انا خريج 2020/12/31 يعني لي الآن تقريبا سنة و10 اشهر متخرج.
المشكلة هي اني ما حصلت على أي مقابلة لوظيفة هندسية لحد الآن مع العلم اني قدمت على كل شركة حصلتها كبيره وصغيره وكل فترة احدث بيناناتي بالشركات الكبيرة زي سابك وارامكو وشملبرجير
معدلي 2.6/4 (طبعا ما ذكرته بالسي في) وللأسف وقت تدريبي كان في أزمة كورونا فما حصلت تدريب الا في الجامعة وكذلك مشروع التخرج كان أونلاين فما قدرنا نعرضه مع أني جبت فيه A
كل فترة احاول ازبط السي في زيادة. ذكرت الكورسات الإختيارية الي اخذتها وذكرت تفاصيل التدريب ومشروع التخرج ودرجة مشروع التخرج.
اخذت دورة الOSHA و الان ابحث عن دورات ممكن تفيدني.
ضاعف جهدك بالتقديم اذا انت اسبوعيا تقدم على 10 شركات، صر قدم على 20 شركة
وخلك عللا الايميلات لان غالبا على المعدل ذا بيجيك رفض آلي من اغلب الشركات اللي تسال عن المعدل
موفق~
الله يكتب لك الرزق ومن يقرأ،،، اشترك في الينكد ان اشتراك بريميم ممكن ١٤٠ ريال بالشهر بس هذا مهم عشان تقدر تراسل الموارد البشريه للشركات الي مسجلين في الينكد ان،،
تدخل على صفحة الشركة في اليكند ان في خانه people انزل تحت لمحرك البحث واكتب recruiting or hr ويطلع لك لسته ارسل لكذا شخص، لكن ترى ماتقدر ترسل غير رساله وحده حط العنوان مثلًا Electric Technician vacancy واكتب الرساله انو ابحث عن وظيفه كذا وعندي خبرة كذا او متخرج من كليه او جامعة كذا وسوي ارفاق للسيفي ولاتسوي ارسال الا لما تتاكد ان كل شي صحيح ورسمي ويفضل الكتابه باللغه الانجليزيه،، والله يقدم لك الخير سوي كذا مع الشركات كلها.
أستمر في التقديم بقدر ما تستطيع أنا مثلك تخرجت قبلك بكم شهر وجلست قرابة السنة وثمانية أشهر عاطل عن العمل بعدها جاتني ثلاث عروض عمل . لا أستطيع بصراحة تحديد ماهية المشكلة بالضبط . هل هي المعدل او السي في او المقابلات . ففي الفترة اللي كنت عاطل فيها كان في كثير ممن تخرجوا بمعدلات عالية عاطلين عن العمل كذلك . الفرص أحياناً لا تكفي الجميع فمثل ما أنت معدلك عالي هناك المئات والآلاف ممن تخرجوا في دفعتك أيضاً معدلاتهم عالية وبغض النظر من أي جامعة تخرجوا سواء البترول أو غيرها . والكثير الكثير من زملائي رأيتهم لم يحصلوا على عمل يليق بمؤهلاتهم . لذلك الأمر فقط يحتاج إلى صبر واستمر في التقديم والتعديل على السي في وأي فرصة تدريبية او دورات متاحة يمكنك التقديم عليها .