انا شغال ب احد الشركات لي 9 شهور وجاني عرض من صندوق الاستثمارات وقدمت استقالتي للشركة من فترة وانصدم اليوم بارسالهم ايميل رسمي برفض طلب الاستقالة.
مع العلم ان العقد محدد المدة وباقي على نهاية العقد قرابة ال 15 شهر. وابي اطلع باي طريقة واقبل عرض الصندوق وش تنصحوني اسوي حاولت كلمتهم وكل شيء لكن رفض طلبي. مع العلم ان خطاب الاستقالة تم التوقيع عليه من المدير المباشر (موافق ومتعاون معي) والمدير العام (تفهم الامر بعد الجلوس معه ومحاولة اقناعه واخذ موافقته) لكن يوم راح للموارد البشرية تم رفضه من ال VP حق الموارد البشرية.
تكفون ابي اطلع وش تنصحوني اسوي فرصة عمر ماودي تروح بس علشان الشركة تبيني مع العلم انه فيه بديل لي اكثر من واحد لكنهم متمسكين بي علشان شغلي معهم مميز ومايبون يفكوني.
فزعتكم الله يسعدكم الموضوع لو تتخيلون كيف حاز بخاطري.
موب على كيفهم يرفضون
هذي حركه وصخه من يهود الاتش ار
انت ما تملكني عشان تتمسك فيني بالطريقه هذي
بس لو انا منك كان ما قلت لهم اني بستقيل عشان عرض وظيفي .
لان بعضهم نجس ما يبيك تتركهم عشان عرض
الحل تعطيهم الوجه الثاني وتقوله يا حبيبي هذي استقالتي تبي ولا بسلامتك لا تفوت الصندوق ابدا لو وش يصير … اذا دقر لك الفي بي
روح للي فوقه … ما اعرف صراحه وش وضع العقد محدد المده … لكن ممكن تتصل على مكتب العمل وتسالهم …
انت من حقك تستقيل اي وقت بس اهم شي استقالتك ما تضر الشركة, و من كلامك انها ما تضرهم وانهم يقدرو يستغنون عنك فمنطقيا مداك تستقيل. انت شوف مصلحتك مثل ماهم يشوفون مصلحتهم, لو انهم مصرين عليك خلاص يرفعون راتبك او منصبك الى ان توافق تجلس معاهم لكن ما يحرموك من وظيفه او منصب افضل.
المهم, في اسوأ الحالات راح يطبقون النظام عليك وبعض النقاط الى يقدرون يطبقونها:
- فلوس تدريب او تطوير لدورات معينه فمن حقهم يطالبون بها, لكن طبعا مو من حقهم يطالبون بالرواتب الى تاخذها وقت التدريب.
- أجر المدة الباقية من العقد إذا كان العقد محدد المدة
و انا شخصيا ما اتوقع فيه شركة راح تتملعن و تدفعك فلوس التدريب او غيره عشان الاستقاله لانه ارباحهم ما تسوى يضيعو وقت و يطالبونك بشي ما يفيدهم الا اذا كانت ملعنه وخلاص.
بالامكان يستغنون عني ومانقصهم احد يسوي فل للمنصب وايضا لم يكن هناك تدريب وماعندي مشكلة في فترة الاشعار المشكلة انهم ماقبلوا الاستقالة اصلا علشان تبدا فترة الاشعار رافضين تماما
عندك ثلاث حلول
1- بتراضي الطرفين
2- دفع رواتب 15 شعهر بما ان العقد محدد المدة
3- الغياب 14 يوم متواصلة وعدم الرد عليهم ( راح تنفصل وتنكتب في سجل التأمينات الاجتماعية )
الخيار لك
بس انا اشوف الخيار الاول افضل شيئ
كلامك صحيح اخوي بس حبيت انبه عن النقطة الثالة, الشركة تقدر ماتفصله بس تخصم من راتبه كل يوم غياب لو ان شاء الله غاب سنة. افضل حل بتراضي الطرفين حاول تكلم مدير ال VP
لا تحتاج محامي ولا اي شي. بامكانك الاستقاله في اي وقت بإتفاق الطرفين بغض النظر عن المده او نوع العقد (محدد او غير محدد). او اذا كنت عقد محدد المده تعطيهم مهله شهر ولا احد يقدر يرفضها. و اذا كانت مهلتك اقل من شهر يتم خصم فرق من حقوقك
ارى افضل حل لديك:
1- الودية والهدوء والتكلم مع مدير الموارد البشرية بالاضافة الى رئيسك المباشر لقبول الاستقالة
2- التواصل مع وزارة الموارد البشرية او رفع بلاغ ضد الشركة في حالة رفضهم الاستقالة
3- المطالبة بعقد طويل الاجل او براتب اعلى يكافىء راتب صندوق الاستثمارات العامة اذا كنت مميز وهم يبغوك
4- اذا احد من زملائك مميز اخبرهم عنه ممكن ياخذ مكانك وكذا استفدت وافدت زميلك
5- البحث عن محامي او مسؤول بالمحكمة العمالية يمكن يحل لك المشكلة
6- الاستقالة بالقوة الجبرية … صح بعض الشركات والمدراء يرفض طلب الاستقالة ويحاول يحل المشكلة لانه مايرغب بالاستغناء عن موظفين لكن خلك ملزم انك تستقيل وراح يوافق بإذن الله
لو غاب ١٥ يوم وفصلوه على المادة ٨٠ ما أحد راح يعرف من الشركات من خلال التامينات انه مفصول بسبب غياب الا المفصول الشركة اللي فصلته فقط ، اذا كان عقدك محدد المدة تدفع رواتب الاشهر المتبقية فقط من العقد وتطلع
لو غاب ١٥ يوم وفصلوه على المادة ٨٠ ما أحد راح يعرف من الشركات من خلال التامينات انه مفصول بسبب غياب الا المفصول الشركة اللي فصلته فقط ، اذا كان عقدك محدد المدة تدفع رواتب الاشهر المتبقية فقط من العقد وتطلع ، شي حلو والله صار الموضوع استعباد
الله يجعلها بموازيين حسناتكم والله ماقصرتوا ي شباب واحد واحد على هالنصائح لكن للاسف مهما حاولت عيو يطلعوني يقولون ادفع باقي الرواتب ولا مافيه طلعة.
انا والله اني حزين وزعلان بالموضوع ذا لكن تنفرج ان شاء الله تهون الواحد مايدري ليش كل هالاستقعاد يعني حتى لو غصبت الموظف يقعد مب قادر ينتج زي اللي انت متوقعه اذا ماكان مرتاح نفسيا.
اخوي انصحك اولا انك تتواصل مع الVP وتنشب له وتجلس عند باب مكتبه
اذا ما جا معك بشي اطلع لمدير الشركة او اعلى منصب عندكم
اذا مره ما فاد اسشير لك محامي ( ترا ما يكلف ) واذا تقدر اكثر من واحد بعد خلهم يطلعون على عقدك بالتفصيل
الشي الاخير اذا مره ما ضبط معك لا تتعدا انتاجيتك ١٠ بالميه اقسم بالله شي يقهر