بصفتي احد افراد رجال الامن فإني افتح المجال للغلابة الطلاب بطرح معاناتهم مع هذا الجهاز الامني المتعب لكل احد حتى رجاله…
واتمنى من ةكل طالب ان يطرح معاناته مع رجال الامن ويفتح قلبه لنا هنا…ويذكر كل ما يشعر به من ظلم واضطهاد وقهر…
المخالفات…والرادار…والتفتيش وبوابة السكن…وسوء الاخلاق…
اللي في بالك اطرحه وابشر باللي يريح بالك…
اذكروا فقط معاناتكم مع رجال الامن…اهم السلبيات…واذا فيه ايجابيات …لابأس…مع اني ما اظن لأني عايش بينهم…
يا شباب فرصة …نستقبل مشاكلكم
على هونك …
اكبر مشكله واجهتني هي انهم حاطين رادار عند المنحدر اللي قبل مدخل عماره 16
يعني منحدر اكيد السياره بتسرع شوي الا وشوي تلاقهم موقفينك وذيك الورقه الزرقا المرعبه و100 ريال طارت
أن يتم جمعهم واعادة تعليمه في الكتاتيب … فالجهل ضارب بأطنابه على مرابعهم …
وان يتعلموا لغة الحوار مع الكائنات المسماه (طلاب) …
والف تحيه لك يا رجل الأمن من أخوك الصعلوك
الاخ احمد والاخ الصعلوك
حنا دايم نحط الرادار في المنحدر هذاك اذا كنا مطفرين والشيكات رايح تتأخر…
مسالة الاخلاق…معاك حق…بس خليك معاي شوي
دايم الطلاب رافعين خشومهم…ويحسبون ان رجل الامن زي الخادم…ماله اي احترام وتقدير…ما ان يتناقش احدعهم مع طالب حتى راح يهاوش ويضارب…
صحيح بعض رجال الامن يستحق الضرب بالنعال على راسه لانه قليل حيا…
بس شوف ترى قلة الاخلاق هي سياسة الامن علشان يحس رجال الامن ان لهم مكانة وان الجميع يرهبهم…والا لو كانت الالمور زي الحلاوة ما كان لهم وجود…
شفتوا كيف!!!!!!!!!!!!1
المشكلة اذا كان عندك اختبار نهائي في الجبل وطبعا ما يكون فيه باصات تجي توقف في امان الله في مواقف الطلاب الساكنين خارج الجامعة وتجي تلقى القسيمة تلوح ??? ليش?? يعني نجي من العماير البيض على رجولنا ???
ممكن تستخدم سيكل يا اخ فهد…
او ممكن توقف على الشارع و(تقط) وجهك على واحد يوصلك…يعني الحلول كثير…
بس لا شوف سيارتك موقفه هناك…
اصلا حنا متعمدين نعقد الامور وقت الاختبارات…لأننا مقهورين من الطلاب يدرسون جامعة وحنا الواحد حتى ثانوية ما كمل…
طيب مشكلة ثانية يا رجل الامن
السرعة النظامية في الجامعة 50 ما قنا شيء لكن تجي توقفني وتعطيني قسيمة على سرعة 52 !!!!!!!!!!!!!! ليييش???
يا اخي لازم اجيب مسطرة واحطها على الطبلون???
اقل شيء تعطون نسبة خطا ولو الى 55
تحياتي
حبيبي الايرور في كورسات الجامعة مو في قسم الامن…
السرعة خمسين يعني خمسين …وزيادة اثنين كيلو متر ممكن تتدهس واحد اوريا او تصدم في خشبة البوابة…
حنا روحنا امريكا عشان ندرس ايش افضل سرعة نحطها للطلاب…واشاروا علينا الاخوان في امريمكا ان نحطها خمسين…ونضرب السرعة بثنين ويصير مبلغ المخالفة…
حبيبي شفت كيف معادلات رياضية مو لعب…
وبعدين لو حطينا السرعة 55 او 60 معناها المخالفة رايح تصير 110 او 120
روح نام حبيبي فهودي…هذا معادلات لو قعدت العمر كله مارايح تفهمها
إسمعوا قصتي…
كنت جاي أبغىء أخوش على طريق الحزام… وكان فيه أمن مصيخ, ماشي بسرعة تناسب إنه يقلع بس مافيه أجنحه و هوه ثقيل و دبه… عرفتوه الغامدي إلي في الأمن.
لما شافني معايه سياره جديدة ضرب فرامل قويه و وقف. و قلي إمشي بطريقه بايخه مره. قلت له:“إذا كانت بالقوه الشغله لا أنت و لا أشكالك يمشوني”. أتصايحنى شويه و مشى كل واحد بعد ما كنت بأجرب قوتي عليه.
و قبل شوي عديت من جمبه (كان فيه تفتيش الجامعه) و قلت له:“كل ****” ولا رد بكلمه.
مهجدهم!!!!
يقولون خذوهم بالصوت
وهذا اللي انا مسويه اي واحد من الامن يوقفني اسفل فيه لين يقول تكفى امش
كل رجال الامن متهاوش معاهم … 
الحين ماحد يوقفني بتاتا البته لا ويسلمون كل مامريت من عندهم
بس المشكله كل ما اوقف سيارتي في مكان اجي واحصل عليها مخالفه
لا وانا الوحيد اللي على سيارته مخالفه ليه مادري 
لا تقولون غايرين من السياره لانها وبكل بساطه كابرس88
هذا سؤال يتطارح مع نفسه والا وش رايك يارجل الامن
اخوك الذيب
حولكم كلام كوثير
ملاحظتي هي…ليه توظفون الطلاب عندكم بالامن وتحرجونهم بالقسايم.
يعني تخلون الطالب يصطدم بزميله الطالب. وانتم جالسين تفرجون.
وتسببون المشاكل بمثل هذه الحركات السوكيوريتيه .
انا عندي ملاحظة و الله اعلم ان كانت صح
اعتقد بان رجال الامن يتصيدوا اقل الاخطاء على الطلاب احيانا مايكون الخطأ عليه مخالفة و هم على الريحة يبغوا بس يقولو للامن انهم شغالين عشان يرتفعوا درجات في العمل و لايخافوا من الله و يقولو هذا مسكين المفروض مانعطيه مخالفة
لا يقولوا هذا المفروض مايستلم مكافاة يالله كله حلال الدولة
الذيب
نعم لقد جبنا الديب من ديله…
ما شفت شي…
شوف اذا تهاوشت مع رجل امن لازم…تقوله يا سكيرتي …بعدها ينتفخ صدقوني فيه واحد دايم كذا …
وفي الاخير راح يسأل زميله يقول وشوا سكيرتي؟…مضيع اخونا…
سلطان الظهران
هذا هدف سامي لتلافي اشتباك رجال الامن مع الطلاب
اضربهم ببعضهم االبعض…هدف الامن السامي
الاخ جينيرال هوك
صح لسانك…
اخوي رجل امن عندي احساس انك مش رجل امن لانك تعرف ايرور
وكورسات و اوريا لا وكمان عضو في منتدى في الانترنت
احس انها قوية خصوصا من حقين الامن عندنا !!!!!
لانهم ما يعرفون الا كلمتين (النظام) و(ممنوع)
صح ولا مش صح
هلا وغلا بكم جميع اخواني الطلاب بما ان السيره انفتحت مو برنامج الا خوان في لبنان السامج لا سيره الامن السامج راح ينشر موضوع يفضح هذا القسم سترونه في القريب العاجل الله يرحم والديك يالي فتح الموضوع ونشوفك تستخف دمك ان شاء الله يالي مسمي نفسه رجل امن اذا شفت الموضوع…
الأخ رجل أمن … كلامك جدا واقعي …
نعم كثيرا من الطلاب … قبل الأمن يحتاجون تربيه … من جديد …
لكن القضيه ان يكون عندهم قليلا من المرونه …
أنا أعطيك مثال :
طالب مسكين … لديه اختبار في مبنى 11 عشره الساعه 7.30 صباحا … وبقدرة قادر
تأخر على موعده فاضطر الى الوقوف بالمواقف الخارجيه أمام مبنى 19 مع العلم أن لديه سكن بالجامعه …
طيب هذا المسكين ليش ياخذ مخالفه …
واذا أخذها وقدم شكوى … شارحا فيها ظروفه … ليش … (تشوتونه) …
واسلم لمحبك الصعلوك …