السلام عليكم ورحمة الله وبركاته
أسعد الله صباحكم/مساءكم بكل خير أيها الأحبة
أنا طالب متخرج من 2018 من كليات الهيئة الملكية بكالوريوس تقني في الهندسة ولحد هذه اللحظة لم ألتحق بأي وظيفة ولا عمل وكل الأبواب طرقتها ولا فيه فايدة والسيفي من أفضل ما يكون وانجليزتي جيدة جداً وعندي دورات في تخصصي ومع ذلك ما فيه نصيب في شيء
التحقت في أواخر 2019 في وظيفة براتب 5800 أوبريتر في شركة مقاولات وبعدها ما الله كتب أكمل معاهم بسبب أزمة كورونا
الشاهد إني كرهت شهادة الهندسة وكرهت العمل فيها واللوبي الأجنبي الي مسيطر على كل شيء والفرص المعدومة والضئيلة وجانب الخبرة
جت في بالي فكرة اني أرجع لمقاعد الدراسة وآخذ بكالوريوس علوم في المحاسبة ولا المالية من الجامعة الالكترونية واكتشف شغفي واهتمامي في هذين المجالين لاسيما اني مهتم بالإقتصاد والتحليل ولغة الأرقام والبزنس… والي أشوفه التخصصين كويسين وفيهم فرص ورواتبهم حلوة
بس محتار بين ماستر ادارة الاعمال في حالة أصلاً الجامعة الالكترونية تعترف بالبكالوريوس التقني أو آخذ بكالوريوس ثاني وأغير الcareer bath حقي تماما وأصير مع الbankers وهذا إلي أميل له
الخيار الأول أشوفه بعييد لأني بكون موجود بنفس الcareer والتغيير طفيف أو معدوم
بينما البكالوريوس الثاني بيساعدني كثير ويمديني آخذ فوقه شهادات وأكمل فيه ماستر ، ومجال نظيف وواعد
مع العلم عمري 27 بس ما عندي أي مشكلة مع الدراسة والجهد
نصايحكم أحس إني مشتتت ، كاره الهندسة ومجال العمل فيها وبنفس الوقت خايف ومتحمس من التغيير والshifting of career
هل هي أمر شائع ويحصل ؟ وكيف نظرة أصحاب العمل لهالأمر
من ناحية شح الوظايف فهذا شئ اعتيادي في الوقت هذا…لكن انك تفكر في بكالوريوس ثاني فما انصح اشوف انك تتوظف بالدبلوم افضل اذا تفكر في شهادة ثانية في البكالوريوس لان وقت التخرج العمر مايساعدك… قدم بالبكالوريس لاتيأس والرزق على الله…ولو راتب بسيط, فقط لاخذ الخبره.
من ناحية ماستر في ادارة الاعمال بعد الهندسة فما افتي لك…حاول تسأل موظفين البنوك.
وجهة نظري ماجستير بيعتبرون مؤهلك فوق المطلوب
انا اشوف مثل ما قال الاخ heshamx الدبلوم فكره جيده و بديت افكر فيها يا ليت يزودونا الشباب باماكن ممتازه للدبلوم
شكراً لك أخ هشام
أنا ما عندي مشكلة أتوظف لكسب الخبرة بس وين الوظيفة
بنفس الوقت أنا أحس أن ميولي للهندسة بدأت تتضاءل خاصة لما انفتحت على سوق العمل
تبي الصراحة انا الي كان محمسني أدرس هندسة هو أني اعتقدت أن فيها مردود مالي ومكانة اجتماعية زي معظم الطلاب ،، لكن مع الوقت اكتشفت اني غلطان مع الأسف
وانا أخوك هو يقصد الدبلوم إلي معي من الكلية ، مو دبلوم تخصص ثاني لأن الكلية تعطيك دبلوم بعدين تكمل بكالوريوس
بالنسبة لكلامك بخصوص مؤهل الماستر وأنه فوق المطلوب فعندك حق ،، هذه من الأشياء الي ممكن تكون لصالح دراستي بكالوريوس ثاني
ركز على الدورات الي مطلوبة من الشركات بدال ماتكمل الماستر مثال على ذالك
1- دورة Primavera P6 راح تساعدك انه تحصل وظائف في ارامكو وصدارة ومثال على ذالك كل مقاوليين ارامكو وسابك يطلبون هاذي الدورة في اقسام الصيانة في الشركات الكبيرة.
2- دورة PMP من معهد نفسه بس كونك توكل فرش وماعندك خبرة ادخل على منصبة دروب وقدم وتدرب وخذ الشهادة معمدة من وزارة الموارد البشرية وببلاش!!
3- دورات السلامة OSHA تعطيك فرصة وظيفة اعلى.
4- Aramco Approval في معاهد موجودة في الخبر تعطي دورات
تأهيل انك تقدر تدخل اختبارات ارامكو وتصير Mechanical inspector وهاذي الدورة مطلوبة في قسم كبير في ارامكو اسمه Mechanical Services Shop Department .
-الفائدة من الدورات
- اول شي التركيز على الدورات افضل لانه راح تكون جاهز للشركة الي راح توظفك ومراح يخسرون فلوس عليك ويرسلونك دورات كونك فرش وراح تكون فرصتك بالوظيفة اعلى وتقدر تطنخ من راسك وتحط الراتب الي تبيه.
-ثاني شي هاذي الدورات تعتبر اضافة على الشهادة الي خذيتها من كلية الجبيل. لانه الناس كلها الان عندهم شهادات جامعيه بس ماعندهم الدورات انه تخلي الشركة تقول باخذ واحد جاهز بدال ماخسر عليه فلوس ووقت.
خلال دراستك الدورات قدم على الوظائف وماتخلي وقتك كلها بدراسة الماستر لانه اذا درسة الماستر بنفس الوقت انت راح تكون بعيد عن سوق العمل كونك مشغل في دراساتك العليا
والله يالخوي الحال من بعضه وبديت افكر اني ادرس ادارة الاعمال انتساب او بالجامعة الالكترونية بسبب ان ادارة الاعمال تخصصها واسع وتطبق كثير من المفاهيم عكس الميكانيكا
انا تخصصي هندسة ميكانيكية مع مرتبة الشرف من الجبيل
حاليا اعمل بشركة بترولية براتب 5400 وظيفة حق خريجي الدبلوم ما هي للمهندسين ودوام من 7 الى 5 بحاول انظم وقتي لاني توي مباشر العمل اول سبوع علشان اخذ دورات في الادارة مثل السبلاي شين والمحاسبة…الخ ومن اسبوع الجاي ببدأ اقدم من جديد على الشركات لانه ذي مجرد وظيفة مؤقتة منها اكتسب خبرة بالتعامل مع الموظفين وخبرة في الشغلات التكنكال
انت حاول تدور شغلة بشهادة الدبلوم مؤقته وطول الوقت خلك شغال تقديمات كورسات اونلاين الخ…
هذا هو يزعلون اذا قلنا الصحيح
انا مهندس ويوم اشوف سوق العمل السعودي ، والله المهندس مظلوم فيه واشوف الهندسة مقلب تخوزقنا فيه.
ولو يرجع الزمن والله ما أتعدى المالية والمحاسبة.
كل خوياي الي بهالتخصصين الله يرزقنا مارزقهم متوظفين بأحلى الوظايف ومرموقة بعد وراتب ضعف رواتبنا.
بس كرفنا ع الفاضي وفشخرة مهندس واخرتها انكسرت روسنا.
ليس نكذب ع بعض الحكومة والشركات يفضلون الاجنبي بالقطاع الهندسي وللحين مو واثقين بالسعودي . يعني يسكرون الكليات ويجيبون اجاني احسن مايخسرون فلوس ع طلابه واخرتها عاطلين باطلين .
الآن قريب عشرين الف مهندس عاطل
قبل خمس سنوات كانوا مسجلين فوق 12 الف .
والاحصائيات الرسمية تثبت خلال الخمس سنوات ان الاجانب استحوذوا ع سبعين بالمية من سوق العمل بعد ماكان بس خمسين بالمية
المشاريع الضخمة نيوم امالا القدية طلعوا باللنكد ان ذاك اليوم ثلاث ارباع مهندسيها اجانب.
والله شي يقهر ويغبن.
وان توظفنا بمقاولات الاجانب هم المتحكمين والسعودي مجرد طرطور ديكوري او يحطون سعودي ثانوي عليك عشان يمتطونه ويسرقون ع ظهره ويدرون انه يخرس عشان مايفصلونه بسهولة.
حسبنا الله ونعم الوكيل بس
والله هذه نصيحتي لكل واحد من شباب الجماعة الي يطلبون نصيحتي.
اقولهم شوفوا وضعي قدامكم.
بصراحة من 2015 والوضع من سيء لأسوأ
والتوظيف كلما له يقل ،ووظايف شركات الاستشارية والمقاولات طفاس ماتسمى وظيفة ولا خبرة
حتى مرة قابلت مع شركة مرموقة يوم اقابل معهم والله مايشووفونها خبرة.
وهيئة المهندسين من عرفتها منذ13 عام وهم يقولون :“شهرين ثلاث وينزل سلم رواتب المهندسين”
المهندس بالسلم العام هو والإداري واحد!!
يعني تدخل تخصص إداري مثل المالية المحاسبة الموارد البشرية أو حاسب آلي حتى احسن لك وأسهل وتلق وظيفة بصميم تخصصك بسرعة ولا تتأخر وسلمك الوظيفي تعرفه.
شلون صايرة كذا ماتدري والله المستعان.
لذلك ياإخوة حنا درسنا وتخرجنا والله يخلف علينا بمصيبتنا ويعوضنا خير.
إذا أحد طلب نصيحتك قل له فر من الهندسة فرارك من الأسد إلا اذا كان بيدرس ويتوظف برا بالخليج لأن لي اكثر من صديق راحوا للكويت وتوظفوا .
بس انا ابغى اشتغل هنا ومرتبط بأهلي وماأقدر اخليهم .
والله للحين أقولها أكبر غلطة ارتكبتها بحياتي هي الهندسة وأكبر غلطة أكاديمية أني دخلت كهرباء خصوصا.
ع الاقل الصناعي لو حطوه إداري مو مشكلة.
اعذروني لو طولت لكن والله شي يفجر الكبد الله يعوضنا خير ويصلح حالنا ويرفع عنا هذا الوباء والبلاء والغلاء
الهندسة ليست مقلب، سوق العمل سيء جدا صحيح، ولكن هذي مو مشكلة التخصص.
عشان نكون واضحين، المهندسين الي بالشركات الوطنية مثل ارامكو، سابك، التصنيع، معادن، الكهرباء، وغيرها من شركات النفط والغاز والطاقة هم الاوفر حظا. ليش؟ شركات متماسكة اكثر من غيرها، ولديها دعم حكومي، خبرة جيدة جدا، وامكانية التنقل بينها عالية جدا.
بعدها نجي حق الهيئات الحكومية الجديدة والشركات شبه الحكومية في القطاعات الاخرى مثل شركة الاتصالات، هيئة الاتصالات و تقنية المعلومات، مشروعات، هيئة النقل، التحلية، وغيرها من شركات وهيئات القطاعات الي تدعم البنية التحتية او الخدمات المساندة، وهذي تعتبر ايضا الافضل للمهندس. وتنتع بنفس مزايا الشركات السابق ذكرها.
وثالثا، شركات القطاع الخاص وتمثل بالشركات الامريكية، واليابانية، و مختلف الشركات العالمية الموجودة بالسعودية. هذي الشركات الاسوء اطلاقا للمهندس (ما عدا القلة القليلة الي جاي بنظرة استراتيجية وتستثمر في موظفينها مثل الشركات المذكورة سابقا) وجودها وهدفها هو سبب سوءها وهو الربح المادي فقط وعدم وجود خطة استراتيجية لوجودها في المملكة. بكل اختصار جاية تحلب ارامكو.
كلنا نطمح ندخل للافضل ولكن ما كل ما يتمنى المرء يدركه. لازم تكون متابع لاخبار التوظيف والمشاريع الجديدة والشركات ووجودها في السوق، وتسعى وتقدم بدون ملل او كلل. النتيجة ما بتكون فورية طبعا، وممكن تاخذ سنة، ثلاث سنوات، او ممكن ١٠. هذا الشي خارج عن ارادتك، وما المفروض انك تنتقد نفسك او تحمل نفسك كل اللوم.
البعض ما راح يعجبه الكلام لانه ويدور على حل فعال وسريع، ويشوف نتيجته اليوم قبل بكرة.
كلامي خلاصة ٥ سنوات من البحث و تحليل الوضع من وجهات مختلفة، وايضا تجربة حلول عديدة.
بديت بمرحلة المعاناة والبحث عن وظيفة، ثم التذمر والشتم، ثم لوم النفس ثم لوم المسؤول.
ايش اكتشفت؟ لا تستنى احد يغير الوضع لك وغير وضعك بنفسك، اي حل او فرصة تجيك قيمها وشوف وين ممكن توديك وتوصلك، واهم نصيحة لا تقارن نفسك بغيرك وتقول فلان نفسي ودخل ارامكو وعلان راح سابك. ركز على نفسك واجعل من نفسك العملة المرغوبة بدل ما انت الي تطارد ورا الشركات.
الاعلانات الوظيفيه الهندسيه ترى المقصود والمطلوب فيها الاجانب لكن حنا السعوديين نحشر حالنا ونرسل السي في = (
مهنه الهندسه ضايعه الله يخلف على المهندسين وياجرهم مصيتهم ولا تتوقعون في حل ولا بعد 10 سنوات لـ ان مهنه الهندسه في قبضه اللوبيات الاجنبيه ومستحيل تنفك
بـ ارضاء من وزاره العمل والتاجر صاحب الحلال بالعربي ماتاكلون عيش معهم …
تصيحتي ياشباب توجهوا للعسكريه واتركوا خرابيط الدراسه وخوذوا لكم رقيب ولا وكيل رقيب راتب 12 الف الى 13 الف وتستقروا وتتزوجوا انتبهوا لا تضيعون اعماركم
ترى محد سامع لكم ولا احد دروا عننا …
