يا شباب انا مسوي مقابلة مع ارامكو قبل حوالي شهرين ونص. للأسف الى الآن مافي رد لا قبول ولا رفض. وقدمت على على الكلية الأمنية في دورة الضباط. وصلت الى الفرز النهائي وبانتظار ردهم.
السؤال هنا لو وصلني رد ارامكو بإكمال الإجراءات قبل ما ادخل الدورة تنصحوني اسحب على الكلية مع انه حسب ما قرأت اجراءات ارامكو تطول وتاخذ شهور وفي ناس وصلهم رفض بعد الفحص طبعا هي نسبة قليلة.
انا ودي اشتغل على تخصصي لكن سوق العمل مو مطمئن.
فكر فيها مضبوط قبل تقرر. اذا رفضت الكلية الأمنية و أرامكو بعدها ردوا عليك بالرفض ايش راح يكون موقفك؟ اقبل باللي يجيك وبعد كذا اذا جاك عرض ثاني قارن بينه وبين وظيفتك الحالية وبعدها قرر. لكن انك ترفض شي وانت مو ضامن القبول في مكان ثاني فانت غلطان.
اختار المضمون على طول
الامنية وارامكو هذي من الوظائف المرموقة والمرغوبة يعني اذا جتك وحدة منها روح لها
المتقدمين على الامنية كثير وعلى ارامكو كثير جدا جدا وماتدري يقبلوك او لا فإنت اختار المضمون دائمأ ولا تجازف
فيه ناس خلصت KYC كانوا بقسم اسمه SAOO وتوظفو في ارامكو لكن ممكن تطول الاجراءات وممكن تكون سريعة هي على حسب القسم
بالتوفيق ان شاء الله
مع الأسف انا عاطل بدون وظيفة من تخرجت من الجامعة حوالي سنة.
الامنية يدخل فيها واسطات تصل لرتبة فريق و فريق اول
وهدايا قطع اراضي تجارية و تسهيل عقود مشاريع وكاش بالملايين
وانت تشاور نفسك تدخلها او لا؟
عجيب والله
شكلك للحين عايش على وهم انك طالب بترول ومعادن كل الشركات فاتحة بابها لك.!
لا والله مو عايش على الوهم. بس اذا كان الشخص معدله عالي وجامعة قوية المفترض انه اموره تكون ماشية وسالكة لكن اللي حاصل المعارف و الحظ هم اللي يحددوا مصير الشخص.
الموضوع هو مو بس فلوس. انك تكون عسكري يعني مافي سفر برى السعودية. وممكن انك تشتغل في قطاع مايعجبك ولا له دخل في تخصصك او شقفك.
على العموم هي افضل من شركات السعودية او الشركات بدون امان وظيفي.
مثل ماقلت لك ياغالي ارامكو والأمنية والمتقدمين عليها واجد ومعدلات وجامعات قوية … وارامكو اكثر وانت ماضمنتها على كلامك .
يعني اذا جتك فرصة مضمونة في وحدة منهم روح وانت مغمض .
عصفور في اليد ولا فراغ على الشجرة
انا بصراحة ودي اقول لك روح ارامكو بالراحة لكن اللي يمنعي اقولها انك انت منت ضامن انك بتتوظف معهم .
ميزة ارامكو انك راح تكون في صلب تخصصك وكمان العمل معهم متعة .
والامنية كذلك ممتازة جدا ممكن تكون كل البعد عن نخصصك لكن المزايا المادية جيدة .
اسئل الله لك التوفيق ولا تنسى الاستخارة قبل كل شيء .
كويس الله يعافيك ،فهمتها .
انا ضيعني مثلك.
انقبلت اول ماتخرجت ملازم اول بالحرس.
وتكبرت عليها كنت ابغى الهيئات
وانتظر وانتظر وقعدت سنة وعشرة اشهر لين توظفت بشركة استشارات ،، وبواسطة ايضا.
والحين مع شركة ادارة مرافق.
لذلك رح للمضمون وانت مغمض ولا تلتفت لأي شخص ينظر عليك.
معدلك وجامعتك ماتوكل عيش اذا ربك ماكتب لك رزق. او سخر لك احد يتوسط لك