السلام عليكم ورحمة الله
.
.
.
مثل ما شفتو العنوان … أدخل في المختصر و ما اطول عليكم 
أنا خريج دبلوم من جامعة البترول , ولما اقول دبلوم اقصد البرامج الي تقدمها الجامعة في السنوات الاخيرة مثل كلية المجمتع وغيرهـ.
تخرجت عام 2012 و بدأت مساري الوظيفي عام 2013 و دخلت في مجال شركات الهندسة والتصميم المقاولة مع ارامكو.
كنت مقدم على ارامكو المرشحين ذوي الخبرة و مستمر في تحديث السيرة الذاتية على موقعهم (ولو اني كنت قاطع الامل انهم حتى يتواصلون معاي 
)
والحمدلله قبل اسبوع جاني اتصال من الرياض , كلمتني بنت و عرفت بنفسها و قالت احنا عندنا وظيفة شاغرة اذا ودك تنظم مع ارامكو السعودية 
2:
أنا هنا وبكل صراحة أول مرة أحس بشعور المغص في البطن ! ولو اني سويت مقابلات كثير بس هذي أول تجربة لي مع أرامكو 
بعدها حددت لي التاريخ و أرسلت لي ايميل رسمي في تفاصيل أكثر :
ومن وصلني الايميل دخلت على جميع المواضيع في المنتدى و درست كل تفاصيل المقابلات و شنو أهم الاشياء 
(طبعآ خويكم ما صدق خبر اشتريت بدلة رسمية بذاك المبلغ عشان اطلع بمظهر لبق و لائق)
وصلت يوم المقابلة الى مكتب الظهران , توجهت الى الاستقبال و علمتهم اني عندي مقابلة وطلعت اسمي وقالت لي انتظر
.
بعد 10 دقائق انتظار نادوني تفضل معنا غرفة التحقيق وهنا تبدأ الصدمة
بعد كل التجهيز و أحتمال جميع السيناريوهات الي ممكن تصير
اول ما دخلت سلمت عليهم و عرفو بأنفسهم وعلى طول دخلو في الاسىلة التكنكل
ما خلوني اعرف بنفسي و لا اتكلم عن خبرتي و لاشي !! للامانة كانو مرة محترمين و يعطوني فرصة اتكلم
سألوني عن معدل شهادة الدبلوم و ذكرت لهم اني 3.47 من 4 و بعدين قالو لي الوظيفة بتكون في راس تنورة , قلت لهم ما عندي مانع
و ذكرت لهم اني حاليا أكمل دراسة في جامعة الامير محمد بن فهد هندسة ميكانيكية “طالب مسائي” وحسيت انهم انبسطو من هالشي وسألوني عن معدل الجامعة
صارت بعض الاسئلة التكنكال عن مجال offshore لانه مجال عملي الحالي.
كان الانطباع ممتاز و سألتهم كم ياخذ البروسس قالو اسبوعين تقريبأ وراح يتواصلون معك التوظيف
والمعذرة لو طولت عليكم هذا الي صار معي.
لو عندكم أي معلومة عن باقي الاجراءات افيدونا لو تكرمتوا
وشكرآ لكم