الله يعافيكم عندي استفسار بخصوص توظيف الشركة السعودية للكهرباء،
أنا في شهر اوقست سووا معي مقابلة لوظيفة في مجال الامن السيبراني،
بعد المقابلة بشهرين دقت علي موظفة الHR تقول فيها اني تجاوزت المقابلة، واعطتني معلومات عن مبنى القسم وعن الراتب وساعات العمل … وقالت انه لازم ناخذ الاعتماد من الCEO قبل لا نطلب منك الفحص الطبي وبنرد عليك بعد شهر.
بعدها بشهر انا كلمتها وسألتها عن موضوع الاعتماد قالت لي انها ماتدري ابدا متى يردون علي.
والان صارلي ٤ شهور من سويت المقابلة!
— كوني تجاوزت المقابلة هل يعني انهم بيوظفوني؟
وفيه احد مر بنفس عملية التوظيف هذي؟ لأني احس موضوعي معلق وانا في ترقب مستمر.
هذي وجهة نظري يا اخي الغالي … هي سألت هل التوظيف بعد المقابلة مضمون وخلاص يعني احط رجل على رجل وتجيني الوظيفة طبعا لا
…
قلت لها تواصلي معهم اول بأول افضل ويزيد من فرصة التوظيف بشكل اكبر … واعرف شخص سوى مقابلة ولا تواصل معهم بعدين بفترة طويلة تواصل معهم ونسوه تماما قالوا له متى سويت المقابلة ومن انت … باختصار نسوه تماما .
السالفة ما هي آراء ووجهات نظر ، إذا عندك معلومة متأكد منها اكتبها
وثاني شي كل مرة اقرأ ردودك القاك كاتب اعرف شخص وحدثني احد الثقات ، ترى اللي تسويه عيب يا أخ.
السيدات السادة
المقابلة والعرض الشفوي لا يعني القبول المطلق
وقفنا على حالات ليس بالقليلة ولم يتم التعاقد معهم!
مثال شركة ماسكة الصرف الصحي لاحد الجامعات في عسير مقر الشركة الشرقية
سوت مقابله مع شخص ارسلت هالشخص بعدها الى المحطة في الجامعه لمقابلة مدير المحطة لاعطاء المتقدم نبذة عن تشغيل المحطة ونوع النظام الي فيها
وبعدها سحبو عليه سحبه اليمه منذ ثلاث اشهر!
شخص متقدم في المقاولات لشركة متعاقدة مع مشاريع لوزارتين سياديتين
اجتاز المقابلة من شهرين ولم يعين اوراقه معلق عند CEO
قبل اسبوعين دخل علىCEO وكلمه المتقدم
قال سوري في اربع بأفصلهم وبعد كذا اشوف اوراقكك!
اليوم الشخص عندهم من الساعه 11 الى الساعه 2ونص سوى له اختبار ثاني !!!!
اقصد من اعلاه الواحد مايضمن شيء الى اذا استلم صوره من العقد ووقع المباشرة غير كذا نوووو!
من واقع تجربة و هذا الكلام قبل اكثر من ٦ سنوات… عملت مقابلة معهم في المبنى الرئيسي بغرناطة في الرياض و تواصلوا معي بعدها باسبوعين يباركوا لي القبول و الترشيح في مبنى الشركة في الشرقية و أعطاني اسم المسؤول اللي راح اعمل تحت إدارته و تواصل معي المسؤول شخصياً في نفس اليوم و عمل موعد لمقابلته و تسليمه الأوراق و شرح لي طبيعة العمل و الراتب و ساعات العمل و بعدها قال بيتصلوا عليك للفحص الطبي و ممكن تحتاج فترة ٣ شهو كحد أقصى و بعدها سحبوا علي و بدا ينكر كل اللي قاله الله لا يسامحه… فخلاصة التجربة أنه ما فيه شيء مضمون إلا اذا كلموك لتوقيع العقد… غيره كلام فاضي