حبيت اطرح الموضوع وهو استغراب باستشارة بنفس الوقت …
الان الهيئات الحكومية ماشاء الله كثيرة والي سمعته رواتب جداً عالية وتامين VIP من قو المميزات فيها ناس تركت سابك وارمكو عشانها وسمعت شخص عن ترك شركة مرافق براتب فوق 30 الف وطلع هناك …
الحاصل انه في وظائف بالهبل ولاكن لايوجد تقديم او اليه معينة اللهم بالنكدن نشوف الناس تبرك الحمد لله تم تعيينني وتم صدور قرار تعيني وتم وتم ولا في اعلانات ولا اي شي وناس يعني حتى اسم خبرة ماعندها واللهي مهو حسد ولاكن مقصدي انه اذا الي خبرته ولا شي الاحرا برضو انه الي معه خبره يدخل بالساهل ولا بنات والاختيار نقوه الجميلات فقط اصبحت الهيئات الحكومية تتباها كلن تقول الزين عندي …
ي جماعه انا مهندس وخبره اكثر من 5 سنوات وماجستير ودبلوم عالي من المعهد الامريكي للادارة
اللي ابي افهمه وش اليه التوظيف هل واسطات ام مسافيط كل تالنت اكوازيشن يعرف شلته وربعه او استراحته او الاستراحة اللي جنبه ويجيبهم نقوه يعني
يعني احد الهيئات لقيت فيها الغريب الموظفين 90٪ منهم خريجين جامعة واحدة
ياليت تفيدونا والله نبي نحسن رواتبنا اذا في طريق نسويه او احد ينصح
اعتقد السي في غير مهم بعضهم هنا يعلل السي في والله ي شفت ناس متوظفين الظاهر حتى السي في عربي انجليزي الي جاهز بقوقل اذا مو اغلبهم …
ندري رزق بس الرزق له درب وان شاء الله ان حنا معنا المهارات والشهادات والخبرات المطلوبة
وفي شي يقهر
راقبت وظيفة طالبين خبره فوق 10 سنوات واخر شي وظفو شخص توه متخرج …
فعلا أنا سمعت كذا ولكن مو شرط أن الكل يحصل على عروض قوية…
بالنسبة للبنات فهذا واقع ولازم نعرفه لأن التوجه حاليا لتمكين المرأة السعودية ومساواتها بالرجل وهذا رزقهم والله يوفقهم فراح يكون لهم نصيب الأسد فتصالح مع الموضوع
(للضحك فقط)، هي تتخرج وتتوظف براتب قوي وتدق قرض تحصلها مطلعة مرسيدس سي كلاس وإنت تجمع للمهر والزواج هههههههههههههههههههههههههههههههههههه
(الله يوفقهم هذا رزقهم وهذا نصيبهم وتوه بدأ فلذلك حظوظهم أحسن للفترة الحالية ولكن مستقبلا الأجيال القادمة راح يواجهون نفس إلي نواجهه)
فأنا من وجهة نظري أن الكل يتصالح مع الفكرة هذي ويتمنى لهم التوفيق وربي راح يرزق كل واحد فينا
بالنسبة لموضوع الوساطة ماحد ينكره ولكن الأكيد أن الموضوع خف من التشديدات ألي حاصلة والأكيد أكثر أنك بتأخذ حقك ألي ربي كاتبه لك بواسطة ولا بدون واسطة
والله لو عندك واسطة الدنيا ماراح تأخذ شيء ربي مو كاتبه لك
الله يوفق الجميع واسطة وبدون واسطة
ربي لو حطك في مكان تقدر تساعد فيه الناس لازم تساعدهم
فأنا متأكد أن الموجود الفترة الحالية مو واسطة أكثر من ترشيح معارف وتثبت نفسك بالمقابلة…
في وظيفة طالبين خبرة 5 سنوات وقبلوا واحد حديث تخرج . قدم على اي وظيفة سواء بخبرة او بدون .
فيما يخص الهيئات الحكومية نعم ممتازة جدا والتطوير فيها ممتاز والمميزات والأمان فيها عالي لكنها لاتصل الى الراتب المذكور 30 الف !! الا اذا كانت وظيفة مثل
مدير مشروع , مدير القسم وغيره .
هيئة السوق المالية على سبيل المثال فيه برنامجهم لحديث التخرج كان الراتب المعروض هو 8500 ريال فل باكج .
فيما يخص انهم من جامعة وحدة اقلك الناحية الإجتماعية مهمة للغاية فتكوين العلاقات مهم جداً
موضوع البنات نعم صحيح وتقدر تلاحظ بنيوم اغلبهم بنات والله يوفقهم يارب .
ارامكو وسابك ممتازة جدا ولكن الان السوق كبير وفيه كثير شركات منافسة وبعضها افضل من ارامكو وسابك لكن ارامكو وسابك شيء ممتاز وخبرة قوية … وأعرف واحد طلع من سابك وأصبح عضو مجلس ادارة في شركة وبراتب عالي جدا
حتى اي موظف HR يعرف انك من ارامكو وسابك يعرف ان ذي شركات ثقيلة جدا فيتواصل معك بخصوص منصب قيادي في شركته .
السي في مهم طبعاً وطريقة كتابته والخبرات والمهارات وغير ذلك .
نعم من واقع خبره الهيئات و المؤسسات العامة و الشركات الحكوميه و أنا أعمل في أحدها (لست خريج البترول) وضعها ممتاز جدا
رواتب
راحه
اجازات مع الحكومه
علاوات ممتازه وما فيه كوتا
تقدم سريع
و خلافه
هذي الجهات أصبحت ذات إستقلاليه مطلقه و كل قرارات التوظيف و غيرها مبنيه على لوائحها و انظمتها الداخليه فقط. لذلك طبيعي جدا يكون فيه محاباه أو عالأقل معرفه.
بالنسبه لأرامكو و سابك أصبحوا من الماضي و لا عاد فيه مقارنه بينهم و بين جزء ليس بالهين من الكيانات الجديده.
طبعا معظم و ليس كل هذه الجهات يبون IT و اداره و طلبهم للمهندسين أقل.
لا يا عزيزي انا كخريج ليش أتحمل اثم اخطاء وظلم للبنات في عهد سابق على ظهري؟ تفضيل المراة على حساب كونها فقط امراة هذا غلط وظلم للشباب . اذا تبي نجي للمنافسة على حساب الشهادة بالعكس شيء ممتاز لكن اللي قاعدين نشوفه عكس هذا الشيء للاسف. الموضوع اكبر بكثير من كذا. تقبلك انت يا الشاب للوظيفة ام ٥٠٠٠ او ٦٠٠٠ ريال هذي حتى ما تفتح لك حمام مو بيت. والوظايف اللي تعيشك عيشة كريمة محدودة و يتم تفضيل البنات فيها.
انا موظف بشركة صيانة مع احد الهيئات الحكومية.
وهي مثل ماذكرت ممتازة واذا دخلت ،ماراح تطلع من كثر الميزات.
لكن اذا مالك واسطة انسى تدخل.
كل الي اعرفهم دخلوا بالواسطة.
انا معهم واداوم معهم وعلاقاتي ممتازة لكن يشوفون مافي خدمة اقدمها بالمقابل لذلك مايخدموني.
والآن الواسطة اقوى والله من السابق.
شي اشوفه بعيني.
والدليل ع ذلك انه يتم التوظيف بدون اي اعلان وظيفي للذكور.
اما البنات فيتم توظيفهن بطلب سجل خريجات جامعة نورة غالبا وخصوصا اذا كانت سافرة الوجه وعباتها ستارة. ويتصلون عليها ويقدمون العرض بعد مقابلة صورية تكون الاسئلة فيها"كيف دراستك وعساك ماتعبتي"
هذا الكلام من صديق لي يعمل بإحدى الوزارات
واسطتها انها فتاة فقط لا غير.
الله يصلح الحال ويفرجها ويرزقنا وياكم
أنا موظف بأحد الهيئات المذكورة أعلاه ، وأعتذر لو قلت لكم بأن آلية التوظيف تخضع لمنافسة قوية جدا ، خصوصا بأن الشباب ماشاء الله تبارك الرحمن كل واحد أحسن من الثاني بخبراتهم وشهاداتهم العلمية ودورات مهنية متخصصة.
كما أن بيئة العمل الداخلية تخضع لمعايير ترفع من نسبة المنافسة بين الموظفين والأداء لدرجة أن العمل أصبح متواصل 24/7 ، وهناك من يبدي امتعاضه ويحاول يبحث عن فرصة في خارج الهيئات بحثا عن الراحة.
فقط أرغب بتذكيركم بأن تستمروا بالتقديم والمحاولة مرة و مرتين وثلاث ، ولعل أن الله يوفقكم بما ترغبون.
هذا ثاني رد لي في هذا الموضوع و أكرر للجميع بالنسبه لهذه الجهات
توكل على الله
ثم شف احد يضبطك
قضية معايير و تنافس مع إحترامي غير موجوده, و كما قلت هذه الجهات لها إستقلاليتها و لا تراقب من أي جهه عليا الا في أمر واحد
أن يكون المقبول مستوفي للشروط الأساسيه, يعني:
عنده شهاده + عنده عدد سنوات الخبره حتى لو في مجال آخر و يمكن التغاضي. و نظامهم اذا انت ولدنا جب خطاب من مكان عملك السابق انك كنت مدير لو 6 شهور حتى لو ما كنت مدير عشان نقدر نعطيه وظيفه اداريه.
في المكان اللي اعمله فيه نزل شاغر للترقيه و بعد التقديم كان فيه موظف وضعه أقوى من الموظف اللي يبون يرقونه,
والله غيروا ال job description عشان يتفصل على خويهم و أعادوا الطرح, و لن يناقشهم في ذلك أحد لأنها متطلبات العمل, مع انها تابعه بشكل مباشر لأحد الوزارات و لكن لها إستقلاليتها
للأمانه أنا على اني ممتاز و الأول على الدفعه و مستحق للوظيفه في هذا المكان المميز جدا, ما جاتني إلا بتوفيق الله ثم ببعض الإتصالات, و جاني الرد بالقبول بعد ساعه من المقابله, هذا الكلام من كم سنه و الان نفس الوضع
ياعزيزي اعذرني،
انا شفت شخص يحمل تربية خاصة موظف بهيئة الطيران يعمل اداري.
واثنين شهاديهم تمريض موظفين اداريين.
واقسم بالله وظفوا دفعة واحدة 28 مهندس بدون اعلان وظيفي وكلهم بلا استثناء واسطات.
بتقولي كيف عرفت؟
بقولك ثلاث منهم اعرفهم وتكلمت معهم.
واحد منهم مايدري اصلا انه يوجد موقع للهيئة للتوظيف، فتأمل.
وواسطته اخوه وولد عمه مستلمين مناصب بالهيئة.
فلا تقول منافسة قوية ومدري ايش واكذب عيوني واشخاص نفسهم يقروّن انهم داخلين واسطة والله يوفقهم ويرزقنا الي رزقهم
ياعزيزي اعذرني،
انا شفت شخص يحمل تربية خاصة موظف بهيئة الطيران يعمل اداري.
واثنين شهاديهم تمريض موظفين اداريين.
واقسم بالله وظفوا دفعة واحدة 28 مهندس بدون اعلان وظيفي وكلهم بلا استثناء واسطات.
بتقولي كيف عرفت؟
بقولك ثلاث منهم اعرفهم وتكلمت معهم.
واحد منهم مايدري اصلا انه يوجد موقع للهيئة للتوظيف، فتأمل.
وواسطته اخوه وولد عمه مستلمين مناصب بالهيئة.
فلا تقول منافسة قوية ومدري ايش واكذب عيوني واشخاص نفسهم يقروّ
هذا الي اقوله.
الي يغبنك يجيك شخص داخل واسطة ويقوم يحاضر لك بالمنافسة والبطيخ.
انا بعض خوياي واسطتهم صاحب سمو ويعترف بصراحة لأنه يدري اني ادري انه من جنبها، لكن هو عنده واسطة وجاهزة وانا ماعندي.
هذا من غير الي شخص اعرفه واسطته بالديوان الملكي ،ويتنقل بين الهيئات والشركات الحكومية كأنه يتمشي بسيارته بين كافيه وكافيه.
ياأخوان انا مااقولها تحطيم،
بل اسع واسع واسع.
لكن الواقع يقول الواسطة فوق الشهادة والخبرة ولو تجيهم انت شهادتك من هارفرد وواحد شهادته من جامعة نجران او شقراء والمجمعة لكن عنده واسطة راح يقدمونه عليك وانت ماتشوف الدرب
ن انهم داخلين واسطة والله يوفقهم ويرزقنا الي رزقهم
والله كلامكم يجيب الهم رغم إني عارفه من زمان وأحاول أتجنبه لكنه للاسف واقع لا مهرب منه ويبدو ان جيلنا هو " البطة السوداء " على ما يقولون . بين مطرقة فساد القطاعات وكثرة المحسوبيات وسندان التوجه لنصرة الجنس اللطيف .
كلهم واسطات و فساد اداري و أمور اخرى جنسية لا اخلاقية
اللي ما عنده واسطة بهالديرة ما يقدر يعيش ويجلس يشكي عمره كله وفي كل مرة يشكي يضعون الناس اللوم عليه ويطالبونه بالاجتهاد اكثر
فيه مقطع باليوتيوب لمهندس عنزي عنده خبرة طويلة وانتهى به المطاف يطالب الحكومة بانهاء حياته لانه ما يقدر يجتهد اكثر من الاجتهاد اللي اجتهده وتقطعت به كل السبل واستسلم اخر شي وصور الفيديو
الله يعين اللي يعيلون عوائل لا حكومة ترحم ولا ناس تفهم
بالنسبة لعدم طرح الوظايف، افتح بروفايل عام في موقعهم، ولو في احتياج وبروفايلك جذاب حيكلموك ويحددو البوزشن المناسب بنفسهم
طبعا لازم بروفايلك يكون قوي:
يعني خريج جامعة قوية في تخصص له احتياج، ويفضل تخصصين مختلفة عشان تكون مناسب لاكثر من منصب ويحتارو فيك
خبرة قطاع خاص قوية، فيها تدرج وظيفي وانجازاااااااات
شهادات مهنية ودورات تدريبية
جوائز بسبب انجازات وظيفية
هذا اللي سويته وطلعت ب٣ اوفرات كلها بسبب تقديم عام بدون وظيفة معلنة ولا واسطة ولا معارف ولا هم يحزنون.
