تنبيه رقم 1: هذا الموضوع ليس الهدف منه الترويج ضد فكرة توظيف/البنات.
تنبيه رقم 2: لاحظتُ - من تجارب شخصية ومشاهدات - وجود ترند/ظاهرة تفضيل البنات لشغل الوظائف في عدد من القطاعات حتى مع وجود الكفاءة في المتقدمين من الجنس الأخر (الذكور)، بعبارة أخرى: كون المتقدمة فتاة، يعطيها أفضلية على غيرها.
الهدف من هذا الموضوع: مناقشة كيف يمكن للمتقدمين (العاطلين الباحثين عن عمل أو الراغبين في الانتقال إلى أماكن أفضل) مواجهة والتعامل مع هذا الوضع.
معلش، بس أحاول أن لايخرج الموضوع إلى نقاش حول توظيف البنات نفسه، مثل ماذكرت: كيف نتعامل مع الواقع هذا كباحث عن عمل أو راغب في الانتقال إلى أماكن أفضل.
هو يمكن أنه out of control إلى حدما، بس إلا ما يصير في شي يمدي الواحد يسويه.
من خلال بحث سريع، كانت هذه النتائج:
1- أكثر الجهات توظيفاً للبنات: الهيئات الحكومية، الشركات شبه الحكومية.
2- أكثر الوظائف التي تشغلها البنات: التسويق، العلاقات العامة، الوظائف الإدارية: إدارة المشاريع، الموارد البشرية.
الأسئلة:
1- هل قد صار لك موقف شعرت فيه أنه تم تفضيل متقدمة أخرى رغم أنك أكثر كفاءة؟ - إذا كنت تعرف CV المتقدمة هذي-.
2- وش الي تشوف أن المتقدمين لازم يسووه عشان يتجاوزوا الوضع هذا؟ - حط في بالك أن البولسي/السياسة هذي ماراح تتغير، أنت كيف راح تتعامل مع الوضع-.
الوضع أكبر مني ومنك …نحن داخلين في موجة نسوية وتفضيل النساء على الذكور وهالشي عانى منه الغرب قبلنا واحنا داخلين فيه الآن .
الشيء هذا مسبب لي اكتئاب واحاول اني ما افكر فيه …للاسف الرجل هو الأولى بالوظيفه من غيره خصوصا" ان احنا مجتمع يعتمد على نفقة الرجل من بداية تقدمه لخطبة المرأة لنهاية حياته وتفضيل النساء على الرجال راح يسبب كارثة وعدم توازن.
أهلا…
مثل ماذكرت، هو توجّه عام مايقدر الفرد أنه يغيّر فيه شي، المساحة الي ممكن الواحد يأثّر فيها هي الشي المتعلّق فيه هو بس.
طيب، بخصوص سؤال: وش الي تشوف أن المتقدمين لازم يسووه عشان يتجاوزوا الوضع هذا؟
عندي نقطتين:
1- محاولة أن يكون عمل الواحد في مجال مايعتمد كثير على الظهور/المنظر (أقسام التسويق والعلاقات العامّة ووظائفها عموماً) هذا للي يقدر يسوي شفت، وأيضاً يطوّر من مهارته بشكل يجعله ملاحظ من قبل الإدارة - يعني مايقدر غيره يسوي شغله -، الكلام مش تنظيري هنا، جرّبته ونفع. حط في بالك أن عندها ميزة مهي عندك، سو شي يميزك بعد
2- لاحظت أنه مهم يهتم الواحد بشكله وجمالياته، ويكون أنيق قدر الإمكان، مرة أخرى: أنت قدام وحدة حاطه فل ميكب، خلّ لك شي يميزك وماتطيح من عين أحد.
ما أبالغ يا شباب، والله كأنها رايحه زواج، مع شوية كلام بغنج يروح فيها الـ big boss
سبب المشكلة هو الغزو الناعم في تويتر ، لدرجة مسخ شخصية الشاب على أرضية الواقع
الآن لو تشوف لك أي واحد مغتّر وعنده منصب في شركة شبه حكومية بتلاقيه simp دق حنك سوالف مع البنات ويفضّلهم في العمل والترقيات
وهو نفسه الي يقولك نحن من تمكين المرأة من أجل رؤية 2030 وهذا هو عصر المرأة
وبعدين وش تتوقع من وحدة تصحى كل يوم الصبح على طريق الدمام الظهران المزدحم والمقرف بفل ميكب
هذه عادي عندها تشتغل 12 ساعة بـ3000 ريال ، وطبعًا رب العمل مبسوط … استعراض والشغل ماشي وقلة مصاريف
وازيدك في لنكيد ان انواع القرف تشوف يوم المرأة العالمي مصوريين كل المزايين اللي عندهم في الشركة وكذلك يوم الإم لدرجة ان واحد سيمب كاتب في التعليقات ان المرأة لديها قدرات خارقة افضل من الرجل هههه سيمب درجه اولى
ودك ترد عليه، بس في لينكدين وجهك ومكان شركتك ومعلوماتك كلها موجودة تخاف على مسيرتك المهنية تنتهي من الهجوم
وإلا أنت من قوة الإشمئزاز من هالعبارات ودك تطلع من الشاشة إلى وجهه مباشرة ههههههههه
ولا يفوتك،، وحدة موظفة من يومين وحاطة صورتها وكاتبة تمت ترقيتي إلى مستشارة في الموارد البشرية وتعال شوف السيمبز في التعليقات
أنت رجل ومهندس في السعودية بتنحك على وجهك في الشركات العائلية أو المقاولات وبرواتب بائسة، والفرص نوعًا ما ضعيفة
وإذا ما عندك واسطات وعلاقات ادفن شهادتك جنبك، وجب الي يقولك حسّن سيرتك الذاتية عشان الشركات تُعجب فيك ادفنه جنب الشهادة هذا
محاولة تفسير:
الموضوع مرتبط بوضع المرأة في المجتمع، سابقاً ماكان فيه مجال عام لها: أماكن العمل محدودة، الأماكن الي تروح لها محدودة، الحين كأنها موجة مضادّة، صار فيه جيل إما نشأ في التغيّرات التي صارت، أو أنها تخرجت من الجامعة على بداية الانفتاح، تنظر لهذا أنه حق ومساحة لها، مش بالمنطق العام: وش الصح وش الغلط.
غير كذا، العمل وغيره تجربة، تروح تشوف، تمارس شغلات حتى لو ماكانت صحيحة.
تبون توظفو بنات وظفوا لين تطفشون لكن لا عاد تلزمني اصرف على البيت و الزواج وكل شي من الى، لا وبعضهن تجيك موظفة وتقولك عطني مصروف ههههه
ياخي الرجال لازم يتكلمو اكثر بالموضوع هذا! سالفة انك تغير التوجه العام هذي تبطي عظم، على الاقل طالب بالي تقدر عليه! غيرو الشرع ومشوه على كيفهم لكن نجي على النفقة الكل يقولك لااااا انت الرجاااال يا حبيبي ولسا ملزوم بمسؤولياتك الي من زمن رجل الكهف ما تغيرت
عاد وضعنا كمهندسين افضل من غيرنا، يبقى تخصص خشن و رجولي لكن والله اني اشفق على الي دارسين تخصصات الي فيها بنات كثير، ادارة محاسبة مالية ترجمة الخ، هذول الي صدق الله يعينهم
تبغى تهيت 12 ساعة برى البيت وراتبها لها ولفلتها، وتجي تقولك أنت ملزوم تنفق علي
إذا تبغاها بالشرع، أنتي ملزومة لتأدية الواجب الزوجي في أي وقت يطلبه الزوج، ومع دوام أبو 12 ساعة خارج المنزل يعني إستحالة، وبياكلها الزوج والأبناء وهاتك تفكك أسري ومشاكل
إذا رضي الزوج بهذا الأمر، فعلى الأقل يطلب منها تصرف على المنزل النصف بالنصف في كل شيء، بمعنى شيء يعوّض عن شيء
أما مسألة الخروج لساعات طويلة جدًا بدون أدنى فائدة أو شيء راجع للمنزل أو للرجل، فهذه بداية شرارة المشاكل
تخيل أنت تاخذ وحدة كذا فلوسها لها وكل يومها بالدوام ولا علاقة زوجية ولا بطيخ، وش استفيد انا ؟ هههههههههههه
أكون عزابي وأطلع كسبان
في وحدة تابعتني على لنك دن حاطه صوره عرض اسمها بعدها توظفت في مستشفى خاص بعدين غيرت صورة اللنكدن وكشفت وفل ميكب الله يستر عليها وعلى بنات المسلمين وبعده على طول الان تعمل في هيئة حكومية …
الوظائف الي يعملن فيها البنات وظائف ادارية ك مشتريات سكرتيره اتش ار الوظائف الي تحتاج مكاتب اما بالنسبة للشركات فالفيلد مافي نساء اغلب الوظائف رجال …
والرزق بيد الله هو مقسم الارزاق من الواحد في بطن امه
فقد ثبت عن النبي -صلى الله عليه وسلم- أنه قال: «إنَّ رُوحَ القُدُسِ نفثَ في رُوعي، أنَّ نفسًا لَن تموتَ حتَّى تستكمِلَ أجلَها، وتستوعِبَ رزقَها، فاتَّقوا اللهَ، وأجمِلُوا في الطَّلَبِ، ولا يَحمِلَنَّ أحدَكم استبطاءُ الرِّزقِ أن يطلُبَه بمَعصيةِ اللهِ، فإنَّ اللهَ تعالى لا يُنالُ ما عندَه إلَّا بِطاعَتِهِ» . رواه أبو نُعيم في الحلية من حديث أبي أمامةَ الباهلي -رضي الله عنه-، وصححه الألباني في صحيح الجامع (٢٠٨٥)].
طبعاً في الأخير في ناس طلعت عن الموضوع… بس ما علينا.
في وظائف تأثير دخول الإناث في سوق العمل شبه معدوم فيها، ذول ما عليهم خوف. و قسم اللي شبه متساوية كمية المؤهلين للوظيفة بين ذكور و إناث.
أولاً: نتفق انه هذا من مبدأ الطلب و العرض، زاد العرض - المتقدمين للوظيفة - فصعبت المنافسة عليك (مثلاً لو كنت بتنافس 10 متقدمين بنفس مستواك للوظيفة في 2012، أحين يمكن تنافس 15 إلى 20). و هنا طبعاً الحل انك تتحسن عشان تواجه المنافسة.
ثانياً: النقطة الأولى غالباً ليست عادلة في حالتنا، لأسباب قد يكون منها انه صاحب العمل يحصل على مميزات أكثر في توظيف الإناث، و غالباً - أتوقع في الوظائف البسيطة و المبتدئة - الراتب يكون أقل للإناث.
هنا ما أعرف أسباب تفاوت التفضيل فما بفتي. أما مسألة الراتب فهي نفسها تقريباً مع الأجنبي، و الحل هو تغير في سوق الوظائف إلى أن ينعدم التفاوت و يكون الجنسين شبه متساوين في الراتب. و هنا نصير على الأقل تخلصنا من عنصر من العناصر في التفضيل. و هذي حلها من عند الإناث، بحيث انهم يرفعون من رواتبهم.
خارج الموضوع: للي همه الدخل (و عنده اسرة و زوجة تعمل) حاول انكم تجدون توازن بين الوظيفتين حتى لو واحد منكم يضحي.