السلام عليكم يا اخوان …
ابغى استفسر منكم على اي تي سي ارامكو " تدرج وظيفي" لخريجي الثانوية عن امكانية الدخول فيه ، طبعًا انا شهادتي هندسة كيميائية بس موب من البترول وباقي ماتعديت ٢٤ سنة لان هذا شرط من شروط الدخول للتدرج
ابغى معلومات عنها وهل بتنصحوني فيه
للمعلومية وضع الكيميكال صعب جدًا بالوظائف والمجال والخبرة محدودة جدًا حتى على خريجين البترول.
نصيحة لاتضيع نفسك وتدخل اي تي سي الراتب والقريد يفرق جداً وبالعكس الكيميكال انجنيرز كثير بالشركة ونصيحة لاتضيع مستقبلك بقريد 6 وانت جامعي تستاهل قريد 11
شف المشكلة ان الكيمكال مافي شيء وسط ومجالاته محدودة
يعني ياتلقى موظفينهم بارامكو وسابك والتصنيع الخ… او تلقاه يشتغل بمصنع ب ٥ ولا ٦ الاف وخبره مشي حالك
الكيمكال وضعهم صعب ♂️
1 Like
حتى لو صعب بس مو معناته انك تضحي بنفسك ب ITC وانت مهندس تستاهل GC 11
وعليك السلام والرحمة
بخصوص شروط القبول , صحيح ان عمرك اقل من 24 بس هل الشرط الثاني منطبق عليك
- أن تكون سنة التخرج من الثانوية: ( 1437/1438),( 1438/1439),( 1439/1440), ( 1440/1441)
هل انت خريج 1438 ؟
لا والله للاسف ، ممكن يتغاضون عن ذا الشرط ؟
ما اعتقد ي صاحبي, الله يعنيك فعلا هذا شرط يحد الواحد شوية
في ارمكوا برنامجين
الاول حق الثانوي
و الثاني حق الكليات
انا ما اتوقع انهم بيقبلونك فيها لانك جامعي و ثاني حاجه لا تحطم نفسك
صح الوظاىف قليله و الارزاق بيد الله
فتوكل على الله و سوى اللي عليك
1 Like