السلام عليكم ورحمة الله وبركاته…
انا في قلق لايعلم فيه الا الله ومحتاج مساعدتكم ي اخوان…
موضوعي ببساطه ان عملت مقابله قبل شهر مع جهة حكوميه وانا خريج جديد و ارسلوا اميل الخميس الماضي يطلبون بعض الاوراق بحكم ارسال العرض، واليوم تواصلوا شركة خاصه وقالوا وقع ووقعت معهم خوف ان الحكوميه ماترسل…
سؤالي هنا هل هذا العقد بياثر على توظيف بالجهة الحكوميه ؟ علما ان بعض المستندات طلبوا اني اكتب راتبي ووقتها ماوقعت عقد والان وقعت…
تواصل مع الجهة الحكومية حتى يتسنى لهم ارسال العرض الوظيفي لك
الافضل توقع وتاخذ المضمون وشوف نظام الشركة اكيد غالبا هناك فترة التجربة وخلال فترة التجربة يمكنك ترك العمل لمدة لاتتجاوز ثلاثين يوما من تاريخ بدء العمل
قارن بين العرضين واختار الافضل بينهم بالاخص في الراتب + الأمان الوظيفي
بالتوفيق شاء الله
الله يعطيك العافيه ،
يعني ان شاء الله م ياثر ع الوظيفه الحكوميه؟؟
لاني ارسلت لهم بالملفات اني مو موظف والعرض جاني اليوم للشركة ووقعت، واخاف يقولون انه يكذب او شي من هالقبيل
فترة التجربة 3 شهور.
اذا ارسلوا لك الحكومي يمديك تقضب الباب بدون فترة انذار بأي لحظة.
وزين منك وافقت .
ان جت الحكومي زين ع زين. واذا ماجت فتكون ضامن نفسك
فيه فرق بين العرض والعقد, العرض غير ملزم قانونيًا ومايترتب عليه شيء كبير عكس العقد.
في العادة, الشركات ترسلك العرض, توقعه… وفي يوم مباشرتك توقع على العقد… فدامك تقول أنك وقعت على العرض بس, إن شاء الله مافيها شيء… بس الأفضل تتواصل مع الجهة الحكومية وتشوف وضعهم لأنه يمكن يكون يوم مباشرتك قريب في الشركة اللي وقعت عرضها… والله يوفقك حبيبنا.
الله يعطيك العافيه…
انا الحكومي تواصلوا معي الخميس عشان بعض المستندات لارسال العرض …
يوم الاحد جاني عرض ووقعته مع شركة والان مداوم معهم لاني مابي اضيعها والحكومي مو مضمون… فكان استفساري ان الحكومي ممكن تشوف ان داومت وتكنسل موضوع التوظيف هذا الخوف كله
لا يوجد فرق بين العرض الوظيفي والعقد بالنسبة لمكتب العمل كلاهما واحد.
العرض الوظيفي يحل محل العقد اذا لم يكن هناك عقد وهو ملزم للجهة.
لا خوف ولا شي . مثل ماقلت لك
داوم وعين من الله خير.
متى مادقوا الحكومي عليك. بلغ hr الشركة انك بتستقيل هم من حالهم يمكن حتى مايطلبونك ورقة استقالة. والحكومي يرسلون العرض وقعه.
والعرض والعقد واحد وملزم غصب عنهم يوظفونك.
ولعلمك اجراءات الحكومي دايما تطول وممكن مع الوقت يلغون الوظيفة بكبرها.
لذلك خلك ع المضمون اسأل الله العظيم ان يرزقني وييسر لي الشركة يوافقون علي ويقبلوني
طيب وانا سويت مقابلة مع شركة واليوم الثاني ارسلوا لي مستندات اخلصها وصار لهم اسبوع ماردو علي ؟ هل يعني انهم مايبوني ؟