انا مهندس مدني خريج ١٩ مجتاز FE الأمريكي والسعودي
معي دورات مثل PMP وبرامج هندسية وغيرها وخمس مشاريع تخرج ومعدلي ٣.٤٠/٤
خبرتي بدأت من ١/١/٢٠١٩الى ٢٠٢٠/٧/١
الحمد الله صراحة تقلبات في السوق قوية جدا وعدم تقدير المهندس طبعا الشركات صغيره لمتوسطة وحصلت خبره ولكن غير طموحي عالي جدا جدا حصلت مقابلات لكن مها كرونا غيرت وجهة السوق
الان وجه لي عرضين
الاول مكتب استشاري مع الحكومة براتب ١٠ الف ودوام مريح سنه وقابل للتجديد
ميزتة مريح والدوام حلو أوقاته وأجازه والمكتب ما يتاخر اول بأول الرواتب وسياره واتصالات وغيرها
الثاني
شركة طرق من مجموعة قابضة
لوبي اجنبي ولكن عاجبني الللي يشتغلون لهم سيارات فخمة واشياء كثير والمدير طلبني وقال راح امسك مشاريع وراح اعلمك
الراتب ٦٠٠٠ الف فل بكج وسيارة واتصلات
مشاريعها صيانة وبناء طرق يعني مريح
ايش اختار منها لاني من أسبوعين افكر أتعلم وأخسر الراحة والراتب او ادخل الراتب العالي وأخسر الهندسة خصوصا مافيه شغل
ابغى اتزوج واستقر في عمل واحد عرضت على الشركة القابضة اشتغل خمس سنوات حتى اطلع بخبره عاليه تضمن شركة مثل دار الرياض او شركة استشاريه ضخمة والى الان ما رد علي
مبروك ع العروض الوظيفيه.
من وجه نظري انك تروح لشركه الي عطتك اكثر وباين من كلامك عنها انها شركه محترمه. ثانيا احسب حسابك مهما طورت من نفسك الشركه الي بتنقل لها مستقبلا راح تطالع راتبك الحالي وتعطيك زياده عليه يعني لو تجلس في ام ٦ الاف سنتين او ثلاث عشان تتعلم اغلب شغلهم الشركه الي بعدها ممكن تعطيك ١٠ الاف حتى لو اشتغلت ليل و نهار تدرس المشاريع هذه اذا ضليت فيها لانه لو انهم شركه محترمه راح يحترم شهادتك ويعطيك راتب مقبول وثاني شي لو يرجع الحظر لاسمح الله اعرف انك طالع من الشركه لانه واضح مافي مزانيه او بالاحرى الشركه ماتبي تصرف ع سعوديين و ترا كل شركه تدخلها و انت تبي تتعلم بتتعلم بس لازم انت الي تسعى.
اللي خلاني اقول كذا هو ان الاستشاري مثل موظف الحكومة أداوم معهم وكل شي شي معهم ولا شغل وبرضو العقد سنة ممكن بعد السنه يقولن خلاص
المقاولات القابضة ٦ الف ويرتفع الراتب لهم وشرطت عليه يخلي العقد مفتوح المدة لاني اول قلت له ٤ سنوات قال مفتوح عادي
صح الفرق في الراتب لكم محتار اخسر الخبرة والمنصب واروح الاستشاري سنه وارجع عاطل ولا أتقدم مع المقاول
المقاول في مدينتي جدة الاستشاري في الجزء الشرقي من السعودية
انا اشوف انك تدخل مع المكتب الاستشاري ومن ناحية التطور والتعلم هذا كله يعتمد عليك.
الشركة القابضة ابعد عندها وبالذات اذا كانت شركة تتبع لعائلة. ومع هذا الراتب الي عطوك اياه اقل من حقك ودام بدايتها كذا ف ابعد عنهم لان واضح انهم ناشفين وممكن تكون سعودة
العقد المفتوح ماله أي معنى من ناحية قوة الشركة لأن يقدر يدفع لك راتب شهرين ومع السلامة.
من رأيي رح مع استشاري الحكومة حتى هم لو تبي تتعلم بتقدر واستشاري الحكومة اذا كان تصميم هندسي بتستفيد ويفيدك الFE واذا كان اشراف مشاريع بتروح تشرف على مقاولين نفس شركة العرض الثاني وتستفيد وبتعزز قيمة الPMP.
وعموما استمر بالتقديم لا تحكر نفسك بشركة الين توصل لشركات رواتبها مجزية واسمها وخبرتها قوية.
وفرق الراتب مو بسيط فاستشاري الحكومة افضل وبالتوفيق.
1- العرض الأول: راتب اعلى ، الراتب ما يتأخر ، الدوام مريح على كلامك واحسك مرتاح له.
2-العرض الثاني: لوبي اجنبي ، راتب اقل بحوالي 40% (تفرق كثير وخصوصاً في الاوقات الحالية).
العرض الأول افضل ، ونصيحة لا تعتمد على الوعود الكلامية (راح اخليك تمسك مشاريع ، راح اعلمك … الخ) اي شي مو مكتوب اعتبره سواليف
روح الاولى
الشركة الثانية تلقها شركة عائلية الي عادة تكون سيئة من بيئة عمل ورواتب.
والكلام الي يوعدونك موشرط صحيح… واذا المدراء معهم سيارات فخمة مو معناتها انت بيعطونك سيارة
وبغض النظر عن الراتب بعد