السلام عليكم
اسعد الله مساؤكم اخواني اعضاء المنتدى
انا عندي تساؤل بخصوص المناطق النائية في شركة ارامكو مثل تناجيب و السفانية و المنيفة هل هيا جميعا بمثل المستوى كبيئة للمعيشة؟
في اختلافات بطبيعة الحال، لكن بشكل عام متقاربة
لا طبعا مو بمثل المستوى باسثناء منطقة واسط لقربها من الجبيل الصناعية …
السفانية أبعد من واسط وتناجيب أبعد من السفانية ( لكن تناجيب يوجد بها مطار خاص لنقل الموظف مثل شيبه )
بينما السفانية + واسط + منيفة لايوجد مطار فيها لكن توجد باصات الشركة .
يعني باختصار تناجيب هي أبعد منطقة نائية من وإلى الدمام .
كل هذي الثلاث مناطق النائية يوجد بها مجمع سكني صغير + مطعم ( أكل مجاني بالكامل , 3 وجبات بوفيه مفتوح باليوم ) + صالة رياضة وسينما + مغسلة ملابس (غسيل مجاني ) + مسبح (تناجيب فقط) + سوبرماركت صغير + جامع كبير
يوجد إنترنت مجاني في أغلب الأماكن بالمنطقة وداخل السكن … توجد عمليات صيانة … توجد شبكة جوال قوية … يمكن تنظيف غرفتك مجانا فقط ضع الملصق على الباب ليتم تنظيف الغرفة مجانا … ماراح تلاحظ كثير سيارات الأمن الصناعي بالمنطقة النائية مثل الظهران فلا تشيل هم المخالفات .
الأجواء كلها حارة طبعاً لأنها في مناطق صحراوية ماعدا السفانية لأن البحر جنبك والحياة البحرية حلووة .
البدلات كذلك تختلف. بدل منطقة نائية:
واسط 14%
السفانية 26%
تناجيب 20%
بدل مواصلات 450 ثابت .
كلها كمان قريبة من البلانت الخاص بها … كلها غالباً فيها عمل إضافي
الحياة عموما ممتازة وتتعود عليها …
ودي مرة وحدة أشوف مشاركة صحيحة لك
2 Likes
اسأل مجرب ولا تسأل خبير …
انا عشت في هذي المناطق وأعرفها تماما ولو تبغا صور تثبت كلامي ماعندي مشكلة
ياليت والله الواحد يكون متاكد من معلوماته وكلامه ، اللي يسال يبغى العلم الاكيد عشان يستفيد هو وغيره من اللي بيرجعون للمواضيع ،
في كل موضوع تشارك بمعلومات مضروبة ومادري وش الهدف
يوم تقول زهقت من العطالة يوم تقول عشت في مناطق نائية يوم تشتغل في شركة وطفشان من وضعك، يا اخي شوفو لهالادمي حل وين المشرفين عنه الناس تسال هنا تبغى تستفيد مو ناقصة واحد يجلس يطقطق اذا عندك ذرة كرامة اخي يا تسكت اذا ماتعرف ولا قول معلومة متاكد منها ع الاقل مع اني اشك ان عندك اي معلومات ممكن نستفيد منها.
3 Likes
براحتك ياغالي .
عالعموم لو رحت هذي المناطق تعرف صحة كلامي وبالأخص واسط …
انا عشت بالمنطقة ذي 14 أسبوع وأعرف كل شيء عنها وعن السفانية وتناجيب قريبة من بعض .
بالتوفيق .
هذي صورة توضح جزء من كلامي الوجبات والمجمع السكني .
الله يصلحك يالغالي لاتعطي معلومات خاطئة كيف السفانية ماعندهم مطار وهم ينزلون على مطار تناجيب! انت كذا تضر الرجال ماتفيده بالمعلومات الخاطئة
ركز يا أخي انا قلت تناجيب هي بس اللي فيها مطار …
اكيد اللي في واسط أو الخرسانية أو الفاضلي أو منيفة أو السفانية كلها ذي مناطق نائية كلها من بعد الجبيل أولهم واسط والاخير تناجيب هم يروحوا تناجيب اذا يبغوا المطار …
لأن بس تناجيب اللي فيها المطار المدني … بعض المطارات ترى بس للنقل فقط … يعني اذا المكان في نص البحر في طائرات نقل شحنات بس وليست مطار عام …
هذي المطارات المدنية حقت أرامكو:
مطار الدمام
مطار جدة
مطار الرياض
مطار شيبه
مطار تناجيب
مطار راس تنورة
مطار بقيق
كالعادة كلام خاطئ، أنت كذاب
UP
1 Like