اليوم جاني اتصال من شركة معادن بخصوص وظيفة قدمت عليها قبل ٣ شهور تقريبًا وتكلمت معي الموظفة لم يتم ترشيحك للوظيفة المطلوبة ولكن في مكان شاغر في شركة معادن الذهب في محافظة مهد الذهب قريبه من المدينة المنورة سوت معي مقابلة لمدة ٧ دقايق كلها بالإنجليزي وسألتني أسئلة من ناحية remote area والراتب الأساسي وكم راتبك الأساسي وكم مع فل بكج وكم تتوقع الراتب ومن هذا الكلام وراح نتواصل معك قريبا ان شاء الله هل في احد تواصلوا معه او كان موظف سابق في الشركة يعلمنا خاصه في محافظة مهد الذهب وظيفتي الحالية بالرياض وهل الراتب راح يكون عالي في مهد الذهب والبدلات أسعدكم الله
جزاكم الله الف خير
انا مثلك.اتصلوا علي والشغل مناجم وللاسف غلط وعلمتها كم ابغي راتب لأن حسب الكلام الاساسي ماراح يقل ان 15 الف .
وانا اذا الله تمم ماراح افوتها خبرة معادن ممتازة اذا وضعت بالسيفي لو ثلاث سنين تكفي تكرف بها
الراتب يعتمد عالخبرة لكن اذا خبرتك سنتين بيعطونك قريد ١٢ وبيسك حول ١٢ الف اساسي وبدل سكن(٢٥%) ونقل(٩-١٠% نسيت) وبدل نائية(ما اعتقد يزيد عن ١٠%) بالاضافة راتب رمضان. فيه توزيع ارباح سنوية بالاضافة للعلاوة لكن الشركة خسرانة فالعلاوة موقفينها لهالسنة.
ممكن يكون روتيشن(ايام عمل تشمل الويكند وتاخذ عليها ايام اجازة تتراكم). قريد ١١ وفوق الاوفر تايم ما فيه فلوس فقط اجازات الساعة بساعة.
انا تواصلوا معايه يوم الثلوث الماضي واحده اسمها ندى برقم جوال بخصوص وظيفة optimization engineer في مهد الذهب واليوم كمان اتصلوا بهاتف من الرياض ونفس الاسئلة تكلم عن نفسك وكم راتبك الحالي.