نحن مشكلتنا ليس الاجانب نحن مشكلتنا انه الي مثلي قاعد في بيته : ولنحقق الاهداف نحتاج ما يلي:
1- وزارة الصناعة تقوم بانشاء مشروع تجمع فيه جميع الشركات الداخلية التي تريد ان تستثمر لجلب الصناعة والتقنية للبلد
2- تقوم وزارة الصناعة بحصر جميع الصناعات المساندة للصناعات الغاز والبترول
3- يتم تحديد المواد التي يتم تصنيعها بمساعدة الشركات المساندة وهي شركات اجنبية للشركات الكبري … ومعرفة تفاصيل الانتاج …
4- تقوم الوزارة بدعم من صندوق الصناعي وبعد موافقة الشركات الداعمة عمل مسابقة للمهندسين ذوي الخبرة والمعرفة العلمية العاليه لاخذ هذي المشاريع وتطبيقها وبالتالي هنا قمت بتاسيس شركات سعودية صناعية بايدي سعودية ومال سعودي لدعم الصناعة الاساسية بالبلد وهذا من شانه فتح افاق جديدة ليس لها اخر …
في سبيل المثال يوجد شركات قليلة تعمل في مجال الغازات مثل غاز النتروجين وغاز الاوكسجين والهليلوم والهيدروجين وثاني اكسيد الكربون … ولا يوجد تفاعل كيميائي في مصانع الغاز الي بوجود هذه الغازات كغازات حامله او داخل في التركيب المعادلة الكيميائية … لا يوجد منافس لشركة اير ليكيد الالمانية وصناعة سهلة جدا ولكن تحتاج راس مال
الصناعات التي لا توجد بالمملكة اساسا ومن المؤكد انها ستكون سلعة المستقبل كصناعة الطاقة الشمسية و صناعة الطاقة من منتجات الطعام اي تحويل النفايات الاطعمة الي طاقة واعادة التدوير للمنتجات الاستهلاكية كالبلاستيك والمواد الالكترونية لاعادة استخدامها كلها مشاريع من وجهة نظري سهلة وسهل تطبيقها ودخلها المادي عالي جدا جدا جدا ولكن لا يسمح الوقت لشرحها
كذا انت ما راح تكون حليت مشكلة بطالة انت تكون حققت اهداف البلد الاساسية وتضاعف دخل الميزانية وانحلت كثير من المشكلات
اما انا فرزقي علي الله وما اردت الا الاصلاح ما استطعت
كلامك اخي كله صحيح لكن نصيحة لوجه الله ولو تطبقها راح تشعر ببعض الارتياح.
طنش ولا تفكر لا في حلول ولا في سيطرة الاجانب لان بكل بساطة الكل عارف الاسباب والكل شايف فأنت ماهو طالع في يدك شي ولا انا طالع في يدي شي ولا كلامك او كلامي راح يغير في الواقع شي.
وكل نفسك الى الله لان الرزق من عنده سبحانه.
اخي الكريم انت اتجهت لمنحنى اخر غير عن اللي اقصده. الحلول التطويريه اللي ذكرتها لاتخفى عن اصحاب القرار. وترا كل اللي ذكرت ماراح يحصل مادام هناك عدم ثقه بالمواطن السعودي. للأسف هناك رجال أعمال وهم كثر همهم شي واحد وهو الربح المادي حتى لو كان هذا الربح على حساب المواطن نفسه بعدم رغبته في القطاع الخاص. والامر من هذا ان هؤلاء رجال الاعمال لهم بد طويله مع المسؤليين ويضبطون أنفسهم مع بعض بصدور قرارات تهدف لمصالحهم الشخصيه. بالعاميه أقطع لي وأقطع لك. وأصبح رجال الاعمال هم من يسيرون أقتصاد البلد. ليش ماتكون هنام قرارات صارمة من الدولة (وتطبق على ارض الواقع وليست قرارات بحيسه الادراج يخرجونها متى ماأرادوا). بهذا النهج اللي حاصل عندنا راح تكون فجوة كبيره بين الشعب وخصوصا العاطلين وبين الوطن. هذا وطن ودولة وليست شركات خاصه تهدف للربح. لازم تكون لدى الدولة أهتمام لأبنائها وللمواطنين تعرف ليش؟ لان لاسمح الله لو صار شي في هذا البلد كل رجال الاعمال (وللاسف السعوديين منهم) راح يسحب امواله ويترك البلد للمجهول. بأختصار أولويتنا لازم تكون للفرد نفسه وليست لمصالح أخرى. هذه العقليه لازم تتغير من أجل هذا الوطن.
والله العظيم يااخي انا مقهور ماهو من شان الرفض لكن أصبح الوضع عيني عينك حتى مافي أي احترام لأهل البلد. ندري كلنا أول ان الاجانب مسيطيرين على الوضع لكن ماهي بالبجاحه ذي. يرسل لك إيميل ويقول نبي أجنبي. وين في بلدي؟!!!!!!!!! والله هزلت. هل أقدر أنا أروح أتوظف في الخارج وأسوي نفس سواه هذا الرجل. والله العظيم لا يقوم الدنيا علي. لكن صدق من قال من أمن العقوبة أساء الادب.
وأنا عارف بعد لو كبر الموضوع وصار له صدى عند الكل. تعرف وش يسووون؟ تعميم لجميع موظفين HR بعدم الرد على المتقدمين أو يصرفون لهم أي عذر ومع السلامة. من شان كذا كتبت ردي عليهم في موضوعي الاول وقلت لهم والله ماأملك غير الدعاء عليهم وأسال الله رب العرش العظيم أن يبتليهم بأنفسهم ويمحق رزقهم وأن يجعل ماجمعه من مال علاج لهم ولأبنائهم أعداء الوطن.
عمري وعمرك متقارب ويمكن اكبر منك مابي اعرف عمري … 4 سنين عاطل يبون ابو هنود والا صعايدة او فلبن عندهم خبرة سنين … في هالاربع سنين كلمت عديلي يوظفني شغلة مؤقتة ( مندوب مبيعات) وعلى طول قبلوني لان عديلي شيرمان هالشركة العملاقة اشتغلت كم شهر لكن طلعت منها لانهم الظاهر يبون سعودة فقط خلك جالس على كرسي المدير عشان يشوفك مسؤولين مكتب العمل اذا فكرو يجون يشيكون السعودة … يوم طلعت قدمت على اغلب شركات البترول لكن مابه حظ …هالايام بشوف لي واسطة من اقربائي يعرف احد في قطاع البترول نتوظف دايركت … عمري وعمرك يالحبووب طال عسى الكريم يرزقنا بشكل عاجل ونتزوج ونشوف الحياة
شفت اللي صاير فينا؟!!!!! يارجل ترا اللي جالسين يلفلفون على هالشركات (أغلبهم وليس الكل) بالله عليك مايقدرون يدققون على الاوراق ويشفون الدعوه كلها تحايل على النظام. يقدرون يسووون هالشي لكن توصل فوق فوق وبعدين بالزباله اكرمكم الله. الله يرحمك ويجعل مثواك الجنه يالدكتور غازي القصيبي اللي لو لا الله ثم هو حتى نسبه السعوده ٣٠٪ ماراح نشوفها. والله غير يستبدلونا كلنا يالسعوديين بالاجانب. الله يرزقنا برجل شريف مثله يكون صوت المواطن.
اخوي لو تركز في الكلام الي كتبته، راح تلاحظ اني ما كذبتك نهائيا. انا جالس ارد على الشخص الي قاعد يكذب المعلومات الي في الايميل. انا بالعكس اقول ان المعلومات الي مذكورة في الايميل صحيحة و قاعد انقل الوضع الحالي في شركتي و ان اوقات العمل و الاجازة هي شبيهة بالنظام في شركتي الحالية و انها صحيحة.
والي ذكرته ان من الايميل واضح ان الشخص الي تواصل معاك يبغى اجانب لان اوقات العمل و الاجازات كلها تنطبق بالعادة للاجانب.
عموما الله يوقفك واتمنى انك ما تستعجل في الظلم
في الاخير انا ما رديت على الاخ الا لانه كذب كلامك و انا قاعد اصحح معلوماته
حبيت أرد للفائدة
السؤال هل كان فيه داعي تكتب في الإيميل أنك سعودي مو أجنبي ؟
كلمة أنك سعودي كان كافية ووافية ، الإضافة ما لها أي داعي حقيقة.
This is my saudi ID
:
يااخي هو ارسل لي ايميل يبي فيها صوره الاقامه مع العلم اني مرسل له صوره الهويه.فقلت اه اني سعودي وارسلت لك صوره الهويه.
النقطه الثانيه يااخي الكريم المشكله ماهو اني كتبت في الايميل اني سعودي. واذا كانت انها هي المشكله أجل ذي مصيبه. المشكله وزير غير كفؤ ومسؤول فاسد لم يقدموا أي شي للمواطن السعودي. اللي قبله يوظف ولده براتب ٢٢ الف ريال ومعاه ثانوي فقط. وزيرنا هذا ماغير يصرح بالقنوات سوف افعل وسوف اعمل وخططنا المقبليه سوف تكون على النحو التالي والنتيجه لا شي. والله مستغرب وزرير عنده مليارات وربي منعم عليه وماسك وزاره! طيب انت وش تبي بالوظيفه اللي راتبها مع مميزاتها ماتجي مصروفك في أسبوع. نبي عقول تخطط للبلد وتنهض به مثل دكتورنا غازي رحمه الله والنعيمي الله يحفظه. ناس ماسكه مناصب تبي تشتغل ماهي جايه عباطه.
لكن ٣٣ سنة ولاتوظفت !! ياخي توظف اي مكان ماكدونالدوز البيك كنتاكي محلات الخضار اي مكان حتى لو مو تخصصك ولا تقعد عاطل او تاخذ من امك الله يحفظها لك او تذل نفسك .
اسئل الله ان يوفقك ويرزقك الوظيفة .
ترى الشركة ذي ماهي نهاية العالم قدم بكل الشركات ارامكو سابك ياسرف الكهرباء … تكلم مع مسؤلي ال HR وجه لوجه واذا رفض اغضب عليه واستهزء فيه وشوف غيره .
انا نصحتك نصيحة اخوية ترى محد بيفيدك لا الحكومة ولا وزير العمل ولا اي احد .
معك حق والله يالغالي…
من ناحيه التقديم ماخليت شي اما من ناحيه الشغل في ماك وغيرها ماعندي اي مشكله لكن المشكله انها راح تحسب ضدي العمر يروح والخبره ماهي بالتخصص وراح يكون هذا عذرهم.
اما ااحكومة والمسؤول والله انك صادق ماحسبوا لنا حساب. أصلا لو هذا الشي يهمهم كان مااحد تجرأ على حقوق المواطن من الاساس. وكل هالمسخره اللي صارت كان مالمفروض انها تصير. ارفع راسك انت سعودي…
الله يحفظ لنا صحتنا ويعوضنا خير ولا يجعل الدنيا اكبر همنا.
لا احد منا ينكر جهود الاجنبي ومافعله لهذا البلد وهم بشكرون عليه. لكن توصل لمرحله انك تفضل الاجنبي على ابن البلد؟!!! شئ غريب ولا احد يفعل هذا الفعل غير الخائن لبلده اللي يفضل مصالحه الشخصيه على وطنه ودينه. سبحان الله لي مده ادور صفه اصف فيها أفعالهم ولا حصلت أفضل من كلمه الخائن.