اخواني انا مهندس ميكانيكي ومتوظف بمسمى مهندس ميكانيكي عام
جلست ادردش مع مديري بخصوص المسار الوظيفي والتطور والى اخره
انا مهندس ميكانيكي واغلب شغلي installation , inspection and calibration
طبعا زودوا لي راتبي قبل فتره قريبه وكانوا يثنون علي وعلى شغلي ومع السوالف مديري اقترح لي اني اركز على instrumentation سالته قلت له انا مهندس ميكانيكي كيف اركز على على الاجهزه قالي قسم الاجهزه نصه ينتمي للهندسة الميكانيكية او بمعنى اصح اني اقدر اشتغل عالاجهزه اذا معي شهادة هندسة ميكانيكيه وجلس ينصحني انه هذا اريح واكثر تخصص امان لان اغلب الناس تشتغل بالبويلرز والتورباينز والخ ( رئيسي محترم وماعمره قصر معاي بشي عشان كذا شلت فكرة انه يحاول يتلاعب او شي )
واعطاني اسماء اشخاص كثير كانوا موظفين بالشركة سواء مهندسين اجهزه او ميكانيكا حولوا مسارهم للاجهزه وبعد سنتين نقلوا لشركات اكبر مثل التحليه ارامكو سامرف ياسرف ( كل الشركات هذي متعاقدين معاها )
باختصار شوروا علي يالربع هل تنصحوني اغير مساري الوظيفي ل mechanical instrumentation engineer ولا ابقى مهندس ميكانيكي عام ( بعض شغلي يحتوي على اجهزه البرشر والحراره )
وهل فعلا المهندس الميكانيكي يقدر يشتغل مهندس اجهزه ! وشكرا والله يعطيكم العافيه مقدما
انقذونا يا اهل الخبرة هل المهندس الميكانيكي اذا كانت خبرته بال inspection installation and calibration يقدر يشتغل كمهندس اجهزه ؟ او مهندس اجهزه وتحكم ولا هي فقط للي معاه هندسة كهربائية وهندسة اجهزه
نعم أنصحك بهذا المسار mechanical instrumentation engineer او الالات الدقيقة .
وهو مطلوب بالشركات الكبرى مثل ارامكو والشركات العملاقة الأخرى والمصانع اصلا داخل الفيلد كله Instrument تتعامل معه راح تتعامل مع diagram كامل اسمه
piping & instrumentation diagram
فنعم المسار مهم وقوي جدا في هذي الشركات .
حول الى ال instrumentation طبعا المسميات مختلفة لكن كلها لها علاقة ببعض وبنظري أفضل من مهندس عام .
وعليك بسماع كلام مديرك بالعمل والمشاورة والإقتراح … التركيز على الخبرة والتطور الوظيفي مهم جدا لمهندس في الثلاث سنوات الاولى .
هندسة الآلات الدقيقة و التحكم مطلوب و بقوة في ارامكو، سابك ، جميع شركات البتروكيماويات ، التحلية و حتى الشركات الامريكية مثل Emerson, Honeywell
التخصص ينقسم الى قسمين الاجهزة و التحكم …طبعا هندسة التحكم غالبا هي اللي فيها الفلووس
لكن في النهاية يعتمد عليك و علي ميولك، الهندسة الميكانيكية ايضا مطلوبة فيعتمد على رغبتك
اذا حاب هذا المجال و تشوف نفسك فيه ليش لا ، في النهاية خبرتك هي اللي تحدد مسارك الوظيفي-كلما زادت طبعا- اكثر من التخصص الاكاديمي
اعرف زميل لي يشتغل مهندس اجهزة و تخصصه الاكاديمي هندسة كيميائية، و فيه كثيرين نفس الحكاية
الله يسعدك ياخوي والله شرحت اللي كان بخاطري الله يوفقك وين مارحت
بس استفسار زياده اذا تكرمت هل فيه اشكاليه لو المهندس الميكانيكي صار مهندس اجهزة ؟ لان اغلب الاجهزة اللي استخدمها تعتمد عالضغط والحراره ولا بيكون فيه افضليه لمهندسين الكهرباء ومهندسين الاجهزه ؟
وشكرا مره ثانيه على ردك
ابداً ما فيه اشكالية و مثل ما قلت لك خبرتك كلما زادت هي اللي تحدد مسارك الوظيفي اكثر من تخصصك الاكاديمي
نعم يوجد افضلية لمهندسي الكهرباء و الاجهزة اذا كانوا فريش لكن اذا انت عندك خبرة ما راح تكون مشكلة بالنسبة لك
الاشكالية الوحيدة في رأيي هل انت حاب هالمجال او لا؟ لأن فيه اشياء كثيرة تتعلق بالالكترونيات و الكهرباء فالشغلة مو بس قياس ضغط و حرارة
نصيحتي حاول تاخذ فكرة عن هالمجال و الانترنت مليان مواضيع ، اذا حسيت انك تميل له توكل على الله
اذا حاب تتمسك بتخصصك ما عندك مشكلة لانه ايضا مطلوب
بالتوفيق
