صراحة في موضوع مهم جدا لازم نتناقش فيه والمفروض ادارة الجامعة تتدخل في حلة
اكيد مافي احد فينا ما ذاق المر من التفاتيش اللي موجودة عند البوابتين
وخصوصا تجيهم ايام يفشو بذمة وضمير
وتلاقيك واقف في التفتيش زي البطل لمدة ساعة واكتر كمان
وياسلام لو كان التفتيش شاد حيله في العز الظهرية
المشكلة هادي لازم ينشاف لها حل خصوصا في ايام الفاينلات
يعني مو معقول اجي على فاينل والاقي قدامي صف تفتيش اوقف فيه ساعة وزيادة
ومو معقول اجي قبل الفاينل بساعتين وتلاتة واضيع وقتي في التفتيش عشان اوصل يا دوبك على الوقت
والمشكله انه في اعضاء هيئة تدريس يعانو من نفس المشكله بس لمن يجيهم طالب متأخر نص ساعة ولا غايب بسبب التفتيش ما يصدقونه رغم انها الحقيقة
يبغالو الواحد يجيب معاه الفطور في السيارة يفطر وقت التفتيش
انا مرة جيت من عند ارامكو و كان فيه ضابطين كل واحد واقف في سيد
المهم جيت ووقفت و هم يسولفون و لي نص ساعة احتري و اطالعهم و اقول ايش فيه الرجال الذباب ملا وجهه
طلع يقولي امش و انا احسبه يهش ذباب …<== موقف محرج صح
للأسف الجامعة اصغر من انها تواجه هالتعليمات الصارمة و صدقوني ان معظم الشرطة نفسهم متظايقين من التفتيش بس الأوامر تجي من فووووووووووووووق
ما احد يقدر يتكلم
بس الأقتراح ان عند بوابة ارامكو في ثلاث شوارع يا ريت يحطون ثلاث نقاط بدل من نقطتين تفتيش
وشكرا
يا شباب اصبروا لين تعدي الازمه…وبعدين لاتلومونهم هذا واجبهم وبعدين لاسمح الله لو صار شي مين بيكون اللوم عليه…
اكيد هم وراح نقول ليش ماعملو نقاط تفتيش اكثر وليش ما كثفو الحراسه…يعني لازم تفكيرنا يكون ايجابي شوي …
وسلامتكم
