جايتني وظيفة من شركة الحفر العربية بالخبر و أنا ساكن بالبحرين المسافة من بيتنا للشركة 52 كيلوا تقريباً
الراتب 7500 ريال اي 750 دينار بحريني
بس الشي الغريب اله قالوه ليي إن بكون الدوام اسبوعين و اسبوعين إجازة
و بكون الأكل و المواصلات و السكن و التأمين على الشركة
أغلب الرواتب هوون بالبحرين للشركات بين 4500 -7000
4500 اذا توك متخرج و انا صار ليي سنة و ربع من تخرجت
فيه كم سؤال ما سألته للحين و هو بخصوص إني اقدر ارجع لبيتنا بعد نهاية الدوام بسيارتي او هم بيعطوني او بتكون المواصلات بس حق العمل في الخبر و حسب موقع وزارة العمل عندنا بالبحرين بكون العمل بنظام النوبات
العرض جايني من طرف وزارة العمل و يبغون يرشحوني للوظيفة فهل يستحق ذلك أو لا برأيكم…؟؟
رايي الشخصي , العرض مهين و فيه من الاستعباد
أنا اتكلم عن راتب اساسي 280 د.ب مع العلاوات يوصل 600 الى 650 د.ب (السكن , مواصلات , الاكل و الشرب عليهم) , ظروف العمل قاسية (10 ساعات عمل)
طبعأ الشغل بيكون في منطقة نائية ينعدم فيها الاتصال و الانترنت , شغلو وايد مهمه نسيت اذكرها , المسمى الوظيفي بيكون ( عامل حفر ثاني ) يعني أٌقل من operator & technician
ما عندي خلفية عن السلم الوظيفي.
ممكن يكوم دوامك اسبوعين في الموقع و اسبوعين في ديرتك و في احتمالية يكون شهر في الموقع (حسب ظروف الي راح يبدل معاك)
فيه سؤال سأله واحد من الشباب عن نظافة السكن , الرد كان: يعتمد عليك أنت و الي ساكن معاك (يعني أنت و زميلك تتحملون نظافة الغرفة و الحمام , تكرم) كل اثنين راح يكونون مع بعض(مب متأكد).
م عندي خلفية عن العقد , لكن كانوا واضحين بحيث كانوا يجاوبون على الاسئله بكل وضوح و شفافية (م يبونك تنصدم بالواقع + يبون ناس تتحمل)
ياشباب انا جاني عرض وظيفي في شركة اديس
على مسمى وظيفي Motor Man مين عنده خلفية عنه
و كيف الترقيات
بيقولوا الراتب يوصل ٢٤ الف مع الترقيات وفي اوڤر تايم
وحاليا الراتب مع البدلات٦٧٥٠!
هل كلامهم صحيح وتخصصي فني ميكانيكا انتاج
الدوام ٢٨ يوم و ٢٨ يوم اجازة
اش رأيكم اهل الخبرة
+ حاليا باكمل دراستي بكالوريوس وعملت تأجيل وقبلت عرضهم وتركت وظيفتي القديمة اللي كانت بنفس تخصصي فني ميكانيكا لأني على وشك الزواج ومحتاج ميزانية أعلى
اش نصايحكم