السلام عليكم
احد عنده فكره عن القوات الخاصة للامن البيئي؟
تم قبولي مبدئياً لكن ماعندي اي خلفية عنهم
التعيين برتبة رقيب - تخصص هندسة ميكانيكية
من شروط القبول مكتوب (إحضار أصل إشعار درجة القدرات العامة)
هل يقصدو اختبار القدرة المعرفيه او اختبار القدرات العامة للجامعيين؟
ما انصحك تروح على رقيب
حرام ياخي
انت جامعي و مهندس رتبتك المفروض ملازم اول مو رقيب
نصيحه مني اذا تبي تلتحق بالعمل العسكري التحق بدوره الضباط الجامعين سواء دفاع او حرس او داخليه. اما انك تدخل العسكريه كفرد و بشهادة جامعيه و كمان تخصص هندسي فهذا خطأ كبير و مجحف بحقك و خل في بالك الكليه العسكريه اللي متخرجين منه الضباط ثلاث سنين و يصير آمر عليك انت الجامعي بس لانك فرد و هو ضابط
1 Like
في الاول والاخير خيار شخصي… وكل شخص له هدفة بالحياة،
فية ناس عندها صبر وطولة بال وعندها دعم ولا عندها مسوليات ولا مستعجلة علي تكوين اسرة او غير راغبة بالزواج… فيتخرج كمهندس ويبحث عن عمل في تخصصة وتخذ ١-٣ سنوات عشان يتوضف ممكن بدون راتب… ويصبر سنه او سنتين ويحصل واحد يعطية راتب بسيط ١٥٠٠ الي ٣٠٠٠ في منطقة نائية ١٢ ساعة ٧ ايام بالاسبوع طول السنة يشتغل غير يومين حقة الاعياد فقط… ثمن يفصل من الوضيفة ويجلس سنة او سنتين بعدين يحصل وظيفة ثانية براتب ٤٠٠٠ لمدة سنة او سنتين ثمن يفصل ويجل بدون وظيفة وتستمر الحياة…معدل راتبة الطموح شهريا ٣٠٠٠ خلال اول ١٥ سنة… اما العسكري معدل ٢٢٠٠٠. امتلك بيت وكون اسرة وتفضي لاسرتة واهلة وبزنس…وامرة في التمام وامان وضيفي ومرتاح البال… الشاب الطموح كل همة وكل وقتة وكل عمرة يبحث عن وظيفة واذا توضف خايف ينفصل… شفت كثير استطمو بالواقع وتاثرو نفسيا كثيرررررر مرة واصيبو باكتئاب حاد ويفكرون بالانتحار …
ادري بتقول سابك توضف براتب ١٠ الف…متي اخر مرة وظفت سابك خريج جديد؟ من ٤ او ٥ سنوات… طيب مين يدخلها وكم توضف؟ عقلانيا سابك لها ممكن ٤٥ سنة عدد موضفينها ٣٥ الف… خلينا نقول فيها بكثير ٥٠٠ مهندس منهم ٣٠٠ سعودين…
مثل كل الشركات ليش اوضف سعودي؟اجيب اجنبي خبرة ٢٥ سنة ب ٤٠٠٠ ريال(اهو مرة مبسوط بالراتب يعادل ٢٠ ضعف راتبة ببالدة فيقطع روحة عشان الوظيفة هذاي) يشتغل ١٤ ساعة باليوم ٧ ايام بالاسبوع ولا يقول لا…نفس لو اقول تشتغل بدولة ثانية براتب ربع مليون وكل شي مجاني اكل شرب سكن … صاحب العمل: يقولك تبي تشتغل عندي حياك بس بدون راتب…
يعلم الله اني اقول هذا الكلام انقل الواقع ولا اتكلم من فراغ…مو مصدق روح افتح طاقات بتحصل الرواتب… اطلع لسوق… تكلم مع الناس…
هذا الكلام لا يعني ابدااا الي عندة علاقات قوية ومعارف او عندة اب ثري او اقرباة يملكون شركات او…
1 Like
كيف حالك اخوي
كلامك غلط بالشق الأول عن توظيف وحنا ضد انه يدخل كفرد، لأنه مثل الحلاوة راح ينقبل دورة الضباط طالما عمره اقل من 28 سنة ،
انا حصلت لي دورة الحرس الوطني ورفضتها واقدر ولو دخلت اول ماتخرجت كان الحين أنا ع وشك رايد اصير،
وتوظفت وتدرجت بالشركات والوضع كويس من فضل الله .
صحيح الوضع مايقارن نفس قبل خمس سنوات وورا،
بس نقول لا يظلم نفسه ويدخل دورات افراد ابدا
يقدري حصل شركات مقاولات واستشاريين يعطونه راتب 7000-8000 نعمة مبدئيا
2 Likes
الكلام سهل وكل شخص تجربته تفرق عن الاخر
القبول في كليات الضباط مو سهل لان فيه منافسة , ولو وظائف براتب 7-8 متوفرة محد قعد فالبيت.