السلام عليكم كيف حالكم ان شاء الله باحسن حال
ياخوان انا عاطل لي سنه ونص وان شاء الله اني قابل بالوظيفه هذي فعشان كذا لا احد يجي ويقول اقبل وهو مايدري عن الشركه شي لو سمحتم يا اخوان انتم تعرفون العطالة كيف صعبه عشان كذا انا مجبور اقبل بالوظيفه حتى لو الراتب قليل بس اللي ابيه معلومات عن الشركه
اسمها mt enter prises شركه مقاولات متعاقده مع ارامكو وهذا موقع الشركه MT Enterprises - Calibration Services Company in SAUDI ARABIA
الشركه ابروفد باي ارامكو وعملائها : التحليه سابك مرافق صدارة ارامكو ولوبريف وشركات كبيره
العرض جاني بمسمى مهندس بمنطقة الشرقية كلمت مهندس فيها عن طريق اللنكدن وقال ان اغلب شغلهم باجهزه ترسلها الشركات الكبيره اللي متعاقده معاها الشركه ويسوون لها معايره واختبار وبعض الاحيان يروحون يشتغلون بشركات ثانيه يسوون مهام مثل Our Services
انا مو من المنطقة الشرقية ويمكن تبعد عني مسافة كبيره حتى تذاكر السفر لو بروح لاهلي بتكون على حسابي اتوقع
الراتب اللي فهمته منهم انه بيكون بين 6000 و 7000 وبنفس الوقت المهندس اللي سالته عن الشركه هو معاهم له 4 سنوات لكنه يبحث باستمرار عن فرص عمل فهذا خلاني اشك اكثر
اللي ابيه منكم يالربع انا ماعرف هالشركه فا افيدوني عنها حتى لو كانت مو قد التوقعات هل خبرتها ممتازه او عاديه ؟ اغلب عملائها شركات كبار لكن اللي فهمته ان ماعنده مقر للشركه او بمعنى اصح عندهم مقر صغير لكن شكله مو مثل الشركات ابدا يعتبر صغير جدا وبمكاتب ومختبر
افيدوني يا اخوان تكفون والله اني في حيرة من امري اكثر مايهمني سمعة الشركه وسمعة خبرتها بانتظاركم
هلا اخوي، ما اعرف الشركة بس الواضح ان شغلهم لاب و كلبريشن فما بيحتاجوا مكتب كبير. عموما بما انك فرش تهمك شغلتين الخبرة اللي بتحصلها و هل تقدر تعيش بال ٧ الاف يعني ما تسوا تجي تتغرب و اخرتها سعودة و الراتب ما يكفيك لاخر الشهر.
تواصل مع نفس الشخص اللي ذكرته اذا ما سألته وش وضع الشغل و الخبرة معهم و احسب صرفيتك و اذا توفي معك ال ٧ و توكل على الله هذا وضع السوق حاليا.
سالت الرجال قالي ان الشغل موجود والخبره بتكتسبها ان شاء الله وقالي ان سمعة الشركه حلوه وكل الشركات اللي تجيها كبيره مثل اللي موجوده بموقعهم ( سابك ينساب مرافق التحليه الكهرباء ارامكو لوبريف بترو رابغ والقوات المسلحه )
وفعلا كلامك صحيح هي للمعايره والاختبارات حقت الانابيب ( هل خبرتها حلوه ؟ الهايدرو تيست والفلانج تيست يعني بعد سنتين ثلاثه راح تفيدني)
والله يعطيك العافيه مره ثانيه
الراتب حلو كبداية انا استلم حافز الف و500 وممشي اموري
لكن هل بعد سنتين ثلاثه راح يرتفع راتبي من 6500 ل 10 مثلا ؟
كذا تمام، بحكم لك سنة و نص من التخرج الافضل تقبل فيها بتتعلم شي عالمدى القصير بس لا تترك التقديم. اعتبرها فرصة تدريبة لين تحصل فرصة احسن يعني ما هي حق تجلس فيها سنتين ثلاث.