انا مهندس ميكانيكي تخرجت في شهر ماي 2020 وبدأت التقديم على الوظائف تقريبا من شهر جولاي واوقست الماضين وإلى الان ما بعد تيسرت. خلال الست شهور الماضية قدمت على مختلف الشركات والبرامج بعضهم ما رد الى الان وبعضهم رفض… زي برنامج الراجحي للخريجين والخطوط وارامكو ومؤسسة الري وشركة المياه وأغلب العروض الوظيفية اللي نزلت خلال الفترة الماضية.
سؤالي ولعلي غشيم بمجال التوظيف وأشياء كثيره أجهلها, هل أنتم يالخريجين الجدد نفس وضعي؟ هل هالوضع اللي نعيشه طبيعي بسبب أزمة كورونا؟ أو طريقتي بالتقديم فيها غلط… يعني انا شخصيا قدمت عن طريق العروض الوظيفية ب لنكدان والتغريدات اللي احصلها بتويتر واراسل الناس اللي تكتب عن توفر فرص وظيفية معينة وتحط ايميلاتها + دخلت على كثير من الشركات الكبيرة والصغيرة وارسلت لهم ايميل أو سجلت حساب بموقعهم وأنشأت سيرة ذاتية على موقعهم.
شاركوني بالله وش الوضع الحالي بسوق العمل, والله يوفقنا واياكم جميعا يا رب ويفتحها علينا وعليكم
أي شيء له علاقة بالميكانيكل قدمت عليه واتفق معك الراتب مو عائق أبدا, عندك أمثلة لدورات السيفتي المطلوبة لو تكرمت؟ + أنا مهتم بمجال ادارة المشاريع وأخذت شهادة الpmp قبل فترة قصيرة… فخلال الفترة القصيرة الماضية صرت اقدم حتى على وظائف الـ project manager لكن اغلب وظائف هالمجال تطلب خبرة الا ما ندر
الوضع ان شالله في تحسن. الشركات بدت تتعود على الكرونا والناس بدت ترجع لدواماتها. بس سؤالي كيف اخذت شهادة بي ام بي وانت توك خريج؟ انا حاولت اتواصل معاهم قالوا لازم خبرة ٥ سنوات في مجال المشاريع
ادارة المشاريع لاحظت نادر ياخذون فريش يفضلون يكون عندك خبره فالتشغيل او فالمشتريات او اي مجال
و فيه دورات غير pmp خصوصا البرامج مثل بريميفيرا و غيره فيه كذا برنامج حاول تحملها و تمارس عليها ابحث لك عن مشروع تقدر تطبق عليه و اذا جيت تقدم بعض الشركات تقدر ترفع كذا ملف غير السي في لو تاخذ سكرين شوت لشغلك عالبرامج و ترفعه
ايضا برامج erp مثل اوراكل و الساب هذي برامج تسهل ادارة موارد الشركات
صحيح هم يطلبون خبرة لكن نظام التقديم على الاختبار هو انك ترفع ابلكيشن لهم قبل تدفع رسوم الاختبار ثم هم يراجعون الطلب مالك.
لما تعبي الابلكيشن تذكر فيه المشاريع اللي اشتغلت عليها بالتفصيل والتواريخ ثم ترسله لهم وياخذون تقريبا 5 ايام عمل على مايراجعونه عشان تعرف اذا بيقبلونه او لا…
بعدها تعرف اذا مسموح لك تختبر أو لا… إذا اسمحوا لك تختبر تقدر بعدها تتوكل على الله وتدفع رسوم الاختبار واذا لا تنتظر لين تحصل خبرة اكثر.
بالنسبة لي انا بكل كلاس تقريبا بالجامعة كان فيه مشروع اشتغلت عليه ف اضفتهم هالمشاريع بالابلكيشن لما عبيته مع شوية تفاصيل وارسلتهم لهم والحمدلله تيسرت أموري + سمعت أنهم ما يراجعون كل الابلكيشنز اللي يجونهم فقط يراجعون 15% منهم.
تبي نصيحتي طالب شيبه من ايام 2004؟
دور لك واسطه من مقاربك او معارفك وامورك محلولة …
صدقني كم نفر اللي فوق اللي يقولك خذ دورة او حدث السي في … هذولا عطهم اقنور
انصحك تزيد مهارتك في المحادثة والمقابلة واستعد لاختبارات القبول من بعض الشركات
الحال واحد يا صديقي فالأمر كان ميؤوس منه في فترة تخرجنا وهي ذروة كورونا . أنا دخلت دورات من بعد عيد الفطر وحاولت أطور مهاراتي في بعض البرامج وجلست أدرس لبعض الإختبارات وبنفس الوقت كنت أقدم على جميع الفرص بمختلف الطرق سواءً كانت وظيفة او تدريب في تخصصي أوبمسميات مختلفة وحتى باقل الرواتب لكن ما الله كتب نصيب وقوبلت بالرفص أو عدم الرد . السوق الوظيفي للأسف في حالة مزرية ولا يستوعبنا كخريجين والاسوء من ذلك أن سبل التطوير محدودة وتقابل بالرفض من قسم الموارد البشرية فالكثير منهم يصرح علانية بعدم أهمية الدورات والشهادات المهنية والتدريب إلا بوجود خبرة . بالنسبة لي لا أرى سبيل إلا في الإستمرار في التقديم للوظائف وتحديث السيرة الذاتية عل احدهم على الاقل ان يبدي اهتمامه . أسأل الله التوفيق لي ولك ولجميع الباحثين عن عمل .
اول تقول انك موظف في ارامكو …
وقبل كم يوم منزل موضوع تسال عن الفارابي انه جاك عرض منهم !!
والمشكله اني سالتك وش تخصصك وكيف قدمت ولا رديت بالموضوع …
بس تدخل المواضيع وتنشر السلبية بردودك الغريبة !
وش وضعك انت؟
وعليكم السلام والرحمة ،،
ألف مبروك التخرج وشهادة PMP،،
للأسف الوضع حاليا ركود ،،أنا خريج سبتمبر وأرى الشح في الوظايف،، بالاضافة إلى جشع الشركات الملاحظ ،، عروض وظيفية بأقل من 7 آلاف مع خصم التأمينات،،
لكن أخوي لا تفقد الأمل عندك تمهير برنامج ممتاز جدا وينمي خبراتك وقد يكون وسيلتك للوظيفة ،،
السناب الآن أصبح مكان لإعلان الوظايف كذلك ،، احرص على حسابات نشر الوظايف بالاضافة لتويتر،،
ولا تنسى تخصصك من أكثر التخصصات طلبا ،، قدم بكل مكان خاصة بالرياض إذا كنت خارجها،،
وفالك التوفيق
هناك 200 ألف مهندس أجنبي وكلهم يعملون في الشركات دون خبرة … ولو تبغا تتوظف يحتجوا ان ماعندك خبرة ولو معك خبرة كمان يجيبوا لك أعذار … يعني الى متى وهذا الوضع
هناك ركود وشح في الوظايف سواء بجدة ولا الرياض وحتى المدن الصناعية …
وزارة العمل والموارد البشرية ماحطت اي شيء كلها وظايف برواتب متدنية وفي غير التخصص وحتى في طاقات … كلها عبارة عن سعودة وهمية براتب لايذكر مايبغوك الا تكملة عدد فقط . وتواصلت مع أحد المسؤلين ويقولي التوظيف صعب للمهندسين يعني ياليت كلمة تفائل طيب ياليت توفروا حلول تقلل عدد الاجانب تزيدوا نسبة السعودة توفروا فرص عمل تزيدوا نسبة التوظيف تشوفوا حل للموضوع … تمهير لن يفيد فقط تدريب لمدة ٦ شهور دون الحصول على الوظيفة او ان تضمنها .
يعطيك العافية والله معلومة جديدة اول مرة ادري ان المشاريع بالجامعة تمشي معاهم.
على العموم الله ييسرها لك وما عليك من بعض الردود اللي تقول مامن وظايف. ترا انا لما تخرجت كنت اقرا ردودهم واتحطم بس الحمدلله الله رزقني بناس حولي مستحيل يخلون الواحد متحطم. ولله الحمد صرت اطلع وابحث واقدم وجتني عروض وظيفية من كذا شركة اخرها امس كلموني من اميانتيت ورفضتهم. وزي ما يقول هيثم افتح حسابات بكل الشركات اونلاين وحاول تروح لهم بنفسك ممكن تلقا بعض الشركات يرفضون تدخل لكن لا يأس مع الحياة جرب غيرهم لين ما تتوظف غصب
اخوي كلنا نفس الوضع انا انفصلت من شغلي شهر ٣ بسبب كورونا ولليوم عاطل قرابة تسع شهور علما ان عندي خبرة سنتين تقريبا … خل املك بالله قوي وتوكل على الله وماخاب من توكل عليه
