السلام عليكم ورحمة الله وبركاته
صباح/مساء الخير عليكم جميعاً…
الموضوع بدخل فيه بشكل مباشر
انا حديث تخرج تخرجت قبل تقريبا ٣-٤ شهور… طبعا طموحي كحديث تخرج قطاع البتروكيماويات، قدمت ع ارامكو وسابك ولكن طبيعي ماجاء شيء… طبعا للاسف سابك سمعت ان الواسطات دخل فيها وصارو معتمدين على مبتعثيهم ، او الشخص اللي عنده واسطة يدخل ، فصار الامل في ارامكو بعد الله سبحانه وتعالى… هل احد جاه رد في خلال ال٣ شهور اللي راحت؟ طبعا عارف انه فيه كورونا وكذا ومافيه مقابلات لكن حتى مقابلات اونلاين مافيه؟ وهل احد عنده معلومة متى بيرجعون يشوفون حديثي التخرج والمقابلات الوظيفية ؟
شكراً لكم والمعذرة على الاطالة
Up up up
وعليكم السلام …
قبل كل شيء الف مبروك التخرج والله يوفقك ويكتب لك الوظيفه اللي تتمناها.
والواسطه بكل مكان سوءاً في ارامكو او سابك او غيره وحط في بالك ان بنهايه ارزاق واللي كاتبه لك الله بيجيك قدم وماعليك الا الدعاء وبر الوالدين وان شاء الله يجيك الخير.
بنسبه لارامكو على حسب اللي وصلني بداية السنه راح يفتح التوظيف. ونصيحه قدم بكل مكان لا تقدم بس على الشركات الكبيره لان اجرائات التوظيف تطول فيها لو تتوظف باي شركه تاخذ خبره وتتعلم احسن من الجلسه بالبيت وخذ دورات تفيدك بالسيرة الذاتيه.
والله يوفقنا وياك …
1 Like
اخوي Engineer92
الله يبارك فيك ويجعل التوفيق لنا ولكم بإذن الله
صحيح الله يكتب اللي فيه الخير والصالح بإذن الله
الف شكر لك
لا تقارن ارامكو بسابك في الواسطات هي موجوده لكن فرق الثرى والثريا في ذي النقطه
لاتوجد واسطات … لايوجد واسطة القبول للافضل
مافي واسطات سواء سابك او ارامكو
بالنسبة ٣ شهور هذي ولاشي معروفة ارامكو اجراءاتهم تطول جدا اخوي جاته المقابلة بعداكثر من سنة من تقديمه .
روحو العسكرية نصيحة …
تراك مصختها انت،لك شهور جالس تتفلسف على الاوادم هنا في المنتدى ومسوي فيها مختم ام الشركات
أنت يا أنك ابله او تستهبل وأظن انه الاولى تنطبق عليك يا ابله، أجل تقول مافيه واسطات في ارامكو وسابك
يا ابله كلنا عارفين البير وغطاه ما يحتاج نتكلم، هههه ضحكتني لما قلت في رد لك في موضوع آخر أنه
عندك رقم مدير الموارد البشرية حق بترو رابغ وتواصلت معاه واتساب، محسسني بكلامك انه انت متكي معاه في الديوانية كل يوم
وتعال شسالفتك انت كل ما شفت احد تقوله روح العسكرية والعسكرية، انا عارف اشكالك ومخاويهم زين
تفكر اذا عدد معين راح العسكرية بيصفى لك الجو و بتتوظف في شركة احلامك سابك ولا ارامكو هههه
اترك عنك الحقد والحسد يا جاهل.
انت شخص غريب ومدري وش وضعك الصراحه … لك موضوع قبل فتره كاتب مافيه وظايف وتتشكى ، عموما الواسطه بكل مكان هذا واقع تبي تصدقه صدقه ماتبي بيجيك يوم وتصدق هالشي غصب عنك واذا تنصح الشباب بالعسكريه قدم انت اول وبعدها انصح غيرك و اذا حاط في بالك ان اذا نصحت غيرك بالعسكريه بيصفى لك الجو غلطان ترا هذي ارزاق فيه شباب بمعدلات عاليه ما انقبلوا بارامكو وسابك وزملائهم اللي بمعدلات اقل منهم انقبلوا عموما الله يوفق الجميع ويصلح شانك …
ونصيحه اخيره لاحظت باغلب ردودك سلبيه ومتشائم ترا ماتضر الا نفسك خلك متفائل وتمنى الخير لغيرك مثل ماتتمناه لنفسك علشان الله يرزقك ويوفقك .
4 Likes
والله ياغالي اي شخص براحته بالتوفيق للجميع يارب وكل واحد أدرى بنفسه ومصلحته .
اللي مايسمع نصيحتي بكيفه ما أجبرت أحد ياغالي لكن راح يصل عمره ٣٠ ويندم … وتشوف بنفسك .
انا شخص كبير ومجرب وعارف وضع الشركات اذا ماعندك معارف في الشركات انسى تتوظف الا نادر جدا .
تأثير جائحة كورنا ايضا له دور وخسرت الشركات الكبيرة ارامكو خسرت كثير سابك كمان وبترو رابغ خسرانة 610 مليون تخيل شركة تحقق هذي الخسارة روح اقرأ سوق الاسهم وشوف الوضع … بالاضافة الى اغلاق جميع الوظائف الحكومية .
عشان كذا أنصح خريجي هذا العام بالتقديم للعسكرية لأنها الوحيدة الماشية حاليا ولو مؤقتا وبالعكس رواتبها جدا عالية
بالتوفيق لك ياغالي وللجميع …
1 Like
اذا انت خريج سنة 19 او 20 عطني cv
طبعا كلمت مدير التوظيف قلي مافيه توظيف والبرنامج مقفل …!٢٠٢٠١٠٣١_٢٠٠١٢٧.jpg|636x1200](upload://3LZJOf5ArIEOKxrjA2EFFQbvjuL.jpeg)
ولا اعتقد انه راح يفتح والشركات تبغا تطرد موظفين تبغاها توظفك …
تقول مافيه واسطات و القبول للافضل و الحين تقول اذا ماعندك معارف انسى تتوظف الا نادر ؟؟؟
معليش اخوي انت متناقض …
بعدين مين قالك ان العسكرية بمجرد انك تقدم يوظفونك انا مقدم وجاني اعتذار ومعي كم واحد من زملائي بعد جاهم اعتذار…
وكلنا عارفين ان كورونا سببت ازمه لاغلب الشركات والتوظيف شبه صعب هالفتره وان شاء الله ماتضيق الا تفرج بس دائما حاول تبث التفاؤل لان بعض الاحيان ردك على شخص بهالاسلوب يضيق صدره ويحبطه .
5 Likes
ياجماعة الخير ماضاقت الا لتفرج بإذن الله… اليوم فيه شُح وظائف لكن بكرة افضل بإذن الله دايم نتفائل وهذا هو الشيء الصح… وفيه اشياء نشوفها مُبشرة للامانة زي نظام توطين المهن الهندسة + خروج كثير من الاجانب من سوق العمل وهذا بناءً على ارقام وزارة العمل… فـ بإذن الله الخير جاي… بتجي فترة انتعاش للاقتصاد وخصوصاً البترول ومنها وظائف كثير تفتح وبإذن الله نتوفق ويكون لنا نصيب … بالتوفيق للجميع
3 Likes
هههه اذا كنت تظن انه توطين الهندسة راح يحل كل المشاكل،الصراحة مادري وش اقولك
استغرب من بعض الاوادم كأنهم مو عايشين معانا هنا.
توطين الهندسة ماراح يحل مشاكل لها دهر في السوق
يا اخي الفاضل كلنا ندري بسوق العمل ولكن احنا نتفائل بابسط شيء ، يا اخي الرسول عليه الصلاة والسلام يقول ( تفائلوا بالخير تجدوه ) وعلي ابن ابي طالب رضي الله عنه يقول ( كُل متوقعٍ آت، فتوقع ماتتمنى ) وين الغلط ان الواحد يتفائل ويشوف الامل ويتفائل وان شاءالله مايخيب من احسن الظن بالله
4 Likes
نصيحه ياخوان لاتفكرون بارامكو وسابك كثير لانهم شبه موقفين التوظيف لحديثي التخرج وهذا شي مولم صراحه لكن وش نقول هذا الواقع!!
نصيحه ابحث عن شركه فيها خبره عمليه كبيره من المصنعين اللي بالجبيل هذولا تحصل معاهم خبره ولاتحلم فيها مده سنتين لثلاثه وبعدها تفتح لك ابواب الشركات على مصراعيها
انا مطلع على سوق العمل وحقيقه الوضع جدا صعب لي خبره ١٥ سنه وابحث لاقاربي مهندسين والواقع اغلب الشركات موقفه لحديثي التخرج!!
تبي خبرات فقط… وخبرات نوعيه
تفكير اني اتخرج واروح ارامكو وسابك على طول تغير تقريبا … لكن اذا من جامعات معينه ومرتبه شرف اولى ممكن. طبعا سابك شي ثاني موقفين تماما
1 Like
غلط اللي يفكر بس في ارامكو وسابك … فيه كثير شركات عملاقة وافضل من ارامكو وسابك وحوافز افضل مثل صدارة ساسرف ياسرف سامرف بترو رابغ وشلمبرجير ومعادن وغيرها …
بالنسبة لارامكو لا التوظيف مفتوح وواحد اعرفه في لينكدن توظف فيها الاسبوع الماضي فريش .
سابك مقفلين التوظيف من 2015 … سابك فاشلة قلتها اكثر من مرة هذا الواقع ولحد يزعل .
ارامكو وقت مايكون فيه شاغر يدقوا عليك واحيانا ناس تجيهم رسالة من ارامكو لما يتوفر شاغر نوظفك … ارامكو عندهم نظام وغالبا كثير يكملوا سنة او سنتين مع ارامكو ويطلعوا شركات اخرى بالاخص اصحاب المنطاق النائية فأنت تكون بدالهم او لما يستقيل شخص او يتقاعد …
بالتوفيق للجميع .
2 Likes
اخوي تعرف اذا ارامكو توظف خريجي بكالوريوس كيمياء ؟! اذا ايه ايش القسم المناسب لهم؟!
نعم أكيد توظفهم …
نعم فيه قسم الكيمياء للتقديم …
غالبا المختبرات أو قسم R&D
1 Like