مجال الاستشارات الهندسية مساعدة

Career
1

السلام عليكم اخواني المهندسين

انا مهندس مدني خريج ١٩ مجتاز FE الأمريكي والسعودي
معي دورات مثل PMP وبرامج هندسية وغيرها وخمس مشاريع تخرج ومعدلي ٣.٤٠/٤
وادرس حاليا في جامعة ماستر ماستر نوعي ادارة هندسية
خبرتي بدأت من ١/١/٢٠١٩الى ٢٠٢٠/٧/١
الحمد الله صراحة تقلبات في السوق قوية جدا وعدم تقدير المهندس طبعا الشركات صغيره لمتوسطة وحصلت خبره ولكن غير طموحي عالي جدا جدا حصلت مقابلات لكن منها كرونا غيرت وجهة السوق

وجهة لي عرضين قبل شهر
الاول مكتب استشاري مع الحكومة براتب ١٠ الف ودوام مريح سنه وقابل للتجديد
ميزتة مريح والدوام حلو أوقاته وأجازه والمكتب ما يتاخر اول بأول الرواتب وسياره واتصالات وغيرها
الثاني
شركة طرق من مجموعة قابضة
لوبي اجنبي ولكن عاجبني الللي يشتغلون لهم سيارات فخمة واشياء كثير والمدير طلبني وقال راح امسك مشاريع وراح اعلمك
الراتب ٦٠٠٠ الف فل بكج وسيارة واتصلات ويبقى كلام فقط

اخترت منها الاستشاري علما اني قعدت 7 اشهر في المقاولات وكرهت كل الشغل من العشوائية وتداخل المهام و بعيد عن العمل الهندسي واكثر الشغل بالهواش والمصلحة وتاخر المستخلصات
اللي لاحضتة في شهر في الالستشاري احترام وتقدير وعمل هندسي لكن يعيبة العمل الممل والاداري

عموما ما هو رايكم في خبرة الاستشاري وهل تفيدني على خبرتي العملية مع العلم خبرتي كامله سنتين مع التدريب والعمل من ناحية
1- تطور الرواتب
2- استهداف الشركات الاكبر الاستشارية
3- الخبرة بشكل عام
4- نصايح البعض من الاجانب انه المقاولات لازم تاخذ 5 سنوات اقل شي ياريت تفيدوني
5- الاستمرار فترات طويله في الاستشاري هل يمديني اغير بعدين مثل الصيانة او مجال ثاني ولا لا
اللي يقدر يفيدني اكون شاكر له

2

+1

3

أنصحك بالوظيفة الأولى لأنها مع الحكومة وأمانها الوظيفي أعلى

بالإضافة ان الراتب اعلى لأن 6000 راتب قليل للغاية والفرق بينهم 4000 ريال (10 الاف ريال راتب ممتاز) وانت عارف الدنيا غلا حالياً

كمان حسب ماقلت ان الدوام مريح أحسن من انك تمسك المشروع وتشتغل على ال Critical Path وشغل المرمطة والكرف .

كلها سيارة واتصالات شيء ممتاز كذلك .

التطوير مع الشركة الاولى افضل دام انها شركة استشارية … نصايح الاجانب هذي للاجانب نفسهم لان اذا معهم خبرة 5 سنوات يقدر يطلع تصريح مزاولة مهنة من الهيئة السعودية للمهندسين ويستفيد كثير في مهنته . وانا انصحك ركز على الدورات المهمة مثل OSHA , PMP Professional

نعم تقدر تغير عادي تقدر تروح للصيانة او اقسام اخرى وممكن حتى تروح لشركات كبرى مثل ارامكو وسابك او تمسك مشاريعهم بالاخص قسم ال PMT اللي هو اهم اقسام الشركة وبرواتب جدا عالية .

بالتوفيق يارب .

4

اذا عندك طموح وتبي تتطور وترقى السلم الوظيفي وتنتقل لوظايف اقوى, روح للوظيفة الي بتعبي السي في حقك بالانجازات. لاتروح وظيفة اسم كويس بس اذا دخلت المقابلة مافي شي يميزك لان شغلك روتيني اي احد يسويه. روح للشركة الي بتطلع بتصقل مهاراتك. مع ان للاسف الشركة الثانية راتبها جدا نازل فحتى لو تطورت وجيت تنقل شركة ثانية صعب تتفاوض بالراتب لان راتبك اصلا نازل مره.

5

جيل الشباب الجديد من كثر مايقرا ثريدات تويتر بتطوير الذات والبعدعن الكأبة عاش الجو وصدق نفسه لدرجة انه يقارن بين وظيفتين والفرق بالراتب بينهم 40% ويقولك ممل العمل الاداري!
والمشكلة تخصصك مدني وانا كنت مع استشاري وتركته لان العمل كله مدني وان طلعت ميدان تتأكد ان الشغل ماشي ع الشوب دروينق
يعني ماعندك شي من اساسه!

انصحك بالمقاولات لازم تكرف وتعبي السيفي انك طلعت ولا يهمك الراتب لأن مصير الاستشاري ينتهي العقد وبعدين تضيع
روح للمقاولات ويعطونك سيارة فخمة بعد

6

السلام عليكم ورحمة الله وبركاته
ابتكلم من واقع خبرتي من يبغاك تعمل وتتطور يعطيك راتب محترم ومن يبغاك سعوده لكي تمشي اموره يعطيك راتب قليل ويقولك كلام يعيشك بوهم وخيال وبالاخير مهما اجتهدت وتعبت ماراح تتقدم ولا تستفيد لانهم لا يعطونك الفرصه و يمنعون عنك المعلومه و يشعرونك بانك اقل منهم ولا تفهم و صدمه الكبرى عندما ياتي مهندس من جنسيتهم وفرش ويعطونه ضعف راتبك

بالاخير ابغي اقولك من يبغاك ويرغب بالاستفاده منك يعطيك راتب من جيد جدا الى ممتاز ومن يرغب فيك كسعوده يعطيك الحد الادني من الاجور وكلام يعيشك بخيال وكذب

الراتب يحدد جديه المنظمه

7

من متى المقاولات يعطونك مميزات أكثر من الاستشاري؟ كل العروض المشاهدة من الاستشاريين كرواتب أفضل من المقاولين
إلا لو عندك اسم ممكن تفيدنا

كلامك صحيح وواقعي