترول كان اصعب من القبول في الابتعاث. يعني جامعة البترول كان فيها طلاب افضل من طلاب كثيرين راحو برا.

طبعا هذا ما يعني انه طلاب البترول افضل من غيرهم بشكل مطلق او انه مافي طلاب متميزين خارج البترول، لكن الاغلب انه الطلاب الموجودين داخل البترول كانو متميزين من ايام المدرسة

2- المسؤولية

اغلب طلاب البترول ساكنين في السكن الجامعي. يعني بمعنى اخص هم طلاب جادين لدرجة انهم اختاروا انهم يسافروا بعيد عن اهلهم ويستحملوا الغربة في سبيل العلم.
وتجربة العيشة كشخص مستقل من عمر ال18 لها فوائد تنعكس على شخصية الطالب، مقارنة بالطلاب اللي فضلوا انهم يدرسوا في جامعات مدنهم ويسكنوا عند الاهل.

3- الكتب

كثير من طلاب الهندسة في باقي جامعات المملكة ما يعرفو شي اسمه كتاب… المعروف عندهم انه الطالب يشتري “شيتات” او ملخصات من المكتبة حقت الجامعة وتكفي يدرس منها وينجح في المادة.
اتذكر في ايام دراستي في البترول كان الكتاب هو الاساس والسلايدات او الملخصات عمرها ما تكفي. وكانت ميزة لنا انه الجامعة توزع علينا الكتب مجاناً فما كان فيه حجة عشان الطالب يقول ما حصلت الكتاب او ما قدرت اشتريه عشان ما يقراه.
هذا الشي يحسن التحصيل العلمي عند الطالب.

4- التركيز على الاساسيات

عدد ساعات الدراسة في تخصص المكانكل في البترول: 134 ساعة
عدد ساعات الدراسة في تخصص المكانكل في عبدالعزيز: 154 ساعة

طالب البترول في الاغلب يخلص كلاساته على الظهر لو منزل اغلبها صباحي
طالب عبدالعزيز في الاغلب يخلص كلاساته على المغرب كل الخمس ايام في الاسبوع

ايش الفرق؟
طريقة البترول هيا
We will be very tough in teaching you the basics, then your company will make you specialized according to its needs
تركيز البترول جدا عالي على تدريب الطلاب في الاساسيات العلمية واساسيات التخصص، لكنهم ما يتعمقو في المجالات الفرعية للتخصص
بالمقابل الجامعات الثانية موادهم اكثر وفيها تشعب اكثر

تركيز البترول على الاساسيات جنوني لدرجة انه الطالب مستحيل يغلط فيها… وهذي حتلاحظوها في سوق العمل

7 كورسات ماث بدون آلة حاسبة؟ النتيجة انه خريج البترول مسسسسستحيييييل يغلط في الحسابات …
الشخص لو ما طور مهارة الproblem solving السريع والحل بطريقة صحيحة من اول مرة وبدون مراجعة ، ما حيقدر يعدي الاوريا والفريشمان في البترول.

هذي النقطة شفتها كثييييير في العمل عند خريجين الجامعات الثانية… لازم تراجع ورا شغله حتى لو كان مدير. يغلط في جداول، يغلط في ايميلات، يغلط في حسابات…

عبدالعزيز موادهم كثير. في المكانكل (فرع الثيرمل) مثلا كل طالب لازم يدرس هذي المواد المتقدمة في مجال الثيرموفلودز بالاضافة لنفس المواد حقت البترول:
heat exchangers
pumps
powerplants
refrigeration and airconditioning
internal combustion engines
Turbomachinery
Thermal engineering mesurements

في البترول الطلاب ما يدرسو الا اساسيات الثيرموفلودز (ايضا الزامية في عبدالعزيز):
Thermodynamics 1
thermodynamics 2
heat transfer
fulid mechanics
وبسس… مستوى صعوبة الاسئلة في المواد الاساسية كافي انه ياهل الطالب انه يتعلم باقي المواد الفرعية بسهولة اذا احتاجها في وظيفته… ايضا الجامعة تقدمها كمواد اختيارية للي يبغى لكنها ما تلزم الطلاب بها

هذي طريقة البترول: الاساسيات ثم الاساسيات ثم الاساسيات، ولا تقدر تتخرج الا لو عرفتها زي اسمك.

5- العدل

اغلب جامعات المملكة فيها نفسيات… يعني دكتور يحقد على الطلاب، يحلف ويقول والله لا ارسبك، استقصاد وشخصنة للامور…

هذي الاشياء عمري ما شفتها في البترول ولا سمعت حتى عنها.
الدراسة جدا صعبة في البترول لدرجة انه اذا الدكتور رسبك، انت تستاهل ترسب. حيوريك درجاتك وسجل حضورك ويرسبك وهوا يضحك ولا تقدر تجادله. كل شي محسوب. مافيه مجال للتلاعب. راي الدكتور فيك كشخص مو مهم.

لو كان الدكتور فعلا سيئ في التدريس، تقييم الطلاب له نهاية السمستر حيجيب له مسائلة وحتغصبه الادارة يغير طريقته. هذي ما تشوفها في باقي جامعات المملكة.

يتبع،،، (نقاط تحتاج الى التحسين في جامعة البترول)

4 Likes
7

اهم فرق وهو اللي مميز البترول عن باقي الجامعات السعودية هو الجدية في الدراسة

وقوة الجامعة من قوة طلابها ومناهجها

8

حديثك جميل ومتزن وأتمنى تستكمل الموضوع