السلام عليكم
سبق وقدمت على شركة خدمات الملاحة الجوية السعودية من موقعهم على وظيفة
وتواصلوا معايا بعد شهر من التقديم وكانت مقابلة أولية وقالو في حال اجتزت فيه مقابلة ثانية وفي حال لم تجتاز بيوصلك رفض ، بعدها بأسبوع تواصلو وبلغوني اجتزت المقابلة الأولى وعندي مقابلة ثانية تيكنكال ، اجريت المقابلة الثانية ومن بعدها محد تواصل تقريبا مر أكثر من 5 أشهر بعد موعد المقابلة الثانية وارسلت ايميلات متابعة لأكثر من شخص للمنسّق ولمدير التوظيف ومافي أي تجاوب وسألت وقتها في حال تم الرفض هل راح يوصل ايميل بالرفض وأجابوني بنعم. اللي يزعّل في الموضوع ان كل الاشخاص اللي قابلتهم الخمسة تقريباً تواصلت معاهم بفترات متقطعة عن طريق الايميل ومحد رد وعن طريق اللينكد ان الكل قرأ ومحد رد خصوصاً اني وصلت للمقابلة الأخيرة صراحة تجاهلهم بالرد سواء بالقبول او الرفض جداً مخيّب للآمال ومااعرف هل فيكم أحد قد صار له الموقف مع نفس الشركة او شركة أخرى كبيرة؟
شكراً على ردّك المسألة مهي مسألة تعلّق انا خرجت من عندهم وكنت أقدّم في اماكن ثانية لكن قلتلك بما اني سويت مقابلة نهائية وكنت وقتها محظّر برزنتيشن كامل لهم وعرضته فمن باب الأولى انهم يردّون فقط سواء بالرفض او القبول اقصد تقديراً لتعبي وإلمامي بالمقابلة مسألة ترك المرشّح الى آخر اللحظات وعدم إبلاغه بالنتيجة تزّعل وخاصّة ان الحوار وقت المقابلة كان سلس ووديع والاشخاص اللي تواصلت معاهم هم نفسهم اللي تكلمت معاهم في المقابلة ، سواء هذه الشركة أو اي شركة ثانية أتمنى فعلاً من مديري التوظيف وقسم الموارد البشرية على الأقل احترام المرشّحين بالرد عليهم بالنتيجة الموضوع ابداً مايضايق او يزعّل فقط بلغّني بالنتيجة لأنه من حقّي فكرة ان فيه مرشحّين كثير وماالحق ارد ع الكل مو مقنعة لأن من مهام مستقطبي التوظيف إبلاغ المرشّح بالنتيجة.