السلام عليكم
أخواني عندي استفسار بالنسبة لشخص بالبوزشن والخبره الي بذكرها تحت :
ٍPiping Design Engineer
+8 years experience
في حالة أنه قبل في سابك
كم القريد واللفل والراتب الاساسي المتوقعيين؟ وهل في أمكانية للمفاوظة
أرجوا الافادة للاهميه
حدود 15 الف ريال
1 Like
معقولة 
كم تبغا ؟ مليون؟؟
اذا نظامهم مثل ارامكوا
راح يعطوك زيادة على الفرش حق pdp وعن كل سنة خبرة مبلغ معين
يعني اتوقع ١٨٠٠٠ اساسي تنقص او تزيد الف
واذا ماعندهم نظام للخبرة فأقل شي المفترض يعطوك ٢٠٪ زيادة على الراتب
ملاحظة: الي كاتبه انا توقعات فقط من خلال مطالعتي لسوق العمل ومش دائما صحيح لكن هذا المعروف في الشركات المحترمة
1 Like
مو مليون ، بس هذا مهندس وخبره ٨ سنوات ، ١٥ أحس شوي قليلة عليه ، أقل شي المفروض يكون فوق ال ٢٠ أساسي
شكلك ما تعرف السوق عندنا ي صاحبي 
نعم من حقه ومن اقل حقوقه ٣٠ الف .
لكن تتوقع الشركات بتعطي ذا المبلغ .
الله يعطيكم العافيه على التوضيح
بس ود الواحد يكون عنده تصور للمميزات للشركة الي مقدم عليها عشان لما يفاوض لايشطح بطلباته وتطير عليه الوظيفه ولا يظلم نفسه بالموافقه على الحد الادنى فياليت من الخبرات في ارامكو وسابك يعطونا تفصيل اكثر من هذي الناحيه.
العلم الاكيد يكون راتبه من 22 الف الى 24 الف ريال وقريد 13 هذا العادي اللي ماعنده واسطة
هذا الاساسي ولا كامل ؟
الاساسي يكون تقريبا ٢٢ الف
بس حط ببالك شي من هم يعتمدون بشكل كبير على راتبك الحالي كم ويزيدونك ماكسمم ٣٥ بالميه بموافقه خاصه اذا مره متمسكين فيك
و ٢٠ الي ٢٥ بالميه للشخص اللي يبونه ولكن فيه بديل له او ان راتبه جذا عالي
الاساسي
وتعتمد على المسمى انا اعرف واحد متخرج هندسة مدنية من 6-2011 يعني تقريبا 8 سنوات ونص كان راتبه 19777 ريال وعطوه 27 الف بس مسمى Project Manager وعمرة 32 سنة في شركة شبيهه في سابك الصحراء بس العرض الاول لا تقبل المفروض سابك تعطيك على راتب 30% خليك على هذا المنوال اذكر قبل 9-8 سنوات كان راتبي 16 الف اساسي وعرضوا علي الراتب من 22 الف الى 24 الف بس كان عندي 9-10 سنوات كذا مع التضخم اللي حاصل اعتقد 22 الف الى 24 الف لانه في ناس اعرفهم لهم خبرة 13 سنة في سابك رواتبهم من 25 الف ريال-27 الف ريال وقريدهم 14
طبعا انا كنت في سابك قبل سنتين في 4-2018 عطوني 28553 ريال بس خبرتي كانت 15 سنة
بدل المواصلات اذا كنت 13 يعطونك 2000ريال ريال شهريا بيكون دخلك حوالي من 26750 ريال الى 29000 الف ريال واحسب فوقها راتبين في السنة بونص
انت حاول 24 الف ريال اساسي معهم فاوض معهم يكون دخلك السنوي 398 الف حلوة وتوك شباب 32 وتستقر في سابك وتعين خير يعني دخل 33 الف حلوة تخليك تجمع وتشتري ارض وتبني بيت حلو قدامك 16 سنة للتقاعد مبكر حاول انك تسوي شي
2 Likes
ياحبيبي راتب 15 الف اساسي يعطونها في الجبيل مهندس خبرته 3-4 سنوات فقط . اللحين ارامكو الاساسي للمهندس 12020 ريال وبعد 3 سنوات لازم يكون راتبك من 16 الف -18 الف ريال بعد PDP ولا لازم تتوكل من الشركة المفروض المهندس مايطول اكثر من 4 سنوات لانه والله ياجماعة كنت اقول ليش السعودي مايستقر اللين شفت البلاوي في الجبيل مهندسين هنود مع احترامي ومستواهم ضعيف والشركات ترسلهم ماليزيا تدريب PMP وازيدك من الشعر بيت سقط اربع مرات انا عمري ارامكو ماطلعتني كورس برى اللمملكة ورواتبهم تقريبا زينا يعني مش معقول فنصيحة للمهندس السعودي اذا الشركة مطنشتك وحاطتك للكد وتكملة عدد لا تجلس اكثر من 5 سنوات وروح دور لين تحصل ناس يحترمونك كامهندس البلد فيه خير .
1 Like
نعم المهندس الفريش في ارامكو يستلم 11500 ريال اساسي وزيادات سنوية كبيرة هذا غير اذا كنت ريموت اريا كلام اخر .
راتب المهندس عالي ماشاء الله .
لكن مو شرط على حسب الشركة الشركات الصغيرة مثلا ماتعطيك ذا المبلغ .
دامك مهندس تقدر تتنقل براحتك سواء لسابك او صدارة او بترو رابغ الخ … وهذي اهم ميزة يفتقدها الفني .
الراتب لاصحاب الخبرة يختلف حسب شطارتك مع ال HR.
مو شرط في شركات صغيرة تعطي احسن من الشركات الكبيرة اعرف ناس كانت تااخذ مع البدلات ومدير صيانة يستلم مع البدلات 53 الف ريال وفي شركة كانت مبتدئة تشتغل مع التحلية صحيح الرجل خبرته 25 سنة وخريج البترول
53 الف ماشاء الله
بس معقولة شركة تدفع ذا المبلغ شهريا ؟؟
فيه شركات عادي عندها تدفع ذا المبلغ اذا الموظف مطلوب ويحتاجونه
طيب كيف يتسجل بالتأمينات ؟ أكثر راتب تقدر تسجله هو ٤٥ ألف ، يعني الباقي كله بونص ؟ صح فهمي ؟
.