السلام عليكم ورحمة الله
انا ولله الحمد توظفت في احدى شركات السيرفس بمسمى ممتاز و راتب ممتاز ، ولكن بعد تجربة العمل في المناطق النائية وفي مجال شركات السيرفس عرفت ان هذا المجال مايناسبني ابد لاسباب عديدة
سوالي هو للي قدر يخرج من هذي الشركات، كيف قدرت تنسق بين عمل المقابلات لفرص وظيفية اخرى و طبيعة عمل الرقوق؟
انا الان فاتتني مقابلة في شركة ممتازة بسبب انها صادفت اني في الرق، ولا ودي استقيل و ابتدي ادور على عمل من جديد، الوضع كنه سجن بالنسبة لي…
الرقوق سجن
وراح تظل رهينة لهذا السجن بسبب الراتب
نصيحة إذا حسيت أنك مو متقبل الوضع تماماً وتبي تدور على شيء ثاني ، جمع لك مخزون فلوس يكفيك سنة وأكيد ما هي صعبة دام راتبك عالي
وبعدها قدم استقالتك وابحث عن رزقك وانت مرتاح ووقتك كله لك
الله يعينك ياغالي، نصيحة اذا جتك مقابلة حاول تخليها على التيم او قد ماتقدر تنسق وقتها على وقت تكون متواجد لحضورها، ومثل ماقال الاخ اللي فوق جمع لك مبلغ يعيشك سنة قدام واطلع وابحث
ياهلا فيك
ودي اعرف ايش سار عليك, ياليت لو تهبد كل شيء بقلبك هنا في النهاية احنا نستفيد
انا بشركة سيرفس بس واضح من كلامك ان ضروفنا جدا مختلفة, الشغل عندي مو كثير, هو كرف بس وقت المشاريع ولكن مانطلع كثير لها
عموما ابغا اعرف الشركة الي ما قدرت تحضر مقابلتها هل انت كلمتهم ياخرون الوقت ورفضو ولا استسلمت وتركت الموضوع؟
وعليكم السلام ورحمة الله وبركاته
أنا أيضاً كذلك أعمل في شركة سيرفس منذ أقل من سنة بمسمى Field Engineer وكنت مجبور أقبل بهذا العرض لأن ما جاني أي عرض جيد . طبيعة هذه الشركات أن الراتب عالي والبونص أيضاً مغري وتخرج براتب لا يصل إليه معظم موظفي الشركات الاخرى في بداياتهم . لكن جدول العمل الغير ثابت متعب ويجعل حياتك فوضوية جداً وغير مستقرة إضافة إلى المخاطر الكثير التي تحيط بك في الرق والشفتات اللي ممكن تستمر لفترات أكثر 12 ساعة وبعض الاعمال التي تتطلب جهد بدني . المشكلة مثل ما قلت ان كثير من المقابلات قد تفوتك وانت في الرق لكن في بعضهم صادفت المقابلات وقت اوف وقدروا يسوون مقابلاتهم او تقدر تنسق مع مديرك وترجع من الرق في وقت معين . انا ما أشوف أن المشكلة الرئيسية في شركات السيرفيس تكمن في وجودك في الرق وأنما في الخطة الوظيفية اللي تبدو بالنسبة لي ضبابية وقد تبقيك رهين تواجدك في الرق لفترات طويلة من عملك قد تكون حتى تقاعدك . الخوف اللي ينتابني أحياناً هو خوفي من تقدمي في العمر وانا في هذي الوظيفية وإذا استقلت منها ما راح ألقى أي وظيفه إلا في هذا المجال كونه خبرتي الوحيدة . في بعض الشباب ما شاء الله عليهم متأقلمين مع العمل وعملوا في هذا المجال لسنوات بعضهم من خمس سنوات إلى عشر سنوات وودي أجلس مع واحد منهم وأفهم منه كيف هو متأقلم للآن .