انا خريجة مالية حاليا اشتغل بالبق فور، ،لكن للاسف طبيعة الشغل ابدا مو عاجبتني من ناحية انهم يعينونك على مشاريع ماتخص تخصصك ابد ولايهمهم انت وش تبي وهالشي ماراح يخدمني باهدافي لاني قاعدة اختبر cfa وابغى مجال عمل يخص الاستثمار عشان اجتاز شرط الحصول على الشهادة (وجود ٤ سنوات خبرة في مجال المالية)، حاليا قاعدة اقدم على جهات ثانية عشان اطلع من المكان اللي انا فيه
وش افضل الشركات لخريجي المالية يكون فيها learning curve
مايهمني الراتب ابي مكان اتعلم فيه، ويدعمون الموظفين من ناحية الشهادات المهنية والدورات والتطوير الوظيفي
١- ايش رايكم بشركات الكابتل ( ملكية، دسر، سنابل…الخ)
٢- بنوك الاستثمار ( البلاد كابتل، الفرنسي كابتل وغيره)
عليكم السلام
مااعرف كم صارلك في الشركة الي انتي فيها لكن اسم البيغ فور في السيفي يعطي انطباع قوي فعشان كذا حتى لو ماعجبتك وظيفتك الحالية
ومادام الراتب مايهمك اجلس بالشركة فترة مناسبة وبعدها شوفي شركات ثانية. والتقديم خليه بعد اخذ cfa عشان تضمن فرصة انك تتحصلي على مقابلات وفرص افضل.
لاتقدمي على الشركات العائلية خل طموحك شركات كبرى مثل البنوك ولاشركات عالمية او استشارات او شركات حكومية وشبه حكومية وهيئات.
فيه فرق بين الوزارات والشركات الحكومية والشبه حكومية
مثلا وزارة التعليم والصحة والنقل والزراعه وغيرها هذول مافيه ذاك التطوير
على عكس جهات مثل الاتصالات وتقنية المعلومات وزارة الطاقة والتامينات الاجتماعية والصندوق الصناعي مدينة الملك عبد الله للطاقة الذرية والمتجددة وغالبية الهيئات
شركات صندوق الاستثمارات العامة مثل نيوم والقدية والبحر الاحمر وتطوير الدرعية
ولاتنسى البنوك بعد ممتازة وفي مجال تخصصك