وصلني موعد مقابلة شخصية مع شركة SANS - اللي تخصخصت مؤخراً من الهيئة العامة للطيران المدني. الوظيفة Talent Management Analyst
سؤالي احد يعرف معلومات عن الشركة ؟
لأن شفت تقييماتها في منصّة تأكّد وكانت مُعظم او اغلب التقييمات سلبية
ايش الاسئلة اللي ممكن تنسأل في المقابلة ؟ وكم مقابلة غالباً بيعملوها؟ متى ممكن يتواصلون بعد المقابلة وهل يرسلون رفض في حال الاستبعاد؟
كم سُلم الرواتب للـ Entry Level وبتفرق لو كان مهندس او خريج كلية ثانية ؟
اخر سؤال ايش المزايا اللي تقدّمها الشركة للموظفين ( تأمين … الخ )
لطفاً منكم أي احد يملك ادنى معلومة يشاركها مقابلتي يوم الثلاثاء واحتاج اجابات بأسرع وقت علماً اني بحثت ومالقيت اي معلومات تفيدني كثيرة
بخصوص المقابلة، قدمت على وظيفة Services Officer تتبع ادارة الخدمات المساندة بالشركة، اتصلوا علي بعد التقديم بشهر كامل وكانت المكالمة تحقق من بعض معلومات السيرة الذاتية وبعدها حددوا موعد المقابلة الثلاثية عن طريق برنامج Teams وكانوا مسؤولة HR والمدير الاقليمي والمدير المباشر وكانت الاسألة مقسمة جزئين :
-الجزء الأول تحقق من خبراتي المهنية وايش كانت مهامي بالضبط في حينها.
-الجزء الثاني تحقق من سلوكي في مواجهة مواقف صعبه او اتخاذ قرارات ارتجالية، يعني من الآخر حابين يعرفو الى اي مدى اقدر اتصرف بالوظيفة الجديدة. وايش تعرفي عن مهامك اللي راح تسويها بهذي الوظيفة وأخيرًا هل عندي سؤال لهم او لا .
“ما كلموني بخصوص الراتب او مزايا العمل”
بعدها بيوم ارسلوا لي مجموعة مستندات اخلصها وهذا الكلام كله قبل اسبوع من الآن. طبعاً طريقة التقديم على موقعهم الخاص.
الشركة معروفة بمجال الطيران وهي بجدة … شركة ممتازة
منصة تأكد لاتصدق كل شيء فيها لان كثير تقييمات لها غلط ومعلومات خاطئة واضافة ان موقعها غير امن … لان اي واحد يقدر يقييم
فيه كذا وظفية طرحتها الشركة كانت لل Entery Level وبعضها لل Professional اغلبها كانت بلنكدن وكانت الوظيفة اسمها
Technology Governance & Performance Management
البيسك لحديث التخرج +10000
ممكن تكون الاسئلة عن ال Cost Estimation … محد يقدر يقلك بالضبط كيف بتكون المقابلة الاسئلة لانها تعتمد على اللي بيقابلك وطريقة تفكيره لكن انصحك ركز على تخصصك بشكل كبير + ال Administration
عملت أمس المقابلة مع سانس وكانت مع رئيسة التوظيف ومدير إستقطاب المواهب لكن قالولي ان في حال الاجتياز في مقابلة ثانية
متى تتوقعين ممكن يردّون وبعد ماطلبو الأوراق منك تواصلو ثاني يعني ايش اخر خطوة توصّلتي لها الى الان ؟ كنت مبسوط من المقابلة بس سبق وعملت مقابلات في شركات ثانية وكنت احس بالرضا لكن محد تواصل بعدها ومقابلة أمس كانت عفوية ولطيفة لكن بر
عملت أمس المقابلة مع سانس وكانت مع رئيسة التوظيف ومدير إستقطاب المواهب لكن قالولي ان في حال الاجتياز المقابلة الاولى في مقابلة ثانية
متى تتوقعين ممكن يردّون وبعد ماطلبو الأوراق منك تواصلو ثاني يعني ايش اخر خطوة توصّلتي لها الى الان ؟ كنت مبسوط من المقابلة بس سبق وعملت مقابلات في شركات ثانية وكنت احس بالرضا لكن محد تواصل بعدها ومقابلة أمس كانت عفوية ولطيفة لكن برضو ماادري اتمنى اني اجتاز واتوظف عندهم
اخت اريج مبروك اولاً ، الكشف الطبي مو عشان فحص النظر عشان امور تتعلّق بالصحة العامّة والتاريخ المرضي وخاصّة مثل الادمان الله يبعدنا
انا اليوم سويت مقابلة ثانية ويارب انقبل
اذا ممكن تحكيني بالتفصيل ايش صار معاك من بعد المقابلة الاولى ؟ الى العرض الوظيفي وكيف صارت المفاوضة ع الراتب وكيف رواتبهم وسلم الرواتب عندك اي معلومة وفترة المباشرة والاشعار كلموك عنهم؟
انا مااعرف كيف اجراءاتهم وفي حال كتب ربي نصيب ابغى يكون عندي معلومات مسبقة
ان شاء الله تتيسر. زي ماحكيت لك من بعد المقابلة الاولى ارسلوا لي اليوم التالي مستندات اعبيها لهم ( الهوية-كرت العائلة- IBAN- شهادة الجامعة والسجل الاكاديمي ) وبعدها انتظرتهم خمس أيام ورجعت ارسلت ايميل تأكيد وتشييك عن حالتي وبعدها بساعتين اتصلوا وباركوا لي بالترشيح وقالت انها حابه تناقش الراتب معاي وكان عبارة عن ( 7500 اساسي + 2000 بدل سكن + 750 مواصلات - راتب اساسي زيادة بشهر رمضان ) طبعًا هذا المرتب على حسب خبرتي البسيطة وشهادتي والحقيقة ما فاوضت معاهم على طول توكلت على الله . بعدها باسبوع كامل رجعت ارسل لهم ايميل اسأل عن الخطوه التالية واتصلوا بخصوص الكشف الصحي وصار زي ما حكيت لك فوق والحين في حالة انتظار وقلق من الرفض
اختي لاتقلقين الكشف الطبي زي ماقلتلك بإذن الله بسيطة هي الفكرة من الفحص الطبي ان لازم كل شركة تتأكد من سلامة موظفينها لتحقيق بيئة عمل آمنة وصحية ، موضوع النظر عمره ماكان عجز الا في حالات معينة مثل الطيّار لأنه شرط صريح وإلزامي ومعظم التخصصات العسكرية ولو كان فيه انحراف بسيط او ضعف نظر بسيط يمريسهّلون الأمر اما بالوظيفة اللي انعرضت عليك فغالبية موظفي القطاع الإداري يرتدون نظارات طبية فأبداً مو عائق ان شاء الله تتيسّر لك وتتيسّر لي انا معايا مرشّحين كثير لكن الله يكتب اللي فيه الخير عفواً منك كم سنة خبرتك في المجال المهني؟
بسألك في العرض الوظيفي ذكرولك المزايا؟ يعني التأمين الطبي هل هو لك فقط ولا شامل الوالدين او العائلة ؟
هل مذكور في العرض تفاصيل اخرى زي خصم تذاكر السفر او غيرها؟