السلام عليكم
محتاج مشورتكم
انا خريج هندسه اعمل في الرقوق وخبره ٧ سنوات في مجال حقول النفط
انتقلت الى شركة اخرى لي معاهم الان سنتين ونصف
افكر بالاستقاله بسبب عدم الرغبة في الاستمرار للعمل في الرقوق وعدم وجود روتيشن واسباب كثيره وضغوطات
هل تنصحوني استقيل لانني تعبت في البحث عن وظيفه دون جدوى واغلب شركات توظف مؤهلات اقل على قريد مهندس
شوركم علي
وفقنا الله و اياكم
انت موظف على مهندس او كيف؟
نعم على مهندس
افضل شيء تواصل مع الشركة يطلعونك من “الرق” يوظفوك في مكتب والا اي شيء.
او دور لك وظيفة في شركات النفط بدون رقوق.
على العموم ما انصح تستقيل كذا اقل شيء جمع لك كم قرش وسو لك شغله. غالب اللي اعرفهم في الرقوق عندهم بزنس اصلا
عندي بزنس
و تعبت وانا ابحث عن وظيفه
محد به خير الدنيا مافيها غير حاسد وواشي ولا اللي يبون الخير للاخرين ينعدون
اخ ناصر متفهم وضعك، انا مثلك شغال في الرقوق وضغط العمل زايد الفترة ذي بما ان المشاريع قاعدة ترجع لكن التوظيف ما زاد بالشكل المناسب. عندنا نفس الوضع الموظفين بيداوموا دبل شفت واكثر. انا انصحك قبل ما تستقيل تشوف خياراتك في الشركة اذا يقدروا يحولوك لفترة تداوم في الورشة او تساعدهم في امورك المكتب او اي خيار ثاني يكون مريح لك. تقدر كمان تطلب منهم اجازة غير مدفوعة الراتب. تقدر وقتها تشوف وضعك وترتاح نفسيا فترة وتقدم على وظائف. واذا ما جاز لك الرجعة وقتها تقدم استقالتك.
متفهم كيف يقدر يكون مديرك او المسؤول عن الناس جدا متعب يكرهك في الشغل لكن اتاكد انه فيه خيارات تقدر تحاول توصلها قبل ما تقدم استقالتك. حاول تكلم مديرك المباشر واذا ما استجاب كلم اللي فوقه واذا ما استجاب كلم الاتش ار وان شاء الله تلقى حل.
موفق
وعليكم السلام ورحمة الله،
حياك الله أخوي، شدني موضوعك لأني مريت بنفس الموقف. عملت في مجال الرقوق قرابة السنتين لكني لم استطع التأقلم بتاتاً ! قررت وقتها استقيل وابحث من جديد عن مجالات أخرى. لا أخفيك الاستقالة من غير شيء مضمون في اليد مخاطرة وقد تكون نقطة سوداء في مسيرتك العملية. الحل ابحث عن وظيفة لو بنفس أو أقل راتب وخلالها اشتغل دورات وشهادات احترافية وتقديم وبتلقى فرصة أفضل بإذن الله. محدثك بعد الرقوق عملت مقاولات راتب ضعيف لكني الحمد لله بداية السنة انضميت لشركة شبه حكومية وراتب ممتاز وبيئة داعمة. في الختام؛ السوق فيه فرص ممتازة ورواتب أفضل من الرقوق تحديدا في الرياض (الشركات الشبه حكومية+الهيئات+الصناديق) عليك بالدعاء والسعي والله يوفقك:)
طيب ليه زعلان ومتضايق ؟؟ وتقول محد به خير
صل على النبي يارجال …
اعلم ان حياة الرقوق متعبة وكئيبة صح فلوس لكن لاتوجد حياة وسط الصحراء . وعشت انا تدريب تعاوني بمنطقة نائية فقط ١٠ اسابيع واحس خلاص اني معدوم …
كلمهم اذا فيه امكانية ينقلوك الى مكاتب بحكم خبرتك تفوق ٧ سنوات وتكون تعمل مع ال PMT او ادارة المشاريع .
شف لك شركة اخرى مقاولات كبيرة او انشائية بمناطق مثل الرياض وجدة والدمام … الرياض وجدة اكثر المدن بها وظائف واكثر المدن راحة ورحابة صدر .
فيه شركات كبيرة توظف قريد مهندس مو شرط في الرقوق عندك مثال ارامكو ، سابك ، صدارة ، شركات الجبيل ، شركات رابغ ، شركات ينبع ، هيئات الرياض، المؤسسات بجدة … الخ هذي كلها بمدن كبيرة .
اعمل على مشروع يغنيك عن الوظيفة وتكون انجزت شيء ممتاز وترتاح له .
خذ اجازة وسافر وخذ وقت للراحة والترفيه عن النفس
بالنسبة لترك الوظيفة اذا انت معتمد عليها لاتتركها ابد يعني مصاريفك تعتمد عليها لاتتركها الا في حالة وجود بديل مضمون فقط … واذا غير معتمد عليها اتركها
الشركة ارى انها مخطأة اعتقد المفروض يطلعوك من الرق الى المكاتب مدري عن الشركة اللي انت فيها نظامها استعباد او لا … شلمبرجير على سبيل المثال عندها هذا النظام تطلعك من الرق بعد مدة او تعطيك روتيشن اسبوعين دوام اسبوعين اوف
الله يوفقك يارب ويسهل عليك .
تعوذ من الشيطان صدقني ما راح تكون في وضع اسوء من وضعي. نصيحة امسك وظيفتك الى ان تحصل بديل حتى لو اقل اذا ما انت قادر تصبر
الاستقالة بغير وظيفة في الوقت الحالي دماااار لك ولمستقبلك . الان السوق مليان فريش ومساكين مب لاقين وظايف انت بإستقالتك راح تقلل فرصة توظيفك في اي شركة والسبب الاول عدم تحملك لضغط العمل. ترى اغلب الناس مب مرتاحة في وظايفها وجالسة تقدم مثلك. مالك الا الصبر والله يعيننا ويعينك
نصيحة لاتستقيل على الاقل خبره هندسية
انا وضعي اسوء منك و خبرتي الهندسية صفر ومن ٨ سنوات وللحين ماحصلت وظيفة هندسية .
حاليا شغال فني وللحين اقدم على امل
صدقني محد مرتاح وبني ادم ما بيرضى الا فالجنه
اللي راتبه كويس ومديره تعبان ، اللي راتبه كويس ومديره كويس لكن مجاله مو عاجبه ، اللي راتبه ضعيف ومديره ومجاله عاجبه الخ
يا اخي ما تلقى شي كامل الا ما يكون فيه جوانب سلبيه.
اكبر غلط ممكن تسويه انك تستقيل بدون فرصه اخرى لو بنص راتبك الحالي على اسوء الاحوال.
تعوذ من ابليس وكمل في شغلك وكثر من الدعاء لين ربي يفرجها عليك
اسأل الله انه يعينك ويعين اللي مثلك وانا اولهم كل شي مرتاح فيه الا مجال العمل لذلك انصحك بالصبر ولعل الفرج قريب
هداك الله لا تتكلم عن المستقبل لان الامور المستقبلية غيب لا يعمله احد الا الله
فلا نتجرأ ونحكم على قدر الله دون علم
فلا يعلم الغيب الا الله , وكل ماهو آت فهو بقضاءه الله سبحانه وتعالى وتقديره
فلنحسن الظن بالله ولنتفائل
جزاكم الله خيرا جميعها وووفقنا لما يحب ويرضى , آمين .