السلام عليكم انا طالب مالية في جامعة الملك سعود وابي اعرف كيف رواتب خريجي المالية، وهل تنصحون بشركات الاستشارات لاني جدا معجب فيها مثل BCG و McKinsey أو شركات Big4 ادري متعبة هذول لكن هل يفيدون تخصصي، ولا افضل شركات الاستثمارية والبنوك الاستثمارية والأسواق المالية مثل تداول و مؤسسة النقد وهيئة سوق المال و سنابل. (وصندوق الاستثمارات العامة يطلبون تخصصي ولا)
بما أنك في جامعة الملك سعود، تواصل مع الشباب في نادي الاستثمار، تعرّف عليهم، راح يفيدونك كثير.
من خريجي النادي يشتغلون في شركات مثل التي ذكرت وغيرها.
1 Like
التخصص مطلوب في كل الشركات والقطاعات.
اكيد يفيدون وتعتبر خبرة قوية.
BIG4 التوظيف فيها اسهل من الاستشارات مثل مكنزي وبوسطن
اذا تبي تتوظف فيها اقرا عن اجراءات التوظيف فيها لانها اكثر من مقابلة ولازم يوم كامل اختبارات وبعدها مقابلة مع شريك الشركة واجراءات طويلة
وحاول تتواصل مع احد موجود هناك ولو كان اتش ار
1 Like
سؤالك مو واضح اذا انت تقصد وظيفة او تدريب تعاوني
عموما انا انصحك كطالب مالية قبل ما تبدا تتدرب تبحث وتقرا عن الاقسام وتعرف انت وش تبغي ( Asset managmenet, investment banking, etc… ) هالاشيا ماراح تلقاها الا بالبنوك والشركات الاستثمارية
ما انصحك بالبق فور الا اذا انت طموحك تكمل مسارك المهني استشارات
ال
1 Like
6-7 الاف
ليه كذا احس شوي
قصدك ١١ وطالع
1 Like
يب انا انصدمت مو لهذي الدرجة
نعم أخي من 12 ألف وفوق وعلى حسب المكان .
المهندس مسكين 4-5 الاف وهو كارف …
ههههههههههههههههههه
والله لو يرجع الزمان وادري وضع الهندسة كذا كان ماتعديت تخصص المالية او محاسبة.
اذكر خويانا المحاسبة والمالية لعب بلوت ايام الاختبارات ووناسة وماشاء الله كلهم وظائف مرموقة. وحنا يالله نكرف بس عشان نعدي بسلامة.
عموما ارزاق ربي ومقسمها. والحمدلله ع كل حال
لا وش دعوى كل التخصصات لها ناسها وصعوبتها ومميزاتها كل التخصصين مطلوبات خاصة الهندسة دائما مطلوب وصعبة دراستها بس مو لدرجة انه المحاسبة والمالية سهلة جدا صحيح أسهل لكن مو للدرجة ذي اصلا الوظائف والمناصب ارزاق سبحان ماتوقف على التخصص والله يوفقكم أن شاء الله
1 Like
من اصدر شائعة ان المالية والمحاسبة ما كرفو ؟ اضف الى ذلك انا اعرف خريجي هندسة رواتبهم ١٢ وطالع لذلك يعتمد عالجهة
2 Likes
الكل كرف طبعا وكل واحد وميوله … لو ميولك هندسة ادارة الاعمال بتكون صعبة جدا عليك والعكس صحيح .
بالنسبة للرواتب
المالية والقانون وغيرها ١٢ الف وانت طالع ووظيفة مضمونة 
الهندسة 3-4 الاف بن لادن ورواتب مقطوعة اكثر من شهر 
يالله خيرة
5 Likes
حلو اخيرا عجبكم ردي
ايش مصدرك؟ هل كل الخريجين اللي تعرفهم توظفو بعد تخرجهم مباشرة (لان الوظيفة مضمونة على كلامك) وهل رواتبهم كلهم من 12 وطالع؟
كتبت 6-7 بعدين دبلتها فجأة
مدري من فين تجيب المعلومات اللي تقولها في غالبية المواضيع ، ترى مو عيب تتجنب الرد اذا ما كنت تعرف الاجابة
2 Likes
ماقلت كل الخريجين انا لكن الاغلب .
بناء على كل من اعرفهم في ادراة الاعمال .
في النهاية ارزاق الموضوع ويختلف من شخص لشخص حسب اجتهاده …
مو شرط كلامي صح 100% انا انسان اصيب واخطأ مثل الكل .
بالتوفيق
وهل اللي تعرفهم شريحة كافية انك تعمم الحالة ع الكل ؟ ياخي ارحم عقولنا وبطل استهبال ، يعني تشارك بكل ثقة وتفتي من راسك وتعمم وتنشر معلومات مغلوطة وفي الاخير تقول اخطأ واصيب !
بالنسبة لصاحب الموضوع اعتقد ان كثير من الناس هدفهم بعد اكتساب خبرة في مجال معين الالتحاق بشركات الاستشارات وقد يكون هذا الطريق الافضل لكن مش مضمون دائما انه يصير ، ف لو جاتك فرصة من بدري فيها الافضل تروح لها بغض النظر عن الراتب فالخبرة المكتسبة عظيمة جدا والرواتب في البداية ممكن ما تكون عالية جدا بس مع الوقت راح يزيد بشكل كبير، اعتقد مجالك مطلوب في كل مكان وانصحك اذا جاتك فرصة في شركات الاستشارات ما تفرط فيها ابدا
1 Like
https://www.cooperfitch.ae/SalaryGuides/KSA salary guide 2020 Cooper Fitch.pdf
تقرير كوبر فيتش لمعدلات الرواتب بالمملكة جيد واشوفه يعطي معلومات كافية للمقارنة ما بين المجالات المهنية المختلفة، لكنه يركز على الوظائف الي بخبرة اكثر
فيه اكثر من مكتب توظيف لهم تقارير مشابهة عن سوق العمل السعودي.
فيه تقرير تصدره منظمة ادارة المشاريع pmi.
فيه تقرير تصدره جمعية المدري ايش المالية والمدري ايش الثانية حقت المحاسبين.
وكلها فيها شابتر عن السعودية.
فيه تقرير من هيئة الاحصاء فيه جزئية عن متوسط رواتب السعوديين.
فيه الارقام الموجودة بglassdoor لكل شركة في كل بلد تقريبا، لكن اشوف احصائياتهم ناقصة لقلة المشاركين
نظام قالولي اخويائي ما بيوصلكم بعيد.
ثقافتنا في السعودية انه الواحد يستحي يقول راتبه،،، وممكن بعد يخاف يتفشل ويعطي رقم غير دقيق ومبالغ فيه عشان البرستيج.
هذا غير اللي يخاف من الحسد ويوطي الرقم.
Data data data
3 Likes
الله يعطيك العافيه اخوي
شكرا لك