ياخوان ابغى رايكم وبشكل عاجل…
انا خريج هندسة كهربائية 2021 مع مرتبة شرف اولى
هل استمر مع الحفر العربية او اروح لارامكو؟
انا كملت اجراءات الحفر العربية على برنامج تطوير Technical Development Program.
البرنامج مدته 3 سنوات ونهايته اصير Operation Engineer.
خلال الثلاث سنوات الدوام في رقوق شهر باسبوعين وبعدها يصير الدوام في الخبر…
الراتب: اساسي 13000 بدل سكن 25% وعندي اوفرتايم 4 ساعات يوميا خلال دوامي في الرق
مدة العقد ثلاث سنوات ولو طلبت انسحب بيطالوبني بمبالغ التدريب (بحد اقصى 50 الف)
باقي لي فقط توقيع العقد والمباشرة بعد ثلاث اسابيع
بالنسبة لارامكو…
الوظيفة مع قسم ال Industrial Security Support Department على وظيفة Engineer IV - Maintenance Engineer…
رواتب ووميزات ارامكوا المعروفة على قريد 11 للفريش… اساسي 13000 وبدل سكن ثلاث رواتب وراتب رمضان والبونص + التامين الطبي يشمل الوالدين (بينما الحفر لا يشمل)
طبعا ارامكوا ماجاني عرض رسمي منهم… اتواصلوا معي ع الفحص الطبي والKYC وهاذي على كلام الشباب انت مقبول بنسبة 90%
انا والله محتار… اذا قبلت الحفر احتمال ارامكو تروح لاني بكون في الرق. وفي نفس الوقت لو تركت الحفر ارامكوا مو مضمونه في الجيب 100%.
اعطوني رايكم اي شركة مناسبة اكثر واي عرض فيهم الافضل على المدى البعيد كخبرة وبيئة عمل + مميزات.
المعذرة على الاطالة وانتظر ردودكم
اللي اعرفه ان فيه فترة تجربه مدتها ٩٠ يوم.
اذا تبغى شوري وقع العقد مع شركة الحفر و لو جاك عرض ارامكو قارن و استخير و تقدر تطلع بسهوله دامك في فترة التجربه. كذا تكون ما دخلت نفسك في اي مخاطره
بس تأكد من هذي النقطه اذا جيت توقع العقد و فالك التوفيق
و بالنسبه لي ارامكو افضل بكثير من شركات الحفر بشكل عام، صحيح نفس الراتب تقريباً لكن شركات الحفر بيكرفونك كرف و يحللون كل هلله تاخذها بالاضافه الى العمل في المناطق النائيه
فيه ثلاث شهور فترة تجريبية يمديك تترك شركة الحفر من غير ما يخسرونك حاجة. والنقطة الثانية شركة الحفر ما راح يرسلونك للرق على طول. فيه كورسات كثيرة لازم تخلصها قبل ما تطلع للرق.
ارامكو افضل بكثير وماراح.توقف ووظيفة عمر باذن الله.
لكن انت وقع مع الحفر . ومعك فترة 3 شهور يمدي يرسلون عرضهم وسهل جدا تترك الحفر وتروح يمهم واذا ماجتك ارامكو ع الاقل تكون ضامن نفسك بوظيفة.
انتبه تترك الوظيفة بانتظار ارامكو ترا هالفكرة بهدلتني وخلتني حوالي سنتين عاطل