السلام عليكم ورحمة الله وبركاته ، انا خلصت اول سنه تحضيريه بالهندسة، والان مضطره اختار تخصصي
وهذي الخيارات المطروحة (ميكانيكا ، كيميائي ، كهربائي)
هدفي هو اني اتوظف بارامكو وسابك بعد التخرج، حسب معرفتكم ايش التخصص الي يوضفون فيه بنات ؟ وله مستقبل من وجهة نظركم؟
انا ماميل لاي تخصص واشوفها كلها زي بعض
أولا قرارك غبي, ثانيا ليه تروحي هندسة ليه مو تخصص أسهل ؟ وبعدين توك ببداية الطريق لا تفكري وكملي دراستك
اولا وضح رايك بشكل تفصيلي عشان افهم وجهة نظرك
ثانياً يبدو إنك ما فهمت سؤالي زين.
أنا ما كنت أطلب رأي في قراري بدراسة الهندسة ، اتخذت القرار من وقت طويل، كانت درجاتي كويسه واقدر ادخل اي تخصص احطه ببالي، وتخيرت بين تخصصات قوية مثل الطب والهندسة، وميولي واضحة تجاه الهندسة، والحمد لله أشوف نفسي مرتاحة ومتفوقة فيها.
سؤالي كان عن اختيار التخصص الدقيق داخل الهندسة (كهرباء، ميكانيكا، كيميائي)، من ناحية فرص التوظيف في شركات مثل أرامكو وسابك، خاصة للبنات.
إذا عندك معرفة أو تجربة بهذا الموضوع ياليت تشاركنا فيها، لأن هذا اللي فعلاً راح يفيدني ويفيد غيري من البنات اللي بيمرون بنفس المرحلة.
ووضح لي ليه القرار غبي 