السلام عليكم ورحمة الله وبركاته مسّاكم الله بكل خير جميعًا.. أخواني أنا طالب في جامعة خارج المملكة وعندي فرصة تدريب تعاوني وجاتني أكثر من فرصة وحاب آخذ رأيكم وتوجيهاتكم فيها،
قبلها حاب أوضح تخصصي هو هندسة ميكاترونكس، يجمع بين الميكالنيكال والالكترونيكس وشوي الكتريكال مع بعض ومجالات العمل روبوتيكس، درونز، سيارات كهربائية، أي شيء يجمع بين الإلكتريكال والميكانيكال، أو الإلكترونيكس والميكانيكال.
بخصوص الفرصه الأولى جاتني في أرامكو في قسم ال Geological Operations Dept, Ground Water Div.
حاولت أبحث عن القسم ماعرفت عنه كثير لكن سمعت إنه فيه روبوتيكس وبالتالي طمنني شوي لأن خفت أتدرب في شيء ماله علاقه بتخصصي ونسيت أذكر مقر العمل في الظهران.
الفرصة الثانيه في ينساب في ينبع، المميز بهذي الفرصه إني راح أقدر أتدرب بالكنترول سيستمز وأعرف وأتعلم أكثر عن أنظمة الكنترول والplc وغيرها.
شيء أخير نسيت أذكره، انا إنسان يهمني التوظيف بعد التدريب لو شديت حيلي معهم.. وسألت مهندس في سابك وقال لي إن وضع الشركه مو أفضل شيء وإنه السهم كان ب ١٠٠ وصار ب ٥٠، وصايرين مايوظفون نهائيًا ولو وظفو يوظفون فقط طلاب برنامج السكولارشيب. وجامعتي مو من ضمنها.
بخصوص أرامكو العكس، سمعت إنه عادي يوظفون اللي يكون شاد حيله معهم.
أفتوني إخواني الكرام محتار بصراحه ولكن ما أستغني عن آرائكم وإقتراحاتكم الكريمة.
ملاحظه مكان العمل مايهمني.