جاتني رساله من صندوق الموارد البشريه ل شركة سفاري المحدوده كانت المقابله اليوم الصباح في مبنى العليا A
نبهو ضرورة احضار CV, كان عدد ٤٥ مرشح
مختصر السالفه
قابلت المشرف واحد سعودي ومصري تكلم عن نفسك بالانجلش والحمدلله اللغه عندي بيرفكت تكلمت توني انطلقت بالكلام سئلني الوظيفه تراها بالرياض وسكرتير يوم سئلته بس كذا سكرتير قال ايه قلت وين قال باحد القصور الملكيه
قال طبعا انت من الغربيه وضروري تكون هنا ع طول
قلت مو مشكله
شرايكم ياعيال كم تخبرون رواتب مثل هالوظايف هل تستاهل
محدثكم خريج جامعه NYIT + سنه خبره بنيويورك + عندي خبره الامن السيبراني "تعليم ذاتي " فوق السنتين
والله يالامير قدمت بس تحيني مقابلات شخصيه من شركات طيبه ومعدي المقابله ونسيت اذكر تخصصي بزنس وخبره بس ابا اي احد يفيدني وش طبيعه سكرتير ف قصر ملكي وكيف رواتبها !! والله متوتر
استنكر كلام الرجال اللي فوق يقول رفاهيه و مدري وشو شكله نايم بالعسل.
ممكن تكون معقده اكثر من انك تتصور و انت عارف وش وظيفة السكرتير و كل ما كان المنصب المسؤول بتزيد مهام السكرتير و مسؤلياته
انت بالاول و الاخير استخير و شوف امكانيكاتك … ولو انا معاك بأجاريهم اللين ما اشوف العرض الوظيفي و مهام عملك الاساسيه … وفكر فيها هل لو توظفت بتفيدك كخبره عمل لمستقبلك
بصراحة ماشوف سبب ترفض الوظيفة, مافي معلومات كافية عنها بس لو اني منك بروح واشوف الوضع اذا ما اعجبك خلال اول شهر او فترة قصيرة قدم استقالة وارجع قدم على الشركات ويادار مادخلك شر. بس لو ترفضها الحين ماتعرف وش الي رفضته يمكن تكون فرصة العمر
البعض من شاف عبارة قصر ملكي انشفح هههههههههههههههههههههه
انا بنفسي كلمتني رئيسة موارد بشرية بقصر امير معروف
وجيت المقابلة بالقصر الملكي وقابلتني وزيرة الامير الي رئيسة المكتب لكن يسمونها وزيرة ومعي اشخاص ثانين
والي عدوا المقابلة من عندها انا لوحدي
وقاالت الامير ينتظرك بالبرج>> اتوقع عرفت منو الامير
ورحت وقابلته واللله انه يفاوضني بالراتب وبعدها بيومين كلموني وقالوا ان الامير اعجب فيني وطلب اني اجي لمدة اسبوع كامل معاه من القصر للمنتجع ومرات البرج حتى
وجلست خمسة اياام واخر يوم قاالوا لي ترا مانسجلك بالتأمينات والراتب 15 الف .وترا الراتب ذا دبل راتبي الحالي
فورا رفضت وطلبت 20 الف لأن راح اسجل بالتأمينات رغم انهم بيعطوني سيارة + تأمين VIP
ورفضوا ع الراتب الي طلبته وانا رفضت
وشغل مافي بس يبغاك معه طاقم عمل
كدير صيانة
كدير مالية
مدير قانوني الخ
لذلك انا ما انصحك تروح اذا مافي تأمينات ابدا ولو تلقى شغلة غيرها احسن لك