السقيم والله هو تفكيرك … محد قال انطق في البيت ولا احد قال اشتغل دعاء فقط بالعكس اسعى وابحث عن رزقك وقبل ذا اقرا الرد زين
وردي وش بيأثر على العاطل على قولتك … وردك انت بعد وش تتوقع يأثر
يعني اذا قعدت تتحلطم عليه ولا تسود الحياة بوجهه انت كذا حليت الموضوع … والله الواحد يستغرب من العقليات اللي مثلك …
وانا ماجبت شي من عندي مدري ليه انت متشنج
الواحد يسعى ويبحث عن رزقه ويدعي الله بالرزق الطيب الى ان يأتيه رزقه ،
ولا اذا في طريقة ثانيه ممكن تدلنا عليها حضرتك ههههههههههههههه
ترى ما قال له اقعد في البيت ، كتب له بالحرف الواحد (اصبر ومع الصبر اسعى)
وقال له انت اجتهدت ورزقك راح يجيك باذن الله يعني ما انكر العمل بالأسباب
ماني شايف اي غلط بكلامه وملاحظ للأسف بعض الناس اذا جبت له طاري الدين علطول يتنرفز
لكل متخرج ما لقى وظيفة ضروري تقرأ الكلام فيه تفصيل بسيط لمسيرتي والخطة الي عملت بها وبعد توفيق الله توظفت بعد 26 يوم من تخرجي.
أنا طالب سابق في البترول من ضحايا الأوريا دفعة 2013. بعد خروجي قدمت وقبلت في جامعة الطائف. كنت متضايق شوي من خروجي ولكن الي زاد الطين بلة كانو بعض الاقارب والاصحاب بحسن نية يقولو وش لك في الدراسة خلاص شوف عسكرية والا اي شي !!
طبعا مثل أي شخص طموح لما يجيك ذا الكلام لولا الاحترام ودك تهف الي قدامك بواحد لكن عدا الموضوع على خير…
كملت وتخرجت هندسة كهربائية وكنت فعال في الجامعة وتقدمت ببرائتين اختراع خلال فترة دراستي ودعواتكم الرد قرب 
خلال فترة الدراسة سويت خطة محكمة لطريقة تقديمي و الاشياء الي بضيفها في السي في وتجذب الشركات وهذا الي صار. ما اذكر فيه برنامج كان له علاقة بأي مادة درستها إلا تعلمته. ما بقيت دورة الا اخذتها . ما بقيت ترخيص إلا قدمت عليه ولا منظمة إلا اشتركت فيها.
وبنيت السي في بشكل حلو وملفت…
اول ما تخرجت توجهت للظهران بحكم كثر الشركات والفرص ومثل ما ذكرت كل شي كان مدروس ومخطط له فبمجرد ما وصلت بديت اقدم وكانت الخطة كالاتي:
8 ساعات الصباح تقديم يدوي في الابراج والمدن الصناعية واي شركة تفتح بابها.
8 ساعات المسائية تقديم الكتروني لينكد ان ومواقع الشركات والايميلات.
فكنت اقدم يوميا بمعدل 16 ساعة
لك ان تتخيل الكم الهائل للناس الي وصلها السي في حقي.
كنت افر المدن الصناعية شارع شارع ولا يفوت مبنى الا ادخل لهم.
البعض يرحب والبعض يسولف والبعض يتفاعل.
بالطريقة ذي إذا ما لقيت وظيفة فأنا كسبت علاقات ومعرفه وتفتح بالشركات والخيارات المتاحة.
وبالفعل الحمد لله في 26 يوم جاتني مقابلتين وموعد لمقابلة ثالثة لكن الحمد لله بعد التوفيق توظفت من اول مقابلة.
وخلاصة الموضوع وخبرتي كالاتي:
1- الوظايف تعتمد بشكل كبير على ال Timing. فإذا جيت وقدمت في وقت الشركة محتاجه انت اخذت تذكرة في الدرجة الاولى.
2- قدم على كل شي واقبل بأي راتب معقول في اي شركة مبدأيا وبعد كذا تشرط.
3- إذا لقيت نفسك في يوم ما قدمت فيه على مجموعة شركات اعرف انك مقصر.
4- إذا كنت خريج 2020 لا تنسى ان وضع كورونا مأثر على التوظيف بشكل كبيررررر. فركز أكثر على تطوير نفسك والسي في.
بعد ما تسوي كل هذا ثق تماما بقانون الجهود المهدرة وتذكر ان الأسد ما ينجح إلا في 25% من محاولات الصيد…!!! ففيه كثيررررررر من وقتك ومحاولاتك ما بتعطيك نتيجة.
والله يوفق الجميع ويكتب الخير.
اضيف كمان المعارض والايفنتات وايام المهنة ما كان يفوتني شي منها
مبروك اشتغلت في القطار … باركو له صار موظف 
Nice! I am sure you will do well and produce to the country
Guys the answer lies in Uganda
اي
اجندة
yes