احتاج مشورتكم يا اخوان, انا وقعت على عرض كونتراكت سابك, وكمان جاني قبول “مبدئي” لوظيفة أخرى بعد ما ارسلوا ايميل رفض لباقي المتقدمين وانا ما ارسلوا لي وبرضوا على كلام ال hr انه انا مقبول بعد ماسويت follow-up معهم, صراحة انا راغب في الوظيفة الثانية من ناحية مجال وراتب وكل شي, المشكلة انه قال لي الموظف راح يرسل لي العرض بعد شهر من الان بعد موافقة الإدارة العليا. ومباشرتي مع كونتراكت سابك الأسبوع الجاي.
السؤال هل لو ماشمل العقد بند استطاعتي لانهاء العقد في فترة التجربة ما اوقع عليه ولا ما اروح لهم من الاساس وانتظر عرض الوظيفة الأخرى ولا ايش. أخاف اوقع مع الكونتراكت وبعدها يصعبون اخلاء الطرف خصوصا اني مدحت كثير في سابك وقت المقابلة وحسستهم اني بقعد معهم للأبد واخاف انتظر الوظيفة الثانية وتتأخر علي.
أولا؛ فترة التجربة مو شرط تكون بكل العقود ، ولكن مكتب العمل سمح بها ولكن ألزم الشركة بذكرها بنص واضح بالعقد.
ثانيا؛ في حالة وجود فترة تجربة بعقدك فإن لك وللشركة الحق في فسخ العقد أي وقت بدون إشعار وبدون أي إلتزام إلا إذا نص العقد على طرف واحد يحق له فسخ العقد سواء الشركة أو الموظف (المادة 53).
النص: "إذا كان العامل خاضعا لفترة تجربة, وجب النص على ذلك صراحة في عقد العمل، وتحديدها بوضوح، بحيث لا تزيد على تسعين يوما ّ . ويجوز باتفاق مكتوب بين العامل وصاحب العمل تمديد فترة التجربة، على ألّا تزيد على ً مائة وثمانين يوما. ولا تدخل في حساب فترة التجربة إجازة عيدي الفطر والأضحى والإجازة المرضية. ولكل من ً الطرفين الحق في إنهاء العقد خلال هذه الفترة ما لم يتضمن العقد نصا يعطي الحق في الإنهاء لأحدهما."
أشوف إنك توقع في حالة إنك تقدر تفسخ العقد بفترة التجربة وبأحتار فعلا لو العكس وفالك التوفيق.
الشباب ما قصروا
لكن ترا غالبا الشركه ما راح توقف في طريقك حتى لو تعديت فتره التجربه.
بالنسبه لي انا توني مستقيل مع اني تعديت فتره التجربه وكنت في شركه كبيره وتوقعت راح يعقدوني. لكن الاجراءات ما اخذت اكثر من يومين.